Categories: Gujarat

ઘાટલોડિયામાં અંબાજી માતાનાં મંદિરમાંથી આભૂષણો ચોરાયાં

અમદાવાદ: શહેરના સોલા રોડ પર આવેલા ચાંદની એપાર્ટમેન્ટ પાસેના અંબાજી માતાનાં મંદિરમાં શુક્રવારે મોડી રાત્રે તસ્કરો ત્રાટકયા હતા. તસ્કરોએ મંદિરમાંથી માતાજીનાં આભૂષણો, રોકડા રૂ.૧૫,૦૦૦ અને કુલ રૂ.૧.૩૦ લાખની મતાની ચોરી કરી ફરાર થઈ ગયા હતા. બનાવની જાણ ઘાટલોડિયા પોલીસને થતાં પોલીસ તાત્કાલિક ઘટના સ્થળે દોડી જઈ તપાસ હાથ ધરી હતી. પોલીસે પૂજારીની ફરિયાદને આધારે ગુનો નોંધી તપાસ શરૂ કરી છે.

પોલીસ સૂત્રો પાસેથી મળતી માહિતી મુજબ ઘાટલોડિયા સોલા રોડ પર સંજયનગર રોડ પર ચાંદની એપાર્ટમેન્ટ નજીક અંબાજી માતાજીનું મંદિર આવેલું છે. શુક્રવારે રાત્રે નિયમ મુજબ બંધ કરવામાં આવ્યું હતું.

દરમિયાનમાં મોડી રાત્રે તસ્કરોએ મંદિરને ટાર્ગેટ બનાવી તાળુ તોડી મંદિરમાંથી માતાજીના હાર, મુગટ, ચાંદીના ઝાંઝર, શણગાર તેમજ રોકડા રૂ. ૧૫,૦૦૦ મળી કુલ રૂ.૧.૩૦ લાખની મતાની ચોરી કરી ફરાર થઈ ગયા હતા.

મોડીરાત્રે તસ્કરોએ કોંસ વડે મંદિરનાં તાળા તોડી અંદર પ્રવેશ કરી ચોરી કરી હતી.વહેલી સવારે પાંચ વાગ્યે પૂજારી મંદિરે આવ્યા ત્યારે મંદિરમાં ચોરી થઈ
હોવાની જાણ થઈ હતી. જેથી તેઓએ આ અંગે પોલીસને જાણ કરતાં ઘાટલોડિયા પોલીસ તેમજ ડોગ સ્કવોડ, એફએસએલની ટીમ તાત્કાલિક ઘટનાસ્થળે દોડી આવી હતી.

મંદિરમાં ચોરી થઈ હોવાની જાણ થતાં આસપાસના લોકોને તેમજ મંદિરે દરરોજ દર્શન માટે આવતા લોકોમાં પોલીસની કામગીરી સામે રોષ ફેલાયો હતો. ઘાટલોડિયા પોલીસે આ અંગે રમેશભાઈ અંબાલાલ જોષીની ફરિયાદને આધારે ગુનો નોંધી તપાસ શરૂ કરી છે.

ઉપરાંત ઈસનપુર વટવા રોડ પર આવેલી જુદી જુદી મોબાઈલની દુકાનનાં તસ્કરોએ તાળાં તોડી ચોરીનો પ્રયાસ કર્યો હતો.જોકે આ અંગે કોઇ પોલીસ ફરિયાદ નોંધાઇ નહોતી.

admin

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

16 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

18 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

18 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

18 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

18 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

19 hours ago