નવી દિલ્હીઃ US જવા ઇચ્છતા લોકો જો વિઝા માટે એપ્લાય કરી રહ્યાં હોવ તો જાણી લેજો, કે નિયમોમાં પરિવર્તન આવ્યાં છે. વિઝા માટે જો તમારો ફોટો ચશ્મા વાળો હશે તો રિજેક્શન આવશે. ચશ્મા વગરનો અને વ્હાઇટ બેકગ્રાઉન્ડમાં ફોટો જ વિઝા માટે માન્ય ગણાશે. નવેમ્બર મહિનાથી યુએસ વિઝાના નિયમોમાં ફેરફાર થઇ રહ્યાં છે. જેમાંનો એક નિયમ ફોટા અંગેનો છે.

આ માહિતી ટવિટર મારફતે સત્તાવાર રીતે પ્રસારીત કરવામાં આવી છે. જેમાં માહિતી આપવામાં આવી છે કે કેટલીક કેટેગરીના વિઝા માટે ફોટોગ્રાફ્સની ડિજિટલ ઈમેજ જરૂરી હોય છે જ્યારે અન્ય વિઝા માટે ફોટો જરૂરી હોય છે. આ બંને માટે કોન્સ્યુલેટ દ્વારા નિયત થયેલા પ્રોફેશનલ વિઝા ફોટો સર્વિસીઝનો ઉપયોગ કરવાની પણ સલાહ અપાઈ છે. નવી સૂચના પ્રમાણે 1 નવેમ્બરથી જ વિઝા માટે ગ્લાસીસ માન્ય નહીં રહે. જે લોકોએ કાયમ ચશ્માં પહેરવાં જ પડે તેમના ફોટોગ્રાફ્સમાં પણ ટિન્ટેડ, ડાર્ક ગ્લાસીસ માન્ય નહીં રાખવામાં આવે.

ફ્લેશ સિવાય અથવા સહેજ ચહેરો નીચો રાખીને ગ્લાસીઝ સાથે પાડેલો નિશ્ચિત સ્પેસિફિકેશન્સના ફોટોગ્રાફ્સની છૂટ અપાઈ છે. તેમ છતાં, કયો ફોટો માન્ય રાખવો કે નહીં તે વિઝા ઓફિસર નક્કી કરશે. નવા નિયમ પ્રમાણે ઓફ વ્હાઇટ બેકગ્રાઉન્ડ ફરજિયાત છે. હેડફોન્સ, વાયરલેસ કે હેન્ડસફ્રી જેવા ઉપકરણો ફોટા સાથે ગેરમાન્ય છે. વાળ કે પાંથી ઠંકાય તે પ્રકારે માથે કપડું બાંધેલું કે ટોપી પહેરેલો ફોટો પણ અમાન્યા ગણાશે. ફોટામાં બંને આંખો ખુલ્લી અને ચહેરાનો હાવભાવ સ્થિર રાખવો. રંગીન ફોટો ફરજિયાત છે. ફોટો છ મહિના પાડેલો હોય તો ચાલી શકે છે.