Categories: Business

GST ની નવી સિસ્ટમમાં કરદાતાએ ટેક્સ ક્રેડિટ લેવી સરળ બનશે

નવી દિલ્હી: જીએસટી અંતર્ગત કરદાતાઓને મોટી રાહત આપવાની સરકાર તૈયારી કરી રહી છે. ઇન્ફોસિસના નંદન નીલેકણીના પ્રસ્તાવિત મોડેલને લાગુ કરવાની સરકાર તૈયારી કરી રહી છે. જીએસટી અંતર્ગત કરચોરીને રોકવા માટે બિલના ચેકિંગનું જે મોડલ આપ્યું છે તે મોડલને સાધારણ સુધારા સાથે લાગુ કરવામાં આવી શકે છે. કરદાતાને ટેક્સ સિસ્ટમના આ મોડલ અંતર્ગત ઇનપુટ ટેક્સ ક્રેડિટ લેવામાં સરળતા રહેશે.

બિહારના નાયબ મુખ્યપ્રધાન સુશીલકુમાર મોદીની અધ્યક્ષતામાં આવતી કાલે ગ્રૂપ ઓફ મિનિસ્ટરની એક બેઠક મળી રહી છે, જેમાં જીએસટી રિટર્ન દાખલ કરવાની પ્રક્રિયાને મંજૂરીની મહોર મારવામાં આવશે. ત્યાર બાદ આગામી મહિને ૧૦મી માર્ચે કાઉન્સિલની બેઠકમાં મંજૂરી માટે રજૂ કરવામાં આવશે.

પ્રાપ્ત થતી માહિતી મુજબ કરદાતાએ હવે જીએસટીનું એક જ રિટર્ન ભરવું પડી શકે છે. હાલ જીએસટીઆર-૧, ૨, ૩ અને જીએસટીઆર-૩ બી દાખલ કરવું પડે છે. ઇનપુટ ટેક્સ ક્રેડિટના દાવા માટે કરદાતાએ બિલના ખરીદ વેચાણની મેળવણી કરવી જરૂરી છે, જે જીએસટી નેટવર્ક અગાઉ કરતું હતું. હવે આ સિસ્ટમમાં બદલાવ કરીને કરદાતાએ ખરીદ વેચાણનાં બિલનું ઇનપુટ ટેક્સ ક્રેડિટ મેળવવા માટે સ્વયં મેળવણી કરવી પડી શકે છે.

મળતી માહિતી મુજબ જીએસટી કાઉન્સિલના મોટા ભાગનાં રાજ્યો ટેક્સની આ સિસ્ટમની તરફેણમાં છે. આ સિસ્ટમ અંતર્ગત રિટર્ન દાખલ કરવાની પ્રક્રિયા ખૂબ જ સરળ થઇ શકશે. કરદાતાએ માત્ર બિલો જ અપલોડ કરવાનાં રહેશે, જેમાં ખરીદનાર દ્વારા અપલોડ કરવામાં આવેલા બિલો વેચાણ કરનાર પણ જોઇ શકશે.

નવેમ્બરમાં જીએસટીની આવક ઘટીને ૮૦૮.૦૮ અબજ રૂપિયા થઇ ગઇ હતી, પરંતુ સરકારની સતર્કતાના કારણે ફરી એક વખત ડિસેમ્બરમાં આવકમાં વધારો નોંધાતો જોવા મળ્યો હતો, જે વધીને ૮૮૦ અબજ રૂપિયાની આવક જોવા મળી હતી.

ઉલ્લેખનીય છે કે સરકાર દ્વારા જીએસટીની પ્રક્રિયાને લઇને છેલ્લા કેટલાય સમયથી કારોબારીઓ દ્વારા પ્રશ્નો ઊભા કરાયા હતા અને તેમાં સરળીકરણ લાવવા માટે રજૂઆત કરવામાં આવી હતી. જીએસટી કાઉન્સિલની પાછલી બેઠકમાં પણ એ અંગે ચર્ચા હાથ ધરાઇ હતી,પરંતુ કેટલાંક રાજ્યો દ્વારા કેટલાક મુદ્દાઓને લઇને પ્રશ્નો ઊભા કરાયા હતા.

આગામી ૧૦મી માર્ચે મળી રહેલી જીએસટી કાઉન્સિલની બેઠકમાં નવી સિસ્ટમને આખરી મંજૂરીને ઓપ આપવામાં આવી શકે છે, જેના કારણે વેપારીએ હવે માત્ર એક જ રિટર્ન ભરવું પડી શકે છે.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

7 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

7 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

7 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

8 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

8 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

8 hours ago