Ahmedabad: ન્યૂ મણિનગરમાં IPL પર સટ્ટો રમાડતા ત્રણ ઝડપાયા

શહેરના ન્યૂ મણિનગર વિસ્તારમાં આવેલા ત્રિમૂર્તિ સાંનિધ્ય ફ્લેટમાં આઇપીએલ ટી-૨૦ મેચ પર ‌સટ્ટો રમાડતા ત્રણ શખસોની રામોલ પોલીસે ધરપકડ કરી છે. ઘરની અંદર જ એલઇડી પર ચાલતી આઈપીએલ મેચનું જીવંત પ્રસારણ જોઈ તેના આધારે ક્રિકેટનો સટ્ટો રમાડતા હતા. પોલીસે રોકડા રૂપિયા, એલઇડી ટીવી, ૩ મોબાઇલ સહિતનો મુદ્દામાલ કબજે કરી વધુ તપાસ હાથ ધરી છે.

મળતી માહિતી મુજબ રામોલ પોલીસની ટીમને માહિતી મળી હતી કે, ન્યૂ મણિનગર વિસ્તારમાં આવેલ ત્રિમૂર્તિ સાંનિધ્ય ફ્લેટમાં બી ૨૦૨ નંબરમાં જ આઇપીએલ ટી-ટ્વેન્ટી ક્રિકેટ મેચ પર સટ્ટો રમાડાઇ રહ્યો છે.આ બાતમીના આધારે ગઇ કાલે પોલીસે ઓફિસમાં રેડ કરી હતી.

ઓફિસમાં દરોડો પાડતાં ઘરની અંદર ત્રણ ઇસમો ચેન્નઇ સુપર કિંગ્સ અને રોયલ ચેલેન્જર બેંગલુરુ વચ્ચે રમાતી મેચ પર ક્રિકેટ સટ્ટાના ભાવ મોબાઈલ પર લઇ રહ્યા હતા.તે દરમિયાનમાં પોલીસે ઘરમાંથી ૩ મોબાઇલ ફોન, એલસીડી ટીવી, મળી રૂ.૨૩,૦૧૦ હજારનો મુદ્દામાલ કબજે કર્યો હતો.

બેઠેલા ઇસમોની પૂછપરછ અરુણ જયસ્વાલ (રહે. ત્રિમૂર્તિ સાંનિધ્ય, ન્યૂ મણિનગર) સંદીપ પટેલ (રહે. હરિઓમ શંકર સોસાયટી, રામોલ) સંજય સિંહ વાઘેલા (રહે.હેતના પ્લાઝા, વસ્ત્રાલ), પાસેથી મોબાઈલમાં રહેલ સટ્ટાના ભાવ કપાવી જુદા જુદા ગ્રાહકો પાસેથી સોદા કરતા હતા.તેમની પોલીસ આરોપીઓની ધરપકડ કરી વધુ પૂછપરછ શરૂ કરી છે.

You might also like