Categories: India

કેરળમાં દારૂબંધીને સુપ્રીમની મ્હોરઃ માત્ર ફાઇવ સ્ટાર હોટલોમાં જ મળશે દારૂ

નવી દિલ્હી: સુપ્રીમ કોર્ટે કેરળમાં દારૂનાપ્રતિબંધને યોગ્ય ઠેરવેલ છે. સુપ્રીમ કોર્ટે આજે કેરળમાં દારૂબંધી લાગુ કરવા અંગે કેરળ સરકારે બનાવેલી નીતિને મંજુરી આપી છે. રાજયમાં ૧૦ વર્ષ માટે દારૂ ઉપર સંપુર્ણ રીતે પ્રતિબંધ મુકવા માટે બનાવવા આવેલી નીતિ અનુસાર માત્ર ફાઇવ સ્ટાર હોટલોમાં જ દારૂનું વેચાણ કરવાને પરવાનગી આપવામાં આવી છે. અત્રે એ નોંધનીય છે કે, બાર માલિકોએ સરકારની નીતિ સામે સુપ્રીમમાં અપીલ કરી હતી.

સુપ્રીમ કોર્ટે સરકારની આ નીતિ હેઠળ કેરળમાં બારમાં દારૂ ઉપર પ્રતિબંધને ચાલુ રાખ્યો છે. માત્ર ફાઇવ હોટલોમાં જ દારૂ પીરસવામાં આવશે. જયારે બેત્રણ અને ચાર સ્ટાર બારવાળાની અરજીને કોર્ટે ફગાવી દીધી છે. બાર માલિકોએ હાઇકોર્ટમાં પણ સરકારની નીતિને પડકારી હતી જે પછી સુપ્રીમ કોર્ટમાં અરજી દાખલ થઇ હતી.

કેરળમાં સૌથી વધુ ૧૪.૯ ટકા દારૂનું વેચાણ છે. રાજયમાં દારૂબંધીની નીતિ બનાવવામાં આવી છે જે હેઠળ સરકાર જ દારૂ સપ્લાય કરે છે અને રાજયમાં દારૂની ૭૩ર દુકાનો છે. જયાંથી દારૂ ખરીદી શકાય છે. રાજયમાં માત્ર ર૦ ફાઇવ સ્ટાર હોટલ છે અને માત્ર તેમને જ બારના લાયસન્સ આપવામાં આવ્યા છે.

કેરળ હાઇકોર્ટે ૩૧મી માર્ચના રોજ પોતાના ફેંસલામાં દારૂ ઉપર પ્રતિબંધની પોલીસીને યોગ્યઠેરવી હતી. હાઇકોર્ટે એવુ પણ કહેવુ હતુ કે, દારૂ વેચવો કયાંય પણ ફન્ડામેન્ટલ રાઇટ નથી (મુળ અધિકાર નથી), દારૂ ઉપર પોલીસી બનાવવાનું સંપુર્ણ રીતે રાજય સરકાર ઉપર નિર્ભર હોય છે. કેરળમાં એક માણસ સામાન્ય રીતે વર્ષમાં લગભગ ૮.૩ લીટર દારૂ પી જાય છે. જે નેશનલ એવરેજથી બમણુ છે.

admin

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

2 hours ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

2 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

3 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

3 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

3 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

3 hours ago