Categories: Gujarat

ડ્રાઈવિંગ લાઈસન્સની ઓનલાઈન એપોઈન્ટમેન્ટ માટે જન સેવા કેન્દ્ર મદદ કરશે

અમદાવાદ: ડ્રાઇવિંગ લાઇસન્સની એપોઇન્ટમેન્ટ લેવા ઇચ્છતા નાગરિકોએ હવે આરટીઓ એજન્ટનો સહારો લેવાની જરૂર પડશે નહીં. જેમને ઓન લાઇન એપોઇન્ટમેન્ટ લેતા આવડતું ન હોય તેવા નાગરિકોને હવે આરટીઓની લર્નિંગ લાઇસન્સની ઓન લાઇનની એપોઇન્ટમેન્ટ લેવી હશે તો તેઓ જન સેવા કેન્દ્રથી મેળવી શકશે.

નાગરિકો જન્મ મરણના દાખલા, ૭/૧રના ઉતારા સહિતનાં અન્ય કામોની સાથે એક જ સ્થળેથી જન સેવા કેન્દ્રમાંથી લાઇસન્સની ઓન લાઇન એપોઇન્ટમેન્ટ પણ હવે ગણતરીના દિવસોમાં મેળવી શકશે. જન સેવા કેન્દ્રોમાં કામગીરી માટે કર્મચારી મૂકવામાં આવશે. જે લર્નિંગ લાઇસન્સ માટે ડોક્યુમેન્ટસ અપલોડ કરી આપશે અને એપોઇન્ટમેન્ટ કાઢી આપશે. જેથી જે નાગરિકોને આરટીઓના એજન્ટની મદદ લેવી પડે છે તે લેવાની જરૂર નહીં પડે.

રાજ્ય સરકારે આરટીઓનાં તમામ કાર્ય માટે ઓન લાઇન અેપોઇન્ટમેન્ટ ફરજિયાત કરી છે. જેના કારણે જે નાગરિકોને કમ્પ્યૂટરનું જ્ઞાન નથી કે જેમની પાસે કમ્પ્યૂટરની સગવડ નથી તેઓએ ફરજિયાત પણે એજન્ટનો સહારો લેવો પડે છે. આ અંગે આરટીઓ જી.એસ. પરમારે જણાવ્યું હતું કે તાજેતરમાં જ સારથિ-૪ સોફટવેર શરૂ કરવામાં આવ્યું છે. તેના પગલે લર્નિંગ લાઇસન્સની તમામ પ્રોસેસ ઓન લાઇન ઘેર બેઠા થઇ શકે છે.

પરંતુ પ૦ ટકાથી વધુ નાગરિકો આ પ્રક્રિયાથી પરિચિત નથી કે તેમની પાસે તે પ્રમાણેની સગવડ નથી તે તમામ માટે કામગીરીની સરળતા માટે જન સેવા કેન્દ્રમાં જ એપોઇન્ટ મળી જાય તેવું આયોજન વિચારણા હેઠળ છે. જેથી લોકોને આરટીઓ કચેરી સુધી આ બાબતે આવવું પડે નહીં. સરકારના ઉચ્ચ વિભાગમાં આ અંગે મંજૂરી માગવામાં આવી છે જે મળી ગયેથી આ વ્યવસ્થા અંગે આયોજન કરાશે. આ કામગીરી માટે કલેકટર કચેરીના જન સુવિધા કેન્દ્ર ઉપરાંત મખ્ય વિસ્તારોના જન સેવા કેન્દ્રો માટે મંજૂરી માગવામાં આવી છે.

રોજના ૪૦૦ જેટલા અરજદારને આરટીઓ કચેરીમાં લર્નિંગ લાઇસન્સ લેવા માટે એપોઇન્ટમેન્ટ અપાય છે પરંતુ કામનું ભારણ વધુ હોવાના કારણે આરટીઓની બે બ્રાન્ચ હોવા છતાં નાગરિકોએ લાઇસન્સ મેળવવા માટે માટે મહિનાથી વધુ સમયની રાહ જોવી પડે છે.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

59 mins ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

1 hour ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

1 hour ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

1 hour ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

1 hour ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

2 hours ago