Categories: Business

GST ના નિયમોમાં ધરખમ ફેરફાર થાય તેવી શક્યતા

મુંબઇ: છેલ્લી જીએસટી કાઉન્સિલની બેઠકમાં સરકારે ૧૭૮ ચીજવસ્તુઓના ટેક્સ રેટમાં ૨૮ ટકાથી ૧૦ ટકાનો ઘટાડો કરી ૧૮ ટકા કરી નાખ્યો છે. વધતા જતા વિરોધ વચ્ચે સરકારે બનાવેલી છ સભ્યોની સલાહકાર સમિતિ જીએસટીના રેટ સહિતના અન્ય નિયમોમાં પણ મોટો ફેરફાર કરવાનું સૂચન કાઉન્સિલને કરી શકે છે, જેમાં ખાસ કરીને ઇ-વે બિલ તથા ઉચ્ચક વેરો તથા રિવર્સ ચાર્જ મિકેનિઝમની પ્રક્રિયા અને જીએસટી રિફંડની સિસ્ટમ સરળ બનાવી શકે છે.

સરકારના એક ઉચ્ચ અધિકારીના જણાવ્યા પ્રમાણે ઇ-વે બિલ અને રિવર્સ ચાર્જ મિકેનિઝમ-આરસીએમ એક વર્ષ માટે મુલતવી રાખી શકે છે. ઉચ્ચક વેરાની યોજનામાં આંતરરાજ્ય સપ્લાયની મંજૂરીની માગણીને પણ ધ્યાનમાં રાખવામાં આવી શકે છે.

સરકાર નાના અને મધ્યમ કદનાં એકમોની મુશ્કેલીઓ દૂર કરવાની સાથેસાથે આર્થિક વિકાસ થાય તથા રોજગારી વધે તેના પર પણ ફોકસ કરી રહી છે. કમિટીને જીએસટીના રિટર્ન દાખલ કરવા સંબંધે ઇ-વે બિલ તથા ઇનપુટ ટેક્સ ક્રેડિટ અને નિકાસકારો સાથે જોડાયેલી સમસ્યાઓ અંગે ૭૦૦થી પણ વધુ સૂચનો મળ્યાં છે, જેમાં ઇ-વે બિલને હાલ ટાળીને તેની સામે વૈકલ્પિક વ્યવસ્થા લાવવાનું પણ સૂચન કરવામાં આવ્યું છે.

મુખ્ય આર્થિક સલાહકાર અરવિંદ સુબ્રમણ્યમે ગઇ કાલે જ કહ્યું હતું કે સરકારની મુખ્ય પ્રાથમિકતા નાનાં અને મધ્યમ કદનાં એકમોની જીએસટી પ્રક્રિયાને સરળ બનાવવાની છે. ઉલ્લેખનીય છે કે બે લાખ કરોડથી પણ વધુની ઇનપુટ ટેક્સ ક્રેડિટ ચાર મહિનાથી અટકેલી પડી છે, જેના કારણે કંપનીઓની કાર્યકારી મૂડી પર પણ અસર પડી છે. ટેક્સ નિષ્ણાતોએ આ પ્રશ્નને જલદી ઉકેલવા માટેની માગ કરી છે.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

22 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

23 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

23 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

23 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

23 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

23 hours ago