મોટરસાઇકલ ટૂ‌રિઝમના બહાને ગ‌ઠિયો યુવકના દસ લાખ રૂપિયા લઈ જતો રહ્યો

મોટરસાઈકલ ટ‌ૂ‌રિઝમનો બિઝનેસ શરૂ કરવાનું કહીને મુંબઇનાે ગ‌િઠયો એક યુવક પાસે ૧૦ લાખ રૂપિયાની છેતર‌િપંડી કરીને ફરાર થઇ ગયો છે. મોટરસાઈકલ ટ‌ૂ‌રિઝમ માટે ૧૦ બાઇક ખરીદવા માટે દસ લાખ રૂપિયા યુવકે ગ‌ઠિયાને આપ્યા હતા. કાલુપુર ખાતે આવેલા સ્વા‌મિનારાયણ મંદિરમાં બાઇક લેવા માટેના રૂપિયા જમા કરાવવાના બહાને ગ‌ઠિયો યુવકને લઇ ગયો હતો.

મ‌ણિનગર વિસ્તારમાં આવેલ સમર્થ એપાર્ટમેન્ટમાં રહેતા ર૮ વર્ષીય હાર્દિક ભટ્ટે મ‌ણિનગર પોલીસ સ્ટેશનમાં કરેલી ફરિયાદ મુજબ હાર્દિક પ્રવાસીઓને બાઇક ભાડે આપવાનું કામ કરે છે. ગત ઓક્ટોબર મહિનામાં હાર્દિકને ફેરીન હર્ષદરાય પટેલ નામની વ્યકિત મળી હતી, જે નિકોલ વિસ્તારમાં આવેલી એક હોટલમાં રોકાઇ હતી. ફેરીને હાર્દિક પાસે સાત દિવસ માટે બાઇક ભાડેથી લીધું હતું. હાર્દિકે ફેરીનને બાઇક ભાડે આપતી વખતે તેનું આધારકાર્ડ લીધું હતું, જેમાં સુરતનું સરનામું લખ્યું હતું.

ફેરીને હાર્દિક પાસે બીજી વખત પણ બાઇક ભાડે લીધું હતું અને સમયસર તેને પાછું આપી દીધું હતું. ફેરીન હાર્દિકનો રેગ્યુલર ગ્રાહક બની ગયો હોવાથી બંને એકબીજાના મિત્ર થઇ ગયા હતા. ફેરીને હાર્દિકને પાર્ટનર‌િશપમાં મોટરસાઇકલ ટૂ‌રિઝમનો ધંધો કરવાની ઓફર આપી હતી.

મોટરસાઈકલ ટૂ‌રિઝમમાં ફેરીને હાર્દિકને ૩૫૦ સીસીનાં ૨૦ બાઇક ખરીદવાનું કહ્યું હતું. સૌપ્રથમ બંને જણાએ ૧૦ બાઇક ખરીદવાનું નક્કી કર્યું, જેમાં ફેરીનના મિત્ર પુણેમાં છે અને તે ૩૦ ટકા ઓછામાં બાઇક આપશે તેવું હાર્દિકને કહ્યું હતું.

ફેરીનની વાત પર વિશ્વાસ કરીને હાર્દિકે અલગ અલગ જગ્યાએથી ૧૦ લાખ રૂપિયાનો બંદોબસ્ત કરી દીધો હતો અને ફેરીનને આપ્યા હતા. બંને જણા કાલુપુર સ્વા‌મિનારાયણ મંદિરમાં રૂપિયા આપવા માટે ગયા હતા. ફેરીન સ્વા‌િમનારાયણ મંદિરમાં રૂપિયા આપવા માટે ગયો ત્યારે હાર્દિક મંદિરની બહાર ઊભો હતો.

ફેરીન પરત આવ્યો અને એક અઠવા‌ડિયામાં બાઇકની ડિલિવરી લેવા માટે જવાનું છે તેમ હાર્દિકને કહ્યું હતું. ફેરીનને દાંતનો દુખાવો હોવાથી ડોક્ટર પાસે અેપોઇન્ટમેન્ટ છે તેમ જણાવીને હાર્દિકનું બાઇક લઇને તે નીકળી ગયો હતો. ફેરીન પરત નહીં આવતાં હાર્દિકે તેના મોબાઇલ ફોન પર તેનો સંપર્ક કરવાની કોશિશ કરી હતી, જેમાં તેનો ફોન સ્વિચ ઓફ આવતો હતો.

હાર્દિકના બાઇકમાં ટ્રેકર લગાવ્યું હોવાથી ફેરીનનું લોકેશન જાણવાની કોશિશ કરતાં તે નિકોલ વિસ્તારમાં હોવાની જાણ થઇ હતી. નિકોલમાં જઇને હાર્દિકે તપાસ કરતાં તેનું બાઇક ‌િબનવારસી મળી આવ્યું હતું. હાર્દિકે અલગ અલગ જગ્યાએ તપાસ કરતાં જાણવા મળ્યું કે ફેરીન મૂળ મુંબઇનો છે અને તેના પિતાએ તેને ઘરેથી કાઢી મૂક્યો છે. મ‌ણિનગર પોલીસે આ મામલે ગુનો દાખલ કરીને તપાસ શરૂ કરી છે.

divyesh

Recent Posts

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

7 mins ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

16 mins ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

19 mins ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

19 mins ago

પત્રકાર મર્ડર કેસમાં આજે રામરહીમને સજા સંભળાવાશે

ચંડીગઢ: પંચકુલાની સીબીઆઈ કોર્ટ આજે પત્રકાર રામચંદ્ર છત્રપતિ મર્ડર કેસમાં ડેરા સચ્ચા સૌદા પ્રમુખ ગુરમિત રામરહીમ સહિત અન્યને સજા સંભળાવશે.…

32 mins ago

34 દિવસ બાદ મેઘાલયની ખાણમાંથી એક મજૂરનો મૃતદેહ મળ્યોઃ ૧૪ માટે સર્ચ જારી

શિલોંગ: મેઘાલયના પૂર્વીય જયંતિયા હિલ્સ જિલ્લામાં આવેલ ગેરકાયદે કોલસાની ખાણમાં ફસાયેલા ૧૫ મજૂરો માટે હાથ ધરાયેલા સર્ચ ઓપરેશનના ૩૪મા દિવસે…

35 mins ago