Categories: Business

ખાંડ કડવી બનીઃ એક વર્ષમાં ભાવમાં રર ટકાનો ઉછાળો

નવી દિલ્હી: છેલ્લા એક વર્ષમાં ખાંડની સરેરાશ છૂટક કિંમત રર ટકા વધીને પ્રતિ કિલો રૂ.૪ર.૪૩ સુધી પહોંચી ગઇ છે. કેન્દ્ર સરકારે આ જાણકારી રાજ્યસભામાં આપી હતી. કેન્દ્રએ જણાવ્યું હતું કે સપ્લાય અને પ્રાઇસની સ્થિતિ પર સતત તેની નજર છે. ફૂડ એન્ડ કન્ઝયુમર અફેર્સ મંત્રાલયમાં રાજ્યકક્ષાના પ્રધાન સી.આર. ચૌધરીએ રાજ્યસભામાં જણાવ્યું હતું કે ૧પ માર્ચ ર૦૧૭ સુધીમાં ખાંડની ઓલ ઇન્ડિયા એવરેજ રિટેલ પ્રાઇસ રર.૧૭ ટકાના ઉછાળા સાથે પ્રતિ કિલો રૂ.૪ર.૪૩ સુધી પહોંચી ગઇ છે, જે એક વર્ષ પહેલાં રૂ.૩૪.૭૩ની સપાટી પર હતી.

તેમણે જણાવ્યું હતું કે સરકારે ખાંડના ડીલરો પર સ્ટોક હોલ્ડિંગ અને ટર્નઓવર લિમિટસ નિર્ધારિત કરવા માટે આદેશ જારી કર્યા છે. રાજ્ય સરકારો અને કેન્દ્ર શાસિત પ્રદેશોને કોઇ પણ પ્રકારની સટ્ટાબાજી, જમાખોરી સાથે સંકળાયેલી પ્રવૃત્તિઓ રોકવા માટે આ ઓર્ડરનો અમલ કરવા સલાહ આપવામાં આવી છે.

ચૌધરીએ વધુમાં જણાવ્યું હતું કે નિકાસને બ્રેક મારવા માટે ખાંડની નિકાસ પર ર૦ ટકા કસ્ટમ ડયૂટી લાદવામાં આવી છે. તેમણે જણાવ્યું હતું કે સરકાર દ્વારા નિયમિત રીતે પુરવઠો અને કિંમતની સ્થિતિ પર વોચ રાખવામાં આવી રહી છે અને યોગ્ય સમયે જરૂરી પગલાં લેવામાં આવશે. ર૦૧૬-૧૭ માર્કેટિંગ વર્ષમાં ખાંડનું ઉત્પાદન ઘટીને બે કરોડ ટન રહેવાનું અનુમાન છે.

divyesh

Recent Posts

ચીનને પણ સબક શીખવવાનો સમય પાકી ગયો છે

ચીને ભારતીય હિત અને આંતરરાષ્ટ્રીય જનમતની વિરુદ્ધ જઇને પાકિસ્તાન સ્થિત આતંકી સંગઠન જૈશ-એ-મોહંમદના સૂત્રધાર મસૂદ અઝહરને ચોથી વખત બચાવીને પુરવાર…

18 hours ago

હિંદી સિનેમાનો 106 વર્ષનો ઈતિહાસ બરબાદ થયોઃ 31 હજાર ફિલ્મની ઓરિજિનલ રીલ નષ્ટ થઈ

(એજન્સી)મુંબઇ: નેશનલ ફિલ્મ આર્કાઇવ્ઝ ઓફ ઇન્ડિયા (એનએફએઆઇ)ને લઇને કેગે એક રિપોર્ટ રજૂ કર્યો છે. આ રિપોર્ટ મુજબ એનએફએઆઇએ લગભગ ૩૧…

19 hours ago

ડાકોરમાં શ્રદ્વાળુઓનાં ઘોડાપૂર ઊમટયાંઃ કાલે ફૂલડોલ સહિત વિવિધ કાર્યક્રમો

(અમદાવાદ બ્યૂરો) અમદાવાદ: યાત્રાધામ ડાકોર રણછોડરાય મંદિરમાં આજે ફાગણ સુદ પૂર્ણિમા નિમિતે દર્શનાર્થીઓનું ઘોડાપુર ઊમટયાં છે પૂર્ણિમા પ્રસંગે વહેલી સવારે…

19 hours ago

બાળકોને હિંદી-અંગ્રેજી શીખવવા માટે ગૂગલે લોન્ચ કરી બોલો એપ

(એજન્સી)નવી દિલ્હી: ગૂગલે થોડા દિવસ પહેલાં નવી એપ બોલો લોન્ચ કરી છે. આ એપ પ્રાથમિક વિદ્યાલયોનાં બાળકોને હિંદી અને અંગ્રેજી…

19 hours ago

એર સ્પેસ બંધ હોવાથી ભારતે જુનિયર ડેવિસ કપ અને ફેડ કપની યજમાની ગુમાવી

(એજન્સી) નવી દિલ્હી: બાલાકોટ હવાઈ હુમલા બાદ પાકિસ્તાનનો એર સ્પેસ બંધ હોવાના કારણે ભારતે જુનિયર ડેવિસ કપ અને ફેડ કપ…

20 hours ago

હવે