નવી દિલ્હી: સુપ્રીમ કોર્ટમાં આજે ત્રણ તલાકની ઐતિહાસિક સુનવણી શરૂ થઇ ગઇ છે. કોર્ટે કહ્યું કે બહુવિવાહ અને નિકાહ હલાલાની પણ સમીક્ષા થશે. મુકુલ રોહતગીએ કોર્ટ પાસે આ બાબતે માંગણી કરી હતી. કોર્ટે કહ્યું કે હજુ ત્રણે બાબતો પર સુનવણી કરવા માટે સમય ખૂબ ઓછો છે. કોર્ટે કહ્યું કે હાલમાં માત્ર ટ્રિપલ તલાક પર જ સુનવણી કરશે. આ પહેલા ગત સુનવણીમાં કોર્ટે કહ્યું હતું કે બહુવિવાહની સમીક્ષા થશે નહીં.

તમને જણાવી દઇએ કે ટ્રિપલ તલાકને લઇને 11 મે થી સુનવણી ચાલી રહી છે. શુક્રવારે સુપ્રીમ કોર્ટે કહ્યું કે આજે અમે માત્ર એ સમીક્ષા કરીશું કે એક વખતમાં ત્રણ તલાક અને નિકાહ હલાલા ઇસ્લામ ધર્મનો અભિન્ન અંગ છે કે નહીં. કોર્ટ આ મુદ્દાને એ નજરથી પણ જોશે કે શું ત્રણ તલાકથી મુસ્લિમ મહિલાઓના મૂળભૂત અધિકારીને ખલેલ થઇ રહી છે કે નહીં.

સુનવણી દરમિયાન મુકુલ રોહતગીએ કહ્યું કે જો સાઉદી અરબ, ઇરાન, લીબિયા, મિસ્ત્ર અને સૂડાન જેવા દેશોમાં ત્રણ તલાક જેવા કાનૂન ખતમ કરી ચૂક્યા છે, તો આપણે કેમ ના કરી શકીએ.

તમને જણાવી દઇએ કે પહેલાથી નક્કી કરેલા સમય પ્રમાણે સુનવણી 19 મે સુધી ચાલુ રહેશે. આ દરમિયાન બેંચ રોજે આ બાબતે સુનવણી કરશે.

http://sambhaavnews.com/