Categories: Gujarat

બિનવારસી લાશને દફન કરવાનાં કૌભાંડમાં તપાસ કમિટીની રચના

અમદાવાદ: શાહીબાગના મુસા સુહાગ કબ્રસ્તાનમાં બિનવારસી હિન્દુની લાશ દફનાવવાનાં કૌભાડમાં સિવિલ હૉસ્પિટલે તપાસ કમિટીની રચના કરી છે. કમિટીએ કોન્ટ્રાક્ટર ગોપાલ સોલંકીને નોટિસ ઇશ્યૂ કરીને પૂછપરછ કરવા માટે બોલાવવામાં આવ્યો છે. આજે સિવિલ હોસ્પિલટના સુપરિન્ટેન્ડેન્ટ ડો. એમ.એમ.પ્રભાકર તથા પોલીસ સર્જન ડો. મહેશ કાપડિયા ગોપાલની પૂછપરછ કરશે અને જો કૌભાંડમાં તેની ભૂમિકા સાબિત થશે તો તેનો કોન્ટ્રાક્ટ પણ રદ થાય તેવી શક્યતાઓ છે.

મુસા સુહાગ કબ્રસ્તાનમાં બિનવારસી હિન્દુ લાશ દફનાવવાનાં કૌભાંડમાં સિવિલ હૉસ્પિટલના કોન્ટ્રાક્ટર ગોપાલ સોલંકી અને મુસા સુહાગ કબ્રસ્તાનના કર્મચારી હસન શેખ સંડોવાયેલા હોવાનું સામે આવ્યું છે. કબ્રસ્તાનમાં દર વર્ષે 40થી 50 બિનવારસી મુસ્લિમના મૃતદેહ દફન કરાતા હતા ત્યાં ચાલુ વર્ષે દોઢ માસમાં 23 લાશની દફનવિધિ કરાતાં વકફ કમિટિને કૌભાંડ ચાલતું હોવાનું શંકા ગઇ હતી.

સિવિલમાં બિનવારસી મૃતદેહોનો નિકાલ કરવાનો કોન્ટ્રાક્ટ ધરાવતા ગોપાલ સોલંકીએ જે બિનવારસી મુસ્લિમોની લાશ આપી હતી તેની દફનવિધિ હસન અહેમદ હસન શેખે કરી હતી. એક બિનવારસી લાશ દફન કરવા પાછળ રૂ. 3700નો ખર્ચ થતો હોવાથી વર્ષ 2015માં 40 બિનવારસી લાશ દફન કરાઈ હતી, જે પેટે રૂ. 1.50 લાખ ખર્ચ થયો હતો જ્યારે આ વર્ષે એપ્રિલ અને મે, બે મહિનામાં 23 લાશ લવાઈ હતી. સિવિલમાં મૃતદેહોને નવડાવવાની કોઈ વ્યવસ્થા ન હોવાથી કબ્રસ્તાનમાં લવાયા બાદ નવડાવીને દફનવિધિ કરાતી હતી જ્યારે શુક્રવારે જે ચારેય મૃતદેહ લવાયા તેમને સિવિલમાં નવડાવીને લાવ્યા હોવાનું હસને કહેતાં શંકા પ્રબળ બની હતી.

વકફ કમિટીના સંચાલકોએ તપાસ કરતાં બિનવારસી 4 લાશ પૈકી ત્રણ લાશ હિન્દુની હોવાનું સામે આવ્યું હતું. જેથી હસન તથા .ગોપાલની સાઠગાંઠ હોવાનું સામે આવ્યું હતું.

