Categories: India

મહારાષ્ટ્રમાં શિવસેના-ભાજપ વચ્ચે વિવાદઃ સુમેળ સધાશે?

મુંબઈ મહાનગરપાલિકાની ચૂંટણીમાં કોઈ પક્ષને બહુમતિ નહીં મળતાં શિવસેનાને ભાજપ કરતા બે સીટ વધુ મળી છે ત્યારે ભાજપ અને શિવસેના વચ્ચે હાલ મેયરના પદને લઈને વિવાદ ચાલે છે. જેમાં શિવસેના તેમનો ઉમેદવાર જ મેયર બને તેવી માગણી પર અડગ છે અને ભાજપ તેના ઉમેદવારને મેયર બનાવવા માગે છે તેથી હાલ આ બંને પક્ષ વચ્ચે વિવાદ ચાલી રહ્યો છે. એક એવી પણ ચર્ચા ચાલી રહી છે કે શિવસેના મુંબઈ મહાનગરપાલિકામાં તેનો દબદબો જાળવી રાખવા કોંગ્રેસ અને એનસીપી સાથે ગઠબંધન કરવા તૈયાર હોવાનું પણ બહાર આવ્યું છે, પરંતુ તેમાં હજુ કોઈ ચોકકસ નિર્ણય લઇ શકાયો નથી તેથી હવે એક એવી પણ ચર્ચા ચાલી રહી છે કે હાલ ભલે ભાજપ અને શિવસેના વચ્ચે મેયર પદ માટે વિવાદ ચાલતો હોય પણ આખરે આ બંને પક્ષ વચ્ચે સુમેળ થઈ જાય તેવી શક્યતા છે.

મુંબઈ મહાનગરપાલિકામાં આ વખતે ભાજપ અને શિવસેના અલગ અલગ રીતે ચૂંટણી લડ્યા હતા તેમાં શિવસેના કરતા ભાજપને વધુ ફાયદો થયો છે પણ તેને અથવા શિવસેનાને બહુમતિ નહીં મળતા હવે મેયર પદ માટે આ બંને પક્ષ વચ્ચે વિવાદ ચાલી રહ્યો છે. હવે સતા માટે કોણ કોનો સાથ છોડશે તે કહેવું કઠિન બની ગયું છે. શિવસેના અને ભાજપ વચ્ચે લગભગ ત્રણ દાયકાથી ગઠબંધન ચાલી રહ્યું છે. ત્યારે હવે સત્તા માટે શિવસેના ભાજપ સામે જે તેવર અપનાવી રહી છે તેમાં તેને સફળતા મળશે કે કેમ તે અંગે પણ હાલ વિવિધ અટકળો ચાલી રહી છે.

ભાજપે અલગ રીતે ચૂંટણી લડી મુંબઈ મહાનગરપાલિકામાં તેની સીટો વધારી છે તેના કારણે શિવસેનાની પરેશાની વધી ગઈ છે. મુસ્લિમોની નફરત કરનારી શિવસેનાએ આ વખતે કેટલાક મુસ્લિમ ઉમેદવારને ટિકિટ ફાળવી મતદારોમાં અચરજ ઊભું કર્યું હતું. ભાજપે પણ મુસ્લિમ ઉમેદવારને ઊભા રાખ્યા હતા. શિવસેનાના પાંચ મુસ્લિમ ઉમેદવારમાંથી બે ઉમેદવાર વિજેતા બન્યા હતા.જ્યારે કોંગ્રેસના ૧૩ મુસ્લિમ ઉમેદવાર વિજેતા બન્યા છે.

જોકે બીજી તરફ એ વાતમાં પણ કોઈ શંકા નથી કે મંુબઈ મહાનગપાલિકાની ચૂંટણીમાં મહારાષ્ટ્રના મુખ્યપ્રધાન દેવેન્દ્ર ફડણવીસ સૌથી લોકપ્રિય અને મજબૂત નેતા તરીકે બહાર આવ્યા છે. એવુ અનુમાન લગાવવામાં આવી રહ્યું છે કે ફડણવીસ અને વડા પ્રધાન મોદીના કારણે ભાજપને મુંંબઈ મહાનગરપાલિકામાં ૮૨ સીટ મળી છે. મુંબઈની ચૂંટણીમાં ગુજરાતી મતદારોએ ભાજપને દિલ ખોલીને સમર્થન આપ્યું અને તેના કારણે જ આઠ પટેલ, ચાર શાહ અને એક મહેતા ઉમેદવાર ચૂંટાઈ આવ્યા છે. તેવી જ રીતે ઉત્તર ભારતના મતદારોએ પણ આ વખતે ભાજપ તરફી મતદાન કર્યું હો‍વાનું જાણવા મળે છે. અગાઉ ઉત્તર ભારતના મતદારો કોંગ્રેસ તરફી હતા. તેઓમાં આ વખતે પરિવર્તન જોવા મળ્યું હતું. ભાજપના આ વખતના વિજયને એટલા માટે ચમત્કારિક માનવામાં આવે છે કે આ અગાઉ ભાજપ મુંબઈમાં ૭૦થી વધુ સીટ પર ચૂંટણી લડ્યુ જ ન હતુ. શિવસેના આ વખતે ભાજપને વધુ ૧૦ સીટ આપી સમજૂતી કરવા માગતી હતી પણ સમજુતી ન થતા ભાજપે ૨૧૧ સીટ પર તેના ઉમેદવાર ઊભા રાખ્યા હતા.

