હું અયાનને કોઈ હદમાં નહીં બાંધું: ઈમરાન હાશ્મી

એક સમયે ઇન્ડસ્ટ્રીમાં સિરિયલ કિસર તરીકે પ્રસિદ્ધ રહેલો ઇમરાન હાશ્મી હવે અભિનયની સાથે-સાથે ફિલ્મ નિર્માણમાં પણ એન્ટ્રી કરી ચૂક્યો છે. તે ‘ચીટ ઇન્ડિયા’ અને ‘ફાધર્સ ડે’ નામની ફિલ્મો બનાવશે. ઇમરાન કહે છે કે હું હજુ પણ ખુદને ઇમમેચ્યોર માનું છું. મને થોડો અનુભવ થઇ ચૂક્યો છે. સમયની સાથે-સાથે સમગ્ર દુનિયા અને સિનેમા પ્રત્યેના મારા વિચારોમાં બદલાવ આવ્યો છે. ૧૦ વર્ષ પહેલાં જે કર્યું હોય તે હવે આપણે કરતા નથી.

હું ફિલ્મ નિર્માણમાં રોચક વિષયોને આવરી લેવા ઇચ્છું છું. મારી પાસે ‘ફાધર્સ ડે’ અને ‘ચીટ ઇન્ડિયા’ જેવી સ્ક્રિપ્ટ આવી તેની મને ખુશી છે. ઇમરાન કહે છે કે મેં ભૂતકાળમાં જે ફિલ્મો કરી છે તેના કરતાં મારી સંવેદનાઓ અલગ છે. આજે જ્યારે લોકો મને જુએ છે ત્યારે તેમને લાગે છે કે હું તેમનાથી ખૂબ અલગ છું, જેની તેઓ આશા રાખે છે.

જો એક દાયકા પહેલાં આવી ફિલ્મો આવી હોત તો લોકો તેને નકારી દેત, પરંતુ આ આજના સમયની ફિલ્મો છે. આજે સિનેમાની ભાષા અને સાથે દર્શકો પણ બદલાઇ રહ્યાં છે. આવા સંજોગોમાં હું પ્રયોગ કરી શકું છું. હું ઇચ્છું છું કે મારી ફિલ્મોની કહાણી માત્ર મનોરંજન માટે ન હોય, પરંતુ લાંબા સમય સુધી દર્શકોના દિલ પર છવાઇ રહે.

ઇમરાન કહે છે કે મેં મારી કંપની શરૂ કરી ત્યારે મારા દીકરા અયાનના ભવિષ્ય અંગે પણ વિચાર્યું હતું. અયાન મોટો થશે ત્યારે જો તે ઇચ્છશે તો મારી કંપની તેની હશે. હું એક એક્ટર છું. મારા દીકરાએ મારી જેમ ફિલ્મ ઇન્ડસ્ટ્રીમાં આવવું જોઇએ, પરંતુ હું તેને કોઇ હદમાં બાંધવા ઇચ્છતો નથી. આ ક્ષેત્ર અંગે હું સારી રીતે જાણું છું. તેથી હું તેને ગાઇડ કરીશ અને તેની રક્ષા કરીશ.

તમે તમારા બાળકનો હાથ પકડીને તેને કોઇ ખાસ મુકામ પર લઇ જઇ શકો છો, પરંતુ આગળની યાત્રા તેણે જાતે કરવાની હોય છે. ઇન્ડસ્ટ્રી બેધારી તલવાર છે. જો અયાન મોટો થઇને એક્ટર બનવા ઇચ્છશે તો તેના માટે ઇન્ડસ્ટ્રીમાં પહોંચવાનું સરળ હશે, કેમ કે તે ફિલ્મી પરિવારમાંથી આવે છે, પરંતુ જો તે પિતાની કાર્બન કોપી બનશે તો તેની પ્રાઇવસી ખતમ થઇ જશે.

Dhruv Brahmbhatt

Recent Posts

કામ કરીને થાકેલા મજૂર 160 ફૂટ ઊંચા વીજળીના ટાવર ઉપર સૂઈ ગયા

ચીનમાં મજૂરોનું એક ગ્રૂપ ૧૬૦ ફૂટ ઊંચા વીજળીના ટાવર પર સૂતેલું જોવા મળ્યું હતું. તેમનો એક વીડિયો પણ સોશિયલ મીડિયા…

2 days ago

ખુશ રહેવું હોય તો હસો, તેનાથી પોઝિટિવ વિચાર આવે છેઃ રિસર્ચ

ખુશ રહેવાનો સંબંધ હસવા સાથે પણ છે. એક રિસર્ચમાં દાવો આ દાવો કરાયો છે. અમેરિકન મનોવૈજ્ઞાનિકોએ છેલ્લા ૫૦ વર્ષના ડેટાનો…

2 days ago

મહાભારતના નાયક યુધિષ્ઠિર કેમ છે?

આ કોલમમાં મહાભારતનાં માહાત્મ્યની ચર્ચા કર્યા પછી હવેથી આપણે મહાભારતનાં પાને પાને પથરાયેલા ધર્મ તત્વને જાણવાની કોશિશ કરીશું. મહાભારતનાં પાત્રોનો…

2 days ago

બે કરોડથી વધુ લોકો ઈન્કમટેક્સના નિશાન પરઃ 30 જૂન સુધીમાં કાર્યવાહી

ડાયરેક્ટ ટેક્સની વસૂલાતમાં ઘટાડો થતાં હવે ઇન્કમટેક્સ વિભાગે કડક વલણ અખત્યાર કર્યું છે. સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી)એ ઇન્કમટેક્સ…

2 days ago

IPL પર રમાતો 80 ટકા સટ્ટો ઓનલાઈનઃ પોલીસ ઓફલાઈન

આઈપીએલ ક્રિકેટ મેચની શરૂઆતની સાથે સટ્ટાબજાર ગરમાતું હોય છે. બુકીઓ માટે આઇપીએલની મેચ તહેવારની જેમ હોય છે. બુકીઓ તેમજ ખેલીઓને…

2 days ago

Public Review: ‘કલંક’ એક્ટિંગની દૃષ્ટિએ ફિલ્મ સારી, સ્ક્રિપ્ટ નબળી

આ ફિલ્મ ખૂબ જ સારી છે. ફિલ્મનું ટ્વિસ્ટ અંત સુધી બાંધીને રાખે છે. ફિલ્મમાં સારો દેખાવ અને સુંદર દૃશ્ય દર્શાવવામાં…

2 days ago