ઉલ્લેખનીય છે કે ઘટનાના પર્દાફાશ પછી સિવિલ હોસ્પિટલમાં એક કમિટીની રચના કરવામાં આવી છે. સિવિલ હોસ્પિટલના પોલીસ સર્જન ડો. મહેશ કાપડિયાએ જણાવ્યું છેકે હિન્દુ લાશને દફનવિધિ માટે મોકલવાના મામલે તપાસ શરૂ કરવામાં આવી છે. જેથી ડો. એમ.એમ.પ્રભાકરે તપાસ કમિટી બનાવી છે. જેમાં કોન્ટ્રાક્ટર ગોપાલને નોટિસ આપવામાં આવી છે. અને તેની આજે પૂછપરછ કરવામાં આવશે. જો કૌભાંડમાં તેનો રોલ સામે આવશે તો તેના વિરુદ્ધમાં કાયદેસરની કાર્યવાહી કરવામાં આવશે. આ સિવાય તેનો કોન્ટ્રાક્ટ રદ કરવામાં આવશે અને આવનારા દિવસમાં આવું ના થાય તે માટે નિર્ણય લેવામાં આવશે.

Krupa

Recent Posts

બિન ખેતી બાદ હવે પ્રીમિયમની કામગીરી પણ ઓનલાઈન થશે

(અમદાવાદ બ્યૂરો) અમદાવાદ: રાજ્ય સરકારે જમીન મહેસૂલ સંહિતાની કલમ-૬૫ હેઠળ અપાતી બિન ખેતી (નોન એગ્રીકલ્ચર-એનએ)ની પરવાનગી મેળવવાની કાર્ય પદ્ધતિને હવે…

2 mins ago

ગળામાં ઈન્ફેક્શન, શરદી, ખાંસીથી હજારો અમદાવાદીઓ પરેશાન

(અમદાવાદ બ્યૂરો) અમદાવાદ: શહેરમાં કાતિલ ઠંડી ભેજના પ્રમાણમાં વધારો ,અને વાતાવરણમાં અચાનક પલટો આવતાં લોકો શરદી,તાવ ગળામાં દુખાવો જેવાં અનેક…

16 mins ago

શંકરસિંહ વાઘેલા 29મીએ અમદાવાદમાં NCPમાં જોડાશે

(અમદાવાદ બ્યૂરો) અમદાવાદ: જનવિકલ્પ મોરચાના અધ્યક્ષ અને રાજ્યના કદાવર નેેતા શંકરસિંહ વાઘેલા આગામી તા.ર૯ જાન્યુઆરીએ એનસીપીમાં જોડાવાના છે. આ અંગે…

22 mins ago

ઈસરો આજે લોન્ચ કરશે દુનિયાનો સૌથી નાનો સેટેલાઈટ ‘કલામસેટ’

(એજન્સી) નવી દિલ્હી: આજે ઈસરો દુનિયાનો સૌથી નાનો સેટેલાઈટ કલામસેટ લોન્ચ કરશે. પોલર સેટેલાઈટ લોન્ચ વિહિકલ (પીએસએલવી) સી-૪૪ હેઠળ કલામસેટ…

34 mins ago

ગુરગ્રામમાં નિર્માણાધીન બિલ્ડિંગ ધરાશાયી: ૧રથી વધુ લોકો ફસાયા, રેસ્ક્યુ ઓપરેશન જારી

(એજન્સી) ગુરગ્રામ: ગુરગ્રામના ઉલ્લાવાસ ગામમાં નિર્માણાધીન ચાર માળની ઈમારત ધરાશાયી થઈ ગઈ છે. ફાયરબ્રિગેડના અધિકારીઓના જણાવ્યા અનુસાર, વહેલી સવારે ચાર…

35 mins ago

USના ફ્લોરિડામાં હુમલાખોરે બેન્કમાં ગોળીઓ વરસાવી: પાંચ લોકોનાં મોત

(એજન્સી) મિયામી: અમેરિકાના ફ્લોરિડા રાજ્યમાં એક બંદૂકધારી હુમલાખોરે એક બેન્કમાં પહોંચી જઈને ગોળીઓ વરસાવી હતી, જેમાં પાંચ લોકોનાં મોત નીપજ્યાં…

36 mins ago