Categories: World

પાકિસ્તાનને કોઈ ભ્રમમાં નહીં રહેવા અમેરિકાની ફરી ધમકી

વોશિંગ્ટન, બુધવાર
અમેરિકા અને પાકિસ્તાન વચ્ચે છેલ્લા કેટલાક સમયથી બંને દેશ વચ્ચેના સંબંધને લઈ વિવાદ ચાલે છે ત્યારે અમેરિકાએ પાકિસ્તાનને કોઈ ભ્રમમાં નહિ રહેવા ધમકી આપતાં પાિકસ્તાન હાલ ચૂપ થઈ ગયું છે ત્યારે બીજી તરફ પાકિસ્તાને પણ અમેરિકા સાથે લશ્કરી તેમજ ગુપ્ત સહકાર બંધ કરી દીધા છે.

અમેરિકાના સંરક્ષણ મંત્રાલયના હેડકવાર્ટર પેન્ટાગોનના પ્રવકતાએ પણ જણાવ્યું છે કે અમેરિકાએ પાકિસ્તાન સાથે સીધી જ વાત કરી છે અને તેણે શું કરવાનું છે તે અંગે કોઈ જ ગડમથલ ન હોવાથી પાકિસ્તાને હવે કોઈ ભ્રમમાં રહેવાની જરૂર નથી. પાકિસ્તાને તેની ધરતી પર તાલિબાની અને હકાની નેટવર્ક તેમજ અન્ય આંતકી સંગઠનોને આશરો આપવાનું બંધ કરવું જ પડશે. અમેરિકાએ એવી પણ સ્પષ્ટતા કરી છે કે અમેરિકાએ સૈન્ય મદદ કાયમ માટે બંધ કરી નથી પણ પાકિસ્તાન આંતકવાદીઓ સામે પગલાં લેશે તો તેને સહાય મળતી રહેશે.

અમેરિકાએ વધુમાં એમ પણ જણાવ્યું છે કે આવી ચીમકી આપવા છતાં પાકિસ્તાન તરફથી આતંકીઓ સામે પગલાં લેવા અંગેના કોઈ સંકેત રજૂ કરાયા નથી. તેથી અમેરિકાના અધિકારીઓએ એવા સંકેત આપ્યા છે કે જો પાકિસ્તાન સપ્લાયના માર્ગ બંધ કરશે તો તેની અમેરિકાને કોઈ પરવા નથી, કારણ તેની પાસે બીજા વિકલ્પ છે.

બીજી તરફ અમેરિકાના રાષ્ટ્રપ્રમુખના આક્ષેપ બાદ પાકિસ્તાને પણ અમેરિકા સાથે લશ્કરી અને ગુપ્ત સહકારને સ્થગિત કરી દીધા છે. ગઈ કાલે પાકિસ્તાનના સંરક્ષણ પ્રધાન ખુર્રમ દસ્તગીર ખાને ઈસ્લામાબાદમાં એક કાર્યક્રમમાં આ અંગે સ્પષ્ટતા કરી હતી. જ્યારે જાન્યુઆરીના પ્રથમ સપ્તાહમાં જ ટ્રમ્પે ટિ્વટ કર્યું હતું કે પાકિસ્તાનને મોટી માત્રામાં સુરક્ષા સહાયતા આપવા છતાં અમેરિકાને બદલામાં છેતરપિંડી અને જૂઠ સિવાય કંઈ મળ્યું નથી.

Navin Sharma

Recent Posts

મ્યુનિ. સંચાલિત હોલ-પાર્ટી પ્લોટ ખાનગી કોન્ટ્રાક્ટર્સના હવાલે કરાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન સંચાલિત કોમ્યુનિટી હોલ, પાર્ટી પ્લોટ કે ઓપનએર થિયેટરને લગ્ન જેવા માંગલિક પ્રસંગોમાં ભારે ભાડું ચૂકવ્યા…

21 hours ago

રાજ્યભરમાં એસટી બસનાં પૈડાં થંભી ગયાં, હજારો મુસાફરો અટવાયા

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ ગઇ કાલ મધરાતથી હડતાળ પર ઊતરી જતાં ૮૦૦૦થી વધુ બસનાં પૈડાં થંભી ગયાં…

22 hours ago

અયોધ્યામાં રામમંદિર તો અમે જ બનાવીશુંઃ CM રૂપાણી

(બ્યૂરો)ગાંધીનગર: વિધાનસભા ગૃહમાં આજે રાજ્યપાલના સંબોધન બદલનો આભાર માનતું સંબોધન મુખ્યપ્રધાન વિજ્ય રૂપાણીએ કાવ્યમય ભાષામાં કર્યું હતું. તેમણે કહ્યું હતું…

22 hours ago

છેલ્લા દશકામાં ફેબ્રુઆરીની સૌથી વધુ ગરમીનો રેકોર્ડ ૨૦૧૫માં નોંધાયો હતો

(અમદાવાદ બ્યૂરો) અમદાવાદ: ગઇકાલે શહેરમાં ગરમીનો પારો ઊંચે ચઢીને છેક ૩૬ ડિગ્રી સેલ્સિયસે જઇને અટક્યો હતો, જે સામાન્ય તાપમાન કરતાં…

22 hours ago

બોર્ડની પરીક્ષામાં CCTV સાથે ઓડીયો રેકોર્ડિંગ પણ ફરજિયાત કરવું પડશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આગામી માર્ચ-૨૦૧૯માં લેવાનારી ધોરણ-૧૦, ધોરણ-૧૨ સામાન્ય પ્રવાહ અને ધોરણ-૧૨…

22 hours ago

મોદી દ‌. કોરિયાના બે દિવસના પ્રવાસેઃ આજે મળશે ‘સિયોલ શાંતિ પુરસ્કાર’

(એજન્સી) નવી દિલ્હી: વડા પ્રધાન નરેન્દ્ર મોદી બે દિવસના દ‌િક્ષણ કોરિયાના પ્રવાસે પહોંચી ચૂક્યા છે. લોટે હોટલમાં તેઓ ભારતીય સમુદાયના…

22 hours ago