Categories: India

હાફિઝના પુત્રે કબૂલ્યું દાઉદનું આતંકી કનેક્શન, સામે આવ્યો વિડીયો

નવી દિલ્હી: ભારતીય સુરક્ષા એજન્સીઓ હંમેશા દાવો કરતી રહી છે કે, અંડરવર્લ્ડ ડોન દાઉદ ઈબ્રાહીમનો આતંકવાદી સાથે ગાઢ સબંધ છે. હવે આ હકીકતની પુષ્ટિ લશ્કર એ તૈયબાના સરગના હાફીઝ સઈદના પુત્ર તલ્હા સઈદે કરી છે.

તલ્હા સઈદનો એક એવો વિડીયો સામે આવ્યો છે જેમાં તે ભીડને દાઉદ ઈબ્રાહીમનું નામ લઈને આતંકવાદ માટે ઉક્સાવી રહ્યો છે. વિડીયો ૫ ફેબ્રુઆરીએ શૂટ કરવામાં આવ્યો હતો. આ દિવસને પાકિસ્તાનમાં ‘કાશ્મીર દિવસ’ તરીકે મનાવવામાં આવે છે. વિડીયોમાં તલ્હા સમર્થકોને પૂછે છે કે, શું તે ડોક્ટર, પોલીસ કે જજ બનવા ઈચ્છે છે? ભીડનો જવાબ ‘ના’ માં આવે છે. ત્યારબાદ તલ્હા પૂછે છે કે, લોકો દાઉદ અને બુરહાની વાની જેવા બનવા ઈચ્છે છે તો ભીડ બુમો પાડીને હા માં જવાબ આપે છે.

વિડીયોએ ભારતીય સુરક્ષા એજન્સીઓના કાન ઉભા કરી દીધા છે કેમ કે આ પ્રથમ તક છે જ્યારે કોઈ પાકિસ્તાની આતંકી સંગઠને દાઉદ ઈબ્રાહીમનો ઉલ્લેખ કર્યો છે. દાઉદ ૧૯૯૩ માં થયેલ મુંબઈ હુમલા બાદ કરાચીમાં રહે છે. જો કે, પાકિસ્તાની સરકાર આ વાતનો ઇનકાર કરતી આવી છે. દાઉદના નકલી કરન્સી, ડ્રગ્સ અને રિયાસ એસ્ટેટના ધંધામાં સામેલ થવાની વાત જગજાહેર છે. ભારતીય ગુપ્ત એજન્સીઓ માને છે કે, ડી કંપનીના પૈસાનો મોટો હિસ્સો આતંકવાદના ફંડિંગ પર ખર્ચ થાય છે. આ વિડીયો દાઉદ વિરુદ્ધ કાયવાહી કરવા ભારત માટે મહત્વનો પુરાવો સાબિત થઇ શકે છે.

ટ્રમ્પના રાષ્ટ્રપતિ બન્યા બાદ પાકિસ્તાની સરકારે આંતરરાષ્ટ્રીય દબાણમાં હાફિઝ સઈદને નજરબંધ કર્યા હતા. પાબંધીઓ બાદ તેના સંગઠન જમાત ઉદ દાવાનું નામ બદલીને તહરીક એ આઝાદી જમ્મુ કાશ્મીર કરી દેવામાં આવ્યું હતું. ભારત વિરોધી પ્રોપેગેંડામાં ટીએજેકે હજુ પણ પહેલાની જેમ જ સક્રિય છે.

Krupa

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

3 hours ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

4 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

4 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

4 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

4 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

5 hours ago