Categories: World

US પ્રમુખની ચૂંટણી પહેલાં અાતંકી હુમલાની શક્યતા

વોશિંગ્ટન: આગામી દિવસોમાં અમેરિકન રાષ્ટ્રપ્રમુખની ચૂંટણી યોજાવાની છે ત્યારે ચૂંટણીના એક દિવસ પહેલાં અલ કાયદા મોટા આતંકી હુમલા કરી શકે તેમ હોવાની શક્યતા વ્યકત થઈ રહી છે. આતંકીઓ ન્યૂયોર્ક ટેકસાસ અને વર્જિનિયામાં મોટા હુમલાને અંજામ આપી શકે તેમ છે. તેવી યુએસના ઈન્ટેલિજન્સ ઓફિશિયલ્સે સ્થાનિક સત્તાવાળાને ચેતવણી આપી છે. અત્રે ઉલ્લેખનીય છે કે અમેરિકામાં નવમી નવેમ્બરે ચૂંટણી થવાની છે. ત્યારે આ ચેતવણીને ધ્યાનમાં લઈને એફબીઆઈએ જણાવ્યું છે કે તે આવા હુમલાનો સામનો કરવા તૈયાર છે.

સમાચાર સંસ્થા રોઈટરે જણાવ્યું હતું કે સીબીએસ ન્યૂઝે ગઈ કાલે બિન સત્તાવાર સૂત્રોના હવાલાથી આપેલા એક રિપોર્ટમાં આવી માહિતી આપી હતી. જેમાં જણાવવામાં આવ્યું છે કે ઈન્ટેલિજન્સ ઓફિશિયલ્સે આ સંભવિત હુમલાને લઈને જોઈન્ટ ટેરરિઝમ ટાસ્ક ફોર્સને એલર્ટ કરી દીધી છે. જોકે એફબીઆઈએ આ મામલે કોઈ ખાસ પ્રતિક્રિયા આપી નથી. પંરતુ તેણે એક નિવેદનમાં જણાવ્યું છે કે તે આવા કોઈ સંભવિત હુમલાનો જવાબ આપવા સતર્ક છે અને અમેરિકા પરના કોઈપણ પ્રકારના હુમલાને રોકવા તે સક્ષમ છે.

એફબીઆઈ ફેડરલ,સ્ટેટ અને લોકલ લો એન્ફોર્સમેન્ટ એજન્સી સાથે મળી તમામ પ્રકારના ખતરાની કડી મેળવવા સક્રિય છે. જોકે રોઈટરે એમ પણ જણાવ્યું છે કે અમેરિકન હોમલેન્ડ સિક્યોરિટી ડિપાર્ટમેન્ટ તરફથી આ અંગે કોઈ સત્તાવાર પ્રતિક્રયા આપવામાં આવી નથી.

હાલ હિલેરી કિલન્ટન અને ડોનાલ્ડ ટ્રમ્પ વચ્ચે કસોકસનો જંગ જામે તેવી શક્યતા છે ત્યારે આ વખતની ચૂંટણીમાં તનાવની સ્થિતી જોવા મળી છે તેથી કોઈ જગ્યાએ હિંસક અથડામણ થઈ શકે તેવી સંભાવના છે. તેમજ ક્મ્પ્યૂટર હૈકિંગ પણ થઈ શકે છે.આ ઉપરાંત રશિયા અને અન્ય બીજા દેશો દ્વારા ચૂંટણી પર વિપરીત અસર પડે તે માટે ખોટા સમાચાર અને અફવા ફેલાવવામાં આવે તેવી પણ શક્યતા છે. આવી તમામ સ્થિતીને ધ્યાનમાં લઈને મતદાન પહેલા સિક્યોરીટી એજન્સીઓ તૈયારી કરી રહી છે.

divyesh

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

14 hours ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

15 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

15 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

15 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

15 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

15 hours ago