Categories: Gujarat

ટ્રીગાર્ડ કૌભાંડઃ કોન્ટ્રાક્ટરો ૪ર ટકા ઓછા ભાવમાં તૈયાર થયા!

અમદાવાદ: શહેરમાં ચોમાસું જામ્યું હોઇ મ્યુનિ. કોર્પોરેશન દ્વારા ચૂંટાયેલા પ્રતિનિધિઓના બજેટ તેમજ જનરલ કેપિટલ બજેટમાંથી રોપાના રક્ષણ માટેના ટ્રીગાર્ડની ખરીદીની કવાયત શરૂ કરાઇ છે, જોકે પ્રતિવર્ષની જેમ આ વર્ષે પણ ટ્રીગાર્ડની ખરીદીમાં કૌભાંડની ચર્ચા ઊઠી છે. ત્રણ ઝોનની ખરીદીના ટેન્ડર પૈકી બે ટેન્ડર તો એક જ કંપનીના મંજૂર કરાયાં છે. ઉપરાંત સૌથી આશ્ચર્યજનક બાબત એ છે કે તંત્રની ખરીદીના ઊંચા અંદાજથી કોન્ટ્રાકટરો ૪ર ટકા ઓછા ભાવમાં તૈયાર થયા છે.

પૂર્વ ઝોનમાં પ્રતિનંગ રૂ.૪૬૯.રપ પ્રમાણે ૬૦૦૦ ટ્રીગાર્ડ માટે તંત્ર દ્વારા રૂ.૪પ.૧ર લાખનો અંદાજ મુકાયો હતો, પરંતુ કોન્ટ્રાક્ટર કમલ એન્ટરપ્રાઇઝ અંદાજથી ૩૭.૬૦ ટકા ઓછા ભાવથી એટલે કે રૂ.ર૮.૧૬ લાખના ભાવથી કામ કરવા તૈયાર થયા છે. ઉત્તર ઝોનમાં પણ તંત્રએ રૂ.૪પ.૧ર લાખનો અંદાજ મૂક્યો હતો, જોકે ઉત્તર ઝોનમાં કોન્ટ્રાકટર શારદા એન્ટરપ્રાઇઝે તો ૪૧.૪૯ ટકા ઓછા ભાવથી એટલે કે ફક્ત રૂ.ર૬.૩૯ લાખના ભાવથી કોન્ટ્રાકટ મેળવીને આશ્ચર્ય સર્જ્યું છે. ઉત્તર ઝોનમાં કેટલા નંગ ટ્રીગાર્ડ ખરીદાશે તેેનો કોઇ ઉલ્લેખ તંત્રની દરખાસ્તમાં નથી. જોકે પ્રતિનંગ ટ્રીગાર્ડનો ભાવ રૂ.૪૩૯.૯૯ કોન્ટ્રાકટરને ચૂકવાશે.

દ. ઝોનમાં તંત્ર દ્વારા ટ્રીગાર્ડનો પ્રતિનંગ રૂ.૭પરના ભાવે રૂ.૩૩.૮૪ લાખનો અંદાજ મુકાતાં પૂર્વ ઝોનના જ કોન્ટ્રાકટરે તંત્રના અંદાજથી રૂ.૩૭.૬૦ ટકા ઓછો ભાવ એટલે કે રૂ.ર૧.૧૧ લાખનો ભાવ આપતાં સત્તાવાળાઓએ આ કોન્ટ્રાક્ટરને ટ્રીગાર્ડનું કામ સોંપી દીધું છે. ઉત્તર ઝોનની જેમ દક્ષિણ ઝોન માટે પણ તંત્રની દરખાસ્તમાં ટ્રીગાર્ડના કુલ નંગની ખરીદીની કોઇ વિગતો અપાઇ નથી!

હજુ મધ્ય, પશ્ચિમ અને નવા પશ્ચિમ ઝોન એમ કોર્પોરેશનના વધુ ત્રણ ઝોનના ટેન્ડર આવવાનાં બાકી છે, પરંતુ કોર્પોરેશનનાં વર્તુળોમાં પૂર્વ, ઉત્તર અને દક્ષિણ ઝોનના ટ્રીગાર્ડ ખરીદીના ટેન્ડરોથી અનેક વિવાદ ઊઠ્યા છે.

આ અંગે મ્યુનિ. રિક્રિએશનલ કમિટીનાં ચેરપર્સન બીજલ પટેલને સીધો સવાલ કરતાં તેઓ કહે છે કે, “જે દિવસે આ ત્રણ ટેન્ડર કમિટીમાં મંજૂર કરાયા તે દિવસે હું અંગત કારણસર કમિટીમાં ગેરહાજર હતી, જોકે ૪ર ટકા જેટલા નીચા ભાવ ખરેખર ચોંકાવનારા છે. તંત્રનો અંદાજ ખામીભર્યો હતો કે કેમ વગેરે બાબતો તપાસને યોગ્ય છે. હું આ દિશામાં ચોક્કસ તપાસ કરાવીશ. ગયા વર્ષ કરતાં આ વર્ષે ટ્રીગાર્ડના ભાવ ઓછા આવ્યા છે તેવો તંત્રનો ખુલાસો સંતોષકારક નથી.

divyesh

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

2 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

4 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

4 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

4 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

4 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

4 hours ago