દરમિયાન ભાજપે આ વખતે મુંબઈગરાઓને વહીવટમાં પારદર્શિતા લાવવાના વાયદા સાથે ચૂંટણી લડી હતી. તેમજ ભ્રષ્ટાચારને અંકુશમાં લાવવાની ખાતરી આપી હતી. જ્યારે બીજી તરફ શિવસેનાની કમિશનના રેટની નીતિ જગજાહેર છે તેથી જ તે સોનાનાં ઈંડાં આપે તેવી મુરઘી સમાન મુંબઈ મહાનગરપાલિકામાં સત્તા ગુમાવવા માગતી નથી. અને તેથી જ શિવસેના મેયર પદ માટે કોંગ્રેસ અને એનસીપી સાથે હાથ મિલાવવા તૈયાર હોવાનું ચર્ચાઈ રહ્યું છે. ત્યારે હવે મેયર પદના મામલે આગામી દિવસોમાં શુ થાય છે? તે અંગે હાલ અનેક અટકળો ચાલી રહી છે.

http://sambhaavnews.com/

Navin Sharma

Recent Posts

દેશદ્રોહના કેસમાં જેએનયુના કનૈયાકુમાર, ઉમર સહિત નવ વિરુદ્ધ ચાર્જશીટ દાખલ

નવી દિલ્હી: જવાહરલાલ નહેરુ યુનિવર્સિટી (જેએનયુ)માં ૯ ફેબ્રુઆરી, ર૦૧૬ના રોજ લગાવવામાં આવેલા દેશવિરોધી સૂત્રોચ્ચાર અને નારાબાજીના કેસમાં દિલ્હી પોલીસના સ્પેશિયલ…

22 hours ago

મહાનિર્વાણી-અટલ અખાડાના શાહીસ્નાન સાથે બ્રાહ્મમુહૂર્તમાં કુંભમેળાનો ભવ્ય પ્રારંભ

પ્રયાગરાજ: તીર્થરાજ પ્રયાગમાં ૪૯ દિવસ માટે ચાલનારા કુંભમેળાનો આજે સવારે બ્રાહ્મમુહૂર્તમાં ભવ્ય પ્રારંભ થયો છે. ગંગા નદીના સંગમતટ પર શ્રી…

22 hours ago

કર્ણાટક ભાજપના ધારાસભ્યોના ગુરગ્રામમાં ધામા, કોંગ્રેસ-જેડીયુના ૧૩ MLA ગાયબ

બેંગલુરુ: વિધાનસભા ચૂંટણીના લગભગ સાત મહિના બાદ કર્ણાટકમાં ફરી એક વખત સત્તાનું નાટક શરૂ થઈ ગયું છે. રાજ્યમાં સત્તારૂઢ કોંગ્રેસ-જેડીએસ…

22 hours ago

દુબઈના શાસકની ગુમ પુત્રીને સોંપવાના બદલામાં ભારતને મળ્યો મિશેલઃ રિપોર્ટ

લંડન: અગસ્તા વેસ્ટલેન્ડ હેલિકોપ્ટર સોદાના આરોપી ક્રિિશ્ચયન મિશેલના પ્રત્યર્પણની અવેજીમાં ભારતે સંયુક્ત આરબ અમિરાતના શાસકને તેમની ગુમ થયેલી પુત્રી સોંપવી…

22 hours ago

ખોટા રન-વેના કારણે ઈરાનમાં સેનાનું કાર્ગો પ્લેન ક્રેશ થયુંઃ 15નાં મોત

તહેરાન: ઈરાનની રાજધાની તહેરાન પાસે સેનાનું એક કાર્ગો પ્લેન ક્રેશ થઈ ગયું હતું. આ વિમાનમાં લગભગ ૧૦ લોકો સવાર હતા.…

22 hours ago

કમુરતાં પૂરાંઃ આજથી હવે લગ્નની સિઝન પુરબહારમાં

અમદાવાદ: હિંદુ સમુદાયમાં લગ્ન સહિતનાં શુભ કાર્ય માટે વર્જિત ગણવામાં આવતાં કમુરતાં ગઇ કાલે ૧૪ જાન્યુઆરીએ હવે પૂરાં થયાં છે.…

23 hours ago