રૂવાડા ઉભા કરી દે તેવુ છે “ફોબિયા”નું ટ્રેલર

મુંબઇઃ અભિનેત્રી રાધિકા આપટેની આગામી ફિલ્મ “ફોબિયા”નું ટ્રેલર લોન્ચ થઇ ગયું છે. ફોબિયા મતલબ કોઇ વસ્તુ અંગેનો ડર વ્યક્તિમાં એટવો વધી જાય છે કે ડરને કારણે વ્યક્તિ તે કામ કરી જ નથી શકતો. ફિલ્મમાં રાધિકા મહેક નામની છોકરીના રોલમાં છે જે સીવિયર એક્રોફોબિયા છે. તે એવું માને છે જો તે ઘરની બહાર નિકળશે તો તે જ થશે જે તે રાત્રે થયું હતું. બસ આ જ ડરને કારણે તે ઘરની બહાર નથી જતી. મહેક ઘરથી બહાર જવા માટે ડરે છે એટલું જ નથી પરંતુ ઘરમાં પણ અનેક વસ્તુઓથી ડરે છે. જેને કારણે તે ઘરમાં પણ રહી શકતી નથી. મહેક સાથે કાંઇક એવી ઘટનાઓ બને છે કે જેને જોઇને તમે પણ ડરી જશો. આ ફિલ્મને પવન કૃપલાનીએ ડિરેક્ટ કરી છે. જે 27 મેના રોજ રિલીઝ થશે.