Categories: Gujarat

મતદારોને સ્માર્ટ કાર્ડ જેવું પ્લાસ્ટિકનું વોટર અાઈડી કાર્ડ મળશે

અમદાવાદ: અમદાવાદ સહિત રાજ્યના નવા નોંધાનારા મતદારોને હવે પ્લાસ્ટિકના સ્માર્ટકાર્ડ જેવા હવે વોટર અાઈડી કાર્ડ મળશે. જ્યારે જે મતદારો પાસે વોટર અાઈડી કાર્ડ છે તેમણે પ્લાસ્ટિકનું કાર્ડ મેળવવા માટે રૂ. ૩૦ ચૂકવવા પડશે. જાન્યુઅારી મહિનાથી મતદારોને પ્લાસ્ટિક કાર્ડ અાપવાની શરૂઅાત કરાશે.

જ્યારે ૧૮ વર્ષ પૂરાં કરી ચૂક્યા હોય અને મતદાર યાદીમાં પહેલી વાર મતદાર તરીકે એન્ટ્રી લઈ રહેલા નવા મતદાતાઓને નવું સ્માર્ટકાર્ડ જેવું દેખાતું ચૂંટણી પ્લાસ્ટિક કાર્ડ મળશે. આ અંગે ગુજરાતનાં મુખ્ય ચૂંટણી અધિકારી અનીતા કરવલે જણાવ્યું કે, ”૨૫ જાન્યુઆરી પછી આ કાર્ડ ઇશ્યૂ કરવાના શરૂ થશે, જે નવા મતદાતા માટે નિઃશુલ્ક હશે.”

સ્માર્ટકાર્ડ જેવા દેખાતા આ પ્લાસ્ટિક કાર્ડની ઉપયોગીતા એ રહેશે કે અન્ય ક્રેડિટકાર્ડ કે પાનકાર્ડ જેવી તેની સાઇઝ હોવાને કારણે એકસરખા માપને કારણે અન્ય કાર્ડની સાથે તેને સાચવવું સરળ બનશે એટલું જ નહીં, અત્યાર સુધી ચૂંટણી કાર્ડ લેમિનેટ કરાવવું પડતું હતું તેની પણ હવે જરૂર પડશે નહીં.
સ્માર્ટકાર્ડ અને પ્લાસ્ટિક કાર્ડ વચ્ચે એક નાનકડી ચિપ્સને બાદ કરતાં સરખાપણું રહેલું છે.

સ્માર્ટકાર્ડમાં એક ચિપ્સ હોય છે, જેમાં તમામ વિગતો સ્ટોર કરવામાં આવે છે, જેથી ચિપ્સમાં રહેલી લિન્ક મુજબ માહિતી મેળવી શકાય. જ્યારે હાલમાં મળનારું પ્લાસ્ટિક કાર્ડ તેના જેવું હશે, પણ સ્માર્ટકાર્ડ નહીં હોય.

હાલમાં ઇલેક્શન કાર્ડની સાથે આધારકાર્ડ લિન્ક કરવાની કામગીરી ચાલી રહી છે, ત્યાર બાદ ભવિષ્યમાં ઇલેક્શન કાર્ડ પણ સ્માર્ટ બની શકે છે. તાજેતરમાં જ આધાર કાર્ડની પ્લાસ્ટિક કાર્ડ તરીકે ઇશ્યૂ કરવાની કામગીરી શરૂ થઈ ચૂકી છે. તેમાં પણ નવું આધાર કાર્ડ કઢાવનાર વ્યક્તિને હવે પ્લાસ્ટિક કાર્ડ ઇશ્યૂ કરવામાં આવે છે, જ્યારે જૂના આધારકાર્ડ ધારકને પ્લાસ્ટિક કાર્ડ મેળવવા માટે રૂ. ૨૫ ચૂકવવાના રહે છે. આમ હવે ઇલેક્શન કાર્ડ પણ પ્લાસ્ટિક કાર્ડ તરીકે મળવાના શરૂ થવાથી તેને સાચવવાનું સરળ બનશે.

અમદાવાદના કુલ ૩૯,૮૩,૫૮૯ મતદાતા ૨૫ જાન્યુઆરીથી નવા પ્લાસ્ટિક ચૂંટણીકાર્ડ મેળવી શકશે. હાલમાં મતદાર સુધારણા યાદી કાર્યક્રમ ચાલુ હોઈ તેમાં નવા મતદારોનો ઉમેરો થશે.

admin

Recent Posts

રાજપથના બોગસ સભ્યપદ કૌભાંડમાં ફક્ત ક્લાર્ક સામે પોલીસ ફરિયાદ

(પ્રતિનિધિ દ્વારા) અમદાવાદઃ રાજ્પથ ક્લબમાં ૩૮ બોગસ મેમ્બરશિપ આપી દેવાના કૌભાંડમાં વસ્ત્રાપુર પોલીસે કલબના ક્લાર્ક હિતેશ દેસાઇ વિરુદ્ધમાં ૧.૬૫ કરોડની…

19 hours ago

CBSE બોર્ડની ધોરણ 12 સામાન્ય પ્રવાહની પરીક્ષા શરૂ

(અમદાવાદ બ્યૂરો) અમદાવાદ: સેન્ટ્રલ બોર્ડ સીબીએસઈ દ્વારા આજથી ધોરણ ૧૨ સામાન્ય પ્રવાહની પરીક્ષાનો પ્રારંભ થયો છે સાથે સાથે ગુજરાત બોર્ડની…

19 hours ago

સ્વાઈન ફ્લૂથી શહેરીજનોને બચાવવા મ્યુનિ. હવે ઉકાળા પીવડાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા ઘાતક સ્વાઇન ફ્લૂ સામે નાગરિકોની રોગ પ્રતિકારક શક્તિમાં વધારો કરવા આયુર્વેદિક ઉકાળાનું વિતરણ…

19 hours ago

પાકિસ્તાને મોટી ભૂલ કરી છે, તેમણે કિંમત ચૂકવવી પડશેઃ નરેન્દ્ર મોદી

(એજન્સી) નવી દિલ્હી: વડા પ્રધાન નરેન્દ્ર મોદીએ પુલવામામાં ખોફનાક આતંકી હુમલામાં ૩૭ જવાનોની શહાદત બાદ રાષ્ટ્રને સંબોધતાં જણાવ્યું હતું કે…

19 hours ago

ઈન્ટેલિજન્સ એજન્સીઓના એલર્ટને સમજવાની નિષ્ફળતા કે પછી ચૂક?

(એજન્સી) નવી દિલ્હી: પાકિસ્તાનમાં બેઠેલા આતંકી સંગઠન જૈશ-એ-મૌહમ્મદના સર્વેસર્વા મસૂદ અઝહરની રાહબરીમાં પુલવામા આત્મઘાતી હુમલો થયો છે. આ હુમલાથી આખો…

19 hours ago

પુલવામામાં બાદ શોપિયામાં પોલીસ પર આતંકીઓએ ફાયરિંગ કર્યું

(એજન્સી) નવી દિલ્હી: પુલવામામાં અવંતીપુરામાં થયેલા આતંકી હુમલાને થોડાક કલાક થયા અને જમ્મુ-કાશ્મીરમાં વધુ એક આતંકી હુમલો થયો છે. શોપિયાના…

19 hours ago