Categories: Gujarat

બે હોસ્પિટલ-બે મોત પરિવારજનોનો હોબાળો

અમદાવાદ: સિવિલ હોસ્પિટલમાં અોપરેશન દરમિયાન તન્મય જાની નામના યુવાનના મોતનો વિવાદ હજુ શમ્યો નથી ત્યાં શહેરના શાહપુર વિસ્તારમાં આવેલી લાઈફ કેર હોસ્પિટલ તેમજ હાટકેશ્વર વિસ્તારમાં આવેલી શ્રીજી સર્જિકલ હોસ્પિટલમાં સારવાર માટે આવેલા દર્દીઓને ઈન્જેક્શન અપાયા બાદ અને ઓપરેશન બાદ તેઓનાં મોત નીપજતાં બંને હોસ્પિટલોમાં દર્દીનાં પરિવારજનોએ હોબાળો મચાવ્યો હતો.

શાહપુર વિસ્તારમાં લોકોના ટોળાએ તોડફોડ પણ કરી હતી. બનાવની જાણ થતાં શાહપુર પોલીસ ઘટનાસ્થળે દોડી ગઈ હતી અને પોલીસે દર્દીના પરિવારજનોને સમજાવી શાંત પાડ્યા હતા. આ અંગે શાહપુર અને ખોખરા પોલીસે અકસ્માત મોત નોંધી તપાસ શરૂ કરી છે. બંને મૃતકોના પી.એમ. રિપોર્ટ બાદ સત્ય બહાર આવશે તેમ પોલીસે જણાવ્યું હતું.

પોલીસસૂત્રો પાસેથી મળતી માહિતી મુજબ રાજપુર ટોલનાકા વિસ્તારમાં આવેલી ભોગીલાલની ચાલીમાં મહંમદ ઈકબાલ મિયાં જુલાનીમિયાંને છાતીમાં દુખાવો ઉપડતાં તેઓને શાહપુર વિસ્તારમાં આવેલી લાઈફ કેર હોસ્પિટલમાં ખસેડ્યા હતા, જ્યાં ડો.ભરત વ્યાસ નામના ડોકટરે ઈન્જેકશન આપ્યું હતું. બાદમાં તેઓને સારું થઈ જતાં તેઓને રજા આપી દેવાઈ હતી. પરંતુ હોસ્પિટલની નીચે ઊતરતાં તેઓને ફરી દુખાવો ઉપડ્યો હતો અને તેઓનું મોત નીપજ્યું હતું.

પરિવારજનોએ આક્ષેપ કર્યો હતો કે ડોક્ટરે ઈન્જેકશન આપ્યા બાદ તેઓનું મોત નીપજ્યું હતું. ડોક્ટરને નીચે વારંવાર બોલાવવા છતાં આવીએ છીએ કહી ૧૦ મિનિટ સુધી આવ્યા નહોતા. ડોક્ટરની બેદરકારીથી મોત નીપજ્યું હોવાના આક્ષેપ સાથે લોકોનું ટોળું ભેગું થઈ ગયું હતું અને લોકોએ હોસ્પિટલમાં તોડફોડ મચાવી હતી. ઘટનાને પગલે શાહપુર પી.આઈ. સહિતનો કાફલો ઘટનાસ્થળે દોડી ગયો હતો અને પરિવારજનોને સમજાવી મામલો થાળે પાડ્યો હતો. હાલમાં શાહપુર પોલીસે અકસ્માત મોત નોંધી તપાસ શરૂ કરી હતી.

બીજી તરફ અમરાઈવાડી વિસ્તારમાં નાગરવેલ હનુમાન નજીક રામદેવનગરના છાપરા ખાતે રહેતા લક્ષ્મીબહેન કરસનભાઈ દડિયલ (ઉ.વ. ૫૫)ને પેટમાં દુખાવો ઊપડતાં તાત્કાલિક હાટકેશ્વર સર્કલ નજીક આવેલી શ્રીજી સર્જિકલ હોસ્પિટલ ડો. સુભાષ શાહના ત્યાં ખસેડવામાં આવ્યા હતા. જ્યારે ડોક્ટરોએ પિત્તાશયમાં પથરી હોવાનું જણાવી તેઓનું ઓપરેશન કર્યું હતું અને બાદમાં તેઓનું મોત નીપજ્યું હતું.

મૃતક લક્ષ્મીબહેનના પુત્ર શંકરભાઈએ ડો. સુભાષ શાહની બેદરકારીથી મોત નીપજ્યું હોવાનો આક્ષેપ કર્યો હતો. તેઓને હૃદયની બીમારી હતી અને તેઓને અગાઉ શારદાબહેન તથા યુએન મહેતા હોસ્પિટલમાં ખસેડ્યા હતા. બાદમાં દુખાવો થતાં તેઓને શ્રીજી હોસ્પિટલ ખસેડાતાં ડોક્ટરોએ પથરી હોવાનું કહી ઓપરેશન કર્યું હતું. હાલમાં ખાેખરા પોલીસે અકસ્માત મોત નોંધી તપાસ શરૂ છે.

admin

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

19 mins ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

51 mins ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

1 hour ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

1 hour ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

1 hour ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

3 hours ago