Categories: World

UN ત્રાસવાદની વ્યાખ્યા જાણતું નથીઃ મોદી

બ્રસેલ્સ: વડા પ્રધાન નરેન્દ્ર મોદીનાં ત્રણ રાષ્ટ્રોનાં પ્રવાસનાં પ્રથમ ચરણમાં બેલ્જિયમનાે પ્રવાસ સંપન્ન થયો છે અને મોદી હવે ચોથા પરમાણુ શિખર સંમેલનમાં હાજરી આપવા બ્રસેલ્સથી વોશિંગ્ટન ડીસી જવા રવાના થઇ ગયા છે.
પીએમ મોદી અને બેલ્જિયમના પીએમ ચાર્લ્સ મિશેલની હાજરીમાં સંયુકત નિવેદન જારી કરવામાં આવ્યું હતું. ભારત અને બેલ્જિયમે કેટલાંક જૂથો અને દેશો દ્વારા આતંકવાદ પ્રવૃત્તિઓને ઉત્તેજન આપવા માટે થતા ધર્મના દુરુપયોગને રોકવા માટે સાથે મળીને કામ કરવાની પ્રતિબદ્ધતા વ્યકત કરી હતી અને એ વાત પર ભાર મૂકવામાં આવ્યો હતો કે તમામ દેશો પોતાની ધરતી પર અને પોતાના કાર્યક્ષેત્ર હેઠળના પ્રદેશમાં પેદા થતા આતંકવાદ સામે અસરકારક રીતે કામ લે.

વડા પ્રધાન નરેન્દ્ર મોદીએ જણાવ્યું હતું કે વિશ્વ આજે ત્રાસવાદના ખતરાનો સામનો કરી રહ્યું છે અને સંયુકત રાષ્ટ્ર સંઘે (યુએન) વિશ્વ સમક્ષના આ ખતરા પર ધ્યાન આપવું પડશે. અન્યથા યુએન અપ્રસ્તુત બની જશે. બ્રસેલ્સ ખાતે ભારતીય સમુદાયને સંબોધન કરતાં મોદીએ જણાવ્યું હતું કે સંયુકત રાષ્ટ્ર સંઘ હજુ ત્રાસવાદની વ્યાખ્યા કરવામાં નિષ્ફળ રહેલ છે તે વાત ખરેખર દુર્ભાગ્યપૂર્ણ છે.

ભારત અને બેલ્જિયમ બંનેએ સંયુકત નિવેદનમાં જણાવ્યું હતું કે આતંકી નેટવર્ક અને તેને નાણાકીય સહયોગ પૂરાં પાડતાં માધ્યમોને અવરોધવાની તેમજ સીમા પારના આતંકવાદને ખતમ કરવાની તાકીદની જરૂર છે. મોદી અને મિશેલ બંનેએ એ બાબતે સંમતિ વ્યકત કરી હતી કે આતંકવાદને કોઇ ધર્મ, રાષ્ટ્રીયતા, સભ્યતા કે વંશીય સમૂહ સાથે જોડી શકાય નહીં અને આવું થવા પણ દેવાય નહીં. બંને દેશના વડા પ્રધાનોએ વધુ સારા‌ દ્વિપક્ષીય સંબંધો અને કાયદાના શાસનને લઇને પરિપકવ લોકતંત્ર, સંઘવાદ અને બહુમતીવાદ તરીકે તેમની સમાનતાઓ પર ભાર મૂકયો હતો.

સંયુકત નિવેદનમાં જણાવાયું હતું કે બંને વડા પ્રધાનોએ પારસ્પરિક હિતના વિવિધ મુદ્દાઓ પર સામેલગીરી સાથે કામ કરવા પ્રતિબદ્ધતા વ્યકત કરી હતી. બેલ્જિયમના વડા પ્રધાન મિશેલે સંયુકત રાષ્ટ્રસંઘની સુરક્ષા સમિતિમાં ભારતના કાયમી સભ્યપદ માટેના દાવાને સમર્થન દોહરાવ્યું હતું.

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

13 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

14 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

14 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

14 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

14 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

14 hours ago