લખનૌમાં સૌથી મોટા આઇટી દરોડામાં 100 કિલો સોનું અને રૂ.10 કરોડની કેશ જપ્ત

લખનૌ: ઇન્કમટેકસ વિભાગે ૪૮ કલાક સુુધી દરોડાની કાર્યવાહી કરીને ધીરધારનો ધંધો કરતા લખનૌના બે વેપારી ભાઇઅો કનૈયાલાલ રસ્તોગી અને સંજય રસ્તોગીનાં પાંચ સ્થળોએ દરોડા પાડીને ૧૦૦ કિલો સોનું અને રૂ.૧૦ કરોડની કેશ જપ્ત કરી છે. જપ્ત કરાયેલ સોનાની કિંમત રૂ.૩૧ કરોડ આંકવામાં આવી છે. એટલું જ નહીં રસ્તોગી પરિવારના નામે ૯૮ કરોડની અઘોષિત મિલકતોના દસ્તાવેજો પણ જપ્ત કર્યા છે.

ઇન્કમટેકસ વિભાગની યુપીમાં અત્યાર સુધીની સૌથી મોટી જપ્તી ગણાતી કાર્યવાહીમાં ઇન્કમટેકસ વિભાગે મંગળવારે સવારે ૮-૦૦ વાગ્યાથી લખનૌ અને મુંબઇ સ્થિત સ્થળો પર દરોડાની કાર્યવાહી શરૂ કરી હતી. દરોડાની કાર્યવાહી દરમિયાન એવો પર્દાફાશ થયો છે કે રસ્તોગી એન્ડ સન્સના નામે હવાલા અને શરાફી કૌભાંડ મોટા પાયે ચાલતું હતું.

રસ્તોગી બંધુ વડીલો પાર્જિત ધીરધારના ધંધામાં રૂ.૬૦ કરોડ કરતાં વધુ રકમ ફરતી હતી. કરોડો રૂપિયાની બેનામી જમીન ખરીદી-વેચાણ કરવામાં આવી હતી. જેના દસ્તાવેજો ઇન્કમટેકસ વિભાગના પ્રવકતા અને ડે.કમિશનર જયનાથ વર્માના જણાવ્યા અનુસાર કનૈયાલાલ રસ્તોગી અને તેમના પુત્રના ઘરેથી રૂ.૮.૦૮ કરોડની કેશ અને ૮૭ કિલોનાં સોનાનાં બિસ્કિટ અને બે કિલો સોનાના દાગીના જપ્ત કર્યા હતા. જ્યારે સંજય રસ્તોગીના ઘરેથી રૂ.૧.૧૩ કરોડ રોકડા અને ૧૧.૬૪ કિલો સોનું જપ્ત કરવામાં આવ્યું હતું.

રોકડ રકમ રૂ.ર,૦૦૦, પ૦૦ અને રૂ.૧૦૦ની નોટોનાં બંડલના સ્વરૂપમાં મળ્યા હતા. ૯૦ કિલો સોનાનાં બિસ્કિટ ભરેલી સૂટકેસ ઉઠાવવામાં અધિકારીઓને પરસેવો છૂટી ગયો હતો. કનૈયાલાલ રસ્તોગીના લખનૌ સ્થિત ગોડાઉન, કાર્યાલય અને આવાસ સહિત કુલ પાંચ સ્થળોએ અને મુંબઇના એક કાર્યાલય પર પાડવામાં આવેલા દરોડા દરમિયાન તેમનો મોટા પાયે ચાલતો કાળો કારોબાર બહાર આવ્યો છે. આ ઉપરાંત લોકરમાં સોનાના બે કિલો દાગીના મળ્યા હતા.

divyesh

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

4 hours ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

4 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

4 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

5 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

5 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

5 hours ago