Categories: Gujarat

નાગરિકોની ટેક્સ અરજીના નિકાલમાં ગોકળ ગાયની ગતિ

અમદાવાદ: મ્યુનિ. કોર્પોરેશનના સત્તાવાળાઓ દ્વારા શહેરીજનો પૂરી પાડવામાં આવતી સેવાઓમાં ચોકસાઈ અને પારદર્શિતા જળવાય તેવા આશયથી અમદાવાદનું પોતાનું ‘અમદાવાદી એપ’ બનાવવાનાં બણગાં ફૂંકાય છે. આ ‘અમદાવાદી એપ’થી લોકોને પોતાના વિસ્તારમાં થઈ રહેલા કામની વિગતો જાણવા મળશે. તેવો તંત્રનો દાવો છે પરંતુ સામાન્ય નાગરિકોને પ્રોપર્ટી ટેક્સ જેવા રોજબરોજનાં કામોના મામલે ધક્કા ખાવા પડે છે. લોકોની ટેક્સ અરજીનો સમયસર નિકાલ થતો નથી.

મ્યુનિ. કમિશનર ડી.થારાના આગામી નાણાકીય વર્ષ ૨૦૧૬-૧૭ના ડ્રાફ્ટ બજેટમાં ઈ ગવર્નન્સ હેઠળ નાગરિકોને ‘અમદાવાદી એપ’ ઓનરશીપ કાર્ડ-પ્રોપર્ટી કાર્ડ જેવાં અનેક નવા નવાં આયોજનનાં સ્વપ્ન બતાડવામાં આવ્યાં છે. છેક ગત તા.૧ એપ્રિલ, ૨૦૧૫થી ઈ ગર્વનન્સનો હવાલો માઈક્રોટેક કંપની પાસેથી ટીસીએસ કંપનીએ લીધો છે. તેમ છતાં ટીસીએસ કંપનીની ગાડી પાટા પર ચઢી નથી! ટીસીએસ કંપનીના સોફ્ટવેર અસરકારક બન્યાં નથી.

ચાલુ નાણાકીય વર્ષ ૨૦૧૫-૧૬માં તંત્ર સમક્ષ શહેરના તમામ ઝોનમાંથી કુલ ૧,૨૪,૭૪૭ પ્રોપર્ટી ટેક્સ સંબંધિત અરજી આવી હતી. જે પૈકી ગત તા.૩૧ ડિસેમ્બર ૨૦૧૫ની સ્થિતિએ ફક્ત ૬૪,૪૪૨ અરજીનો નિકાલ થઈ શક્યો છે. જ્યારે હજુ લગભગ અડધોઅડધ અરજી એટલે કે ૬૦,૧૧૭ અરજીનો નિકાલ થયો નથી તેમ મ્યુનિ. કોંગ્રેસના નેતા દિનેશ શર્માએ જણાવ્યું છે. જોકે આ મામલે તંત્ર અને શાસકપક્ષ કશું કહેવા તૈયાર નથી.

નવા પશ્ચિમ ઝોનના ટેક્સ ઓફિસર પ્રશાંત શાહ કહે છે, ‘હકીકતમાં નવા પશ્ચિમ ઝોન સહિત તમામ ઝોનમાં આટલી મોટી સંખ્યામાં ટેક્સ અરજીનો નિકાલ બાકી રહ્યો નથી. પરંતુ આ માટે ટીસીએસ કંપનીના સોફ્ટવેરની ખામી જવાબદાર હોઈ નવા પશ્ચિમ ઝોનમાં ૧૧,૬૫૯ ટેક્સ અરજી બાકી બોલે છે!’

નવા પશ્ચિમ ઝોનમાં ટેક્સની સૌથી વધુ ૨૭,૮૫૧ અરજીઓ આવી છે. જે પૈકી માત્ર ૧૬,૧૯૨ અરજીનો નિકાલ થયો છે. જ્યારે ૧૧,૬૫૯ અરજીનો નિકાલ માટે નાગરિકો ધક્કા ખાઈ રહ્યા છે. જોકે તંત્ર આ માટે ટીસએસ કંપની પર દોષનો ટોપલો ઢોળે છે.

admin

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

8 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

8 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

8 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

8 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

8 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

8 hours ago