વડોદરાઃ ગરબાનાં મેદાનને લઇ નવાં ગ્રુપને લઇ સર્જાયો મોટો વિવાદ

વડોદરાઃ નવરાત્રીનાં તહેવારની વડોદરાવાસીઓ આતુરતાથી રાહ જોઈ બેઠા છે. તો આયોજકોએ પણ નવરાત્રીને લઈ તૈયારીઓ શરૂ કરી દીધી છે તેવામાં વડોદરાનાં એક ગરબાનાં મેદાનને લઈ એક મોટો વિવાદ ઉભો થયો છે. આ વિવાદનાં કારણે ગરબાનાં ભવિષ્ય સામે સવાલો ઉભા થયાં છે. વડોદરામાં બે મોટા ગરબા આયોજકો વર્ષોથી ગરબા કરે છે. એક છે યુનાઈટેડ વે અને બીજું છે વડોદરા નવરાત્રી ફેસ્ટીવલ.

આ બંને ગરબામાં નવરાત્રીમાં 50 હજાર જેટલાં લોકો એક સાથે ગરબા રમે છે. વડોદરા નવરાત્રી ફેસ્ટીવલનાં આયોજકો દ્વારા દર વર્ષે નવલખી મેદાન પર ગરબા કરાય છે પરંતુ ચાલુ વર્ષે નવલખી મેદાન પર કલાનગરી મહોત્સવનાં નામે નવું ગ્રુપ ગરબા કરવાનું હોવાથી વીએનએફનાં આયોજકો ગોથે ચઢ્યાં છે.

વીએનએફનાં આયોજકોએ એમ.એસ યુનિવર્સીટીનાં પેવેલિયન મેદાનની ગરબા યોજવા માટે માંગ કરી હતી. જે માંગ યુનિવર્સીટી સિન્ડીકેટની બેઠકમાં સ્વીકારી લેવામાં આવી છે જેનાં કારણે મોટો વિવાદ ઉભો થયો છે. આજે સેનેટ સભ્યો અને વિધાર્થીઓ તેમજ ખેલાડીઓએ ઈન્ચાર્જ રજિસ્ટ્રારને મેદાન પાછું લેવા માટે આવેદનપત્ર પાઠવીને ઉગ્ર રજુઆત કરી હતી.

યુનિવર્સીટીએ વીએનએફનાં આયોજકોને માત્ર એક રૂપિયાનાં ટોકન પર પેવેલિયન મેદાન ભાડે આપવાની વાત છે તો 25 લાખ રૂપિયા ડિપોઝીટ પેટે લેવાની પણ વાત છે પરંતુ યુનિવર્સીટીની જગ્યામાં કોમર્સિયલ ઈવેન્ટને લઈ કેટલાક સિન્ડીકેટ સભ્યો સહિત પેવેલિયન મેદાન પર રમતા ખેલાડીઓ પણ નિર્ણયનો વિરોધ કરી રહ્યાં છે તો સમગ્ર વિવાદ મામલે યુનિવર્સીટીનાં ઈન્ચાર્જ રજિસ્ટ્રાર ચુપકીદી સાધી બેઠા છે.

મહત્વની વાત છે કે વીએનએફનાં આયોજકોને યુનિવર્સીટીનું મેદાન મળે તો કલાનગરી મહોત્સવનાં ગરબા ફલોપ જવાની શંકા છે. જેનાં કારણે પાછળનાં દરવાજેથી કલાનગરી ગરબા મહોત્સવનાં આયોજકો યુનિવર્સીટીનું મેદાન ન મળે તેવા પ્રયત્નો કરી રહ્યાં છે ત્યારે હવે જોવાનું એ રહે છે કે વિધાર્થીઓ, સેનેટ- સિન્ડીકેટ સભ્યોનાં વિરોધ બાદ પણ યુનિવર્સીટીનું મેદાન ગરબા માટે આપવાનો નિર્ણય કાયમ રખાય છે કે પછી મેદાનની પરવાનગી રદ કરવામાં આવે છે.

Dhruv Brahmbhatt

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

5 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

6 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

6 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

6 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

8 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

8 hours ago