Categories: Gujarat

Hit & Run માં ત્રણનાં મોત નીપજાવનાર અલીખાને નારોલની જમીન પર કબજો લેવા હુમલો કરાવ્યો

અમદાવાદ: શહેરના નારોલ સર્કલ પાસે આવેલી જમીન પર કબજો કરવા આવેલા ૩પ કરતાં વધુ શખસોએ પાંચ યુવક પર કરેલા ઘાતકી હુમલામાં માસ્ટરમાઇન્ડ બિલ્ડર નવાબખાન પઠાણના પૌત્ર અલીખાન હોવાનું પોલીસ તપાસમાં બહાર આવ્યું છે. જૂન-ર૦૧પમાં અલીખાને પુરઝડપે કાર ચલાવીને શાહઆલમ ટોલનાકા પાસે રહેતા ૧૧ શ્રમજીવીને કચડી નાખ્યા હતા, જેમાં પિતા-પુત્ર સહિત ત્રણનાં મોત થયાં હતાં.

જમાલપુર વિસ્તારમાં આવેલી કાચની મસ્જિદ પાસે રહેતા મોહંમદ આસિફ નીજામુદ્દીન શેખે બે મહિના પહેલાં નારોલ વિસ્તારમાં આવેલી વિલ્સન હોટલ પાસે એક જગ્યા ભાગીદારીમાં ખરીદી હતી. છેલ્લા ઘણા દિવસથી કેટલાંક અસામા‌િજક તત્ત્વો જમીન પર બાંધકામ કરવું હોય તો ખંડણી આપવી પડશે તેવી ધમકી આપતાં હતાં.

થોડાક દિવસ પહેલાં મોહંમદ આસિફે નારોલ પોલીસ સ્ટેશનમાં અજાણ્યા શખ્સો વિરુદ્ધમાં ધમકી આપવાના મામલે લે‌િખત ફરિયાદ આપી હતી.  ત્રણ દિવસ પહેલાં મોડી રાતે ૩પ કરતાં વધુ લોકો તલવાર અને ધોકા લઇને મોહંમદ આસિફની જમીનમાં ગેરકાયદે કબજો લેવા માટે પહોંચી ગયાં હતાં.

લુખ્ખાં તત્ત્વો જમીનમાં કબજો લેવા માટે ગયાં તે સમયે નાસીર ચાંદખાન પઠાણ, સા‌િદક, આ‌િસફ, અજ્જુ અને સોનું નામના યુવકો જમીન પર હાજર હતા. શખસોને રોકવા જતાં પાંચેય શખ્સો પર તલવાર અને ધોકા વડે હુમલો કરવામાં આવ્યો હતો.

પાંચેય યુવકોને ગંભીર ઇજા પહોંચતાં તેમને સારવાર માટે હોસ્પિટલમાં ખસેડવામાં આવ્યા હતા જ્યારે શખસો ફરાર થઇ ગયાં હતાં. ઘટનાની જાણ નારોલ પોલીસ તેમજ ઉચ્ચ પોલીસ અધિકારીઓને થતાં તેઓ તાત્કા‌િલક ઘટનાસ્થળે પહોંચી ગયા હતા. પોલીસે અલીખાન અને આલમખાન સહિત કેટલાક શખ્સો વિરુદ્ધમાં ફરિયાદ કરીને તપાસ શરૂ કરી હતી.

ફરિયાદીની પૂછપરછ તેમજ પોલીસની તપાસમાં અલીખાન બિલ્ડર નવાબખાન પઠાણનો પૌત્ર હોવાનું સામે આવ્યું છે. ૭ જૂન, ર૦૧પના રોજ મોડી રાતે અલીખાન પુરઝડપે પોતાની એસયુવી કાર લઇ નીકળ્યો હતો, જ્યાં તેણે સ્ટિયરિંગ પરનો કાબૂ ગુમાવતાં ૧૧ શ્રમજીવી લોકો પર કાર ચઢાવી દીધી હતી.

આ ઘટનામાં પિતા-પુત્ર સહિત ત્રણ લોકોનાં મોત થયાં હતાં. અકસ્માત સર્જીને અલીખાન ઘટનાસ્થળેથી ફરાર થઇ ગયો હતો. નારોલ પોલીસ સ્ટેશનના પોલીસ ઇન્સ્પેક્ટર આર. એ. જાદવે જણાવ્યું છે કે નારોલની જમીન મામલે થયેલી તકરારમાં આરોપીઓનાં પૂરાં નામ-સરનામાં નહીં હોવાના કારણે તેમની ધરપકડ થઇ નથી, પરંતુ આ કેસમાં સંડોવાયેલો અલીખાન નવાબ ‌િબલ્ડરનો પૌત્ર હોવાનું સામે આવ્યું છે.

divyesh

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

6 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

7 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

8 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

8 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

8 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

9 hours ago