Categories: Others Gujarat

અંબાજીમાં પાર્કિંગથી મંદિર સુધી દર્શનાર્થીઓને મિની બસમાં લઈ જવાશે

અમદાવાદ: ૧૯ સપ્ટેમ્બરથી શરૂ થઈ રહેલા ભાદરવી પૂનમના મહામેળાને લઈ યાત્રાધામ વિકાસ બોર્ડ શ્રદ્ધાળુઓ માટે અનેક પ્રકારની સુવિધાઓ પૂરી પાડવા તૈયારી પૂરી કરી લીધી છે. ૩૦ લાખથી વધુ શ્રદ્ધાળુઓ માના ચારણોમાં શીશ ઝુકાવશે.

અમદાવાદ સહિત રાજ્યભરમાંથી માઈ ભક્તોએ પગપાળા પ્રસ્થાન કરી દીધું છે ત્યારે પહેલીવાર બાળકોનાં ખિસ્સામાં સંપર્ક નંબર ઓળખ સરનામું મૂકવાનું વાલીઓ માટે ફરજિયાત કરાયું છે. પહેલીવાર પાર્કિંગથી નિજ મંદિર સુધી વાહન વ્યવસ્થા કરાઈ છે.

૧૧૦૦થી વધુ એસટી બસો અંબાજીના મેળા માટે વધારાની દોડાવવામાંં આવશે. આ મેળાને પ્લાસ્ટિક મુક્ત અને વ્યસન મુક્ત બનાવાયો છે. અંબાજી તરફ જતા તમામ રસ્તાઓ પર આવેલા શ્રદ્ધાળુ માટેની ખાણીપીણીની વ્યવસ્થા માટે ઊભા કરવામાં આવેલા મંડપમાં પ્લાસ્ટિકના કપ, ગ્લાસ, ડિશો પર પ્રતિબંધ મુકાયો છે. યાત્રીઓની સુરક્ષા માટે સીસીટીવી કેમેરાની સંખ્યામાં વધારો કરાયો છે. કુલ ૧૯૬ સ્થળો પર સીસીટીવી કેમેરાની બાજ નજર રહેશે.

સૌથી મહત્ત્વની વાત એ છે કે પાર્કિંગ પોઈન્ટથી યાત્રાળુ શ્રદ્ધાળુઓને મંદિર સુધી લઈ જવા માટે મિની બસની સુવિધા ઉપલબ્ધ હશે. અંબાજીના કચરો ન થાય તે માટે દિવસ ભર ટ્રોલીઓ દોડાવાશે. બસ સ્ટેન્ડથી લઈને મંદિર સુધી રેલિંગ બનાવાઈ છે.

યાત્રાળુઓ દર્શન માટે લાઈનમાં ઊભા રહે ત્યારે લીંબુ શરબત, પીવાનું પાણી અપાશે. ગરબાવાળા યાત્રીઓ, સિનિયર સિટીજન, દિવ્યાંગ, દંડવતી માટે સ્પેશિયલ અલાયદો ટ્રેક બનાવાયો છે. અંબાજીના માર્ગો ઉપર યાત્રીઓના વિશ્રામ માટે ૧૫ પાકા શેડ, ૮૨ વોટર પ્રૂફ શેડ બનાવાયા છે.

તમામ ૩૦ લાખ યાત્રાળુઓને વિના મૂલ્યે ભોજન અપાશે. મેળામાં શ્રદ્ધાળુઓ માટે વીમો લેવામાં આવ્યો છે. અંબાજીથી ૨૦ કિ.મી.ના વિસ્તારમાં ૧૧ સપ્ટેમ્બરથી ૧લી ઓક્ટોબર સુધી આગ, અકસ્માત હડતાળ, હુલ્લડ, પુર, વાવાઝોડું, ભૂકંપ ઘટના કે અન્ય કુદરતી આફત સામે રક્ષણ કવચ એટલે કે શ્રદ્ધાળુઓને માટે વીમાની વ્યવસ્થા કરાઈ છે.

ગત મેળા કરતાં આ વર્ષે વધુ ૨૦૦ સીસીટીવી કેમેરા ઈન્સ્ટોલ કરાયા છે. શ્રદ્ધાળુઓ ટ્વિટર, ફેસબુક કે વોટ્સઅપ જેવા સોશિયલ મીડિયાના માધ્યમથી અંબાજી દેવસ્થાન ટ્રસ્ટને સૂચનો અને ફરિયાદ કરી શકશે. તેમજ માહિતી પણ મેળવી શકશે.

દર પાંચ કિ.મી.ના અંતરે ટ્રેક્ટર દ્વારા કચરો ઉલેચાશે. દરેક વાલીએ તેમનાં સંતાનોના ખિસ્સામાં સરનામું સંપર્ક નંબર, ઓળખ વગેરે ફરજિયાત રાખવું પડશે. મોબાઈલથી ટોઈલેટની વ્યવસ્થા સહિત પીવાનાં પાણીનાં પાઉચ ન વપરાય તેનું પૂરતું ધ્યાન રખાશે.

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

12 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

12 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

12 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

12 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

12 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

13 hours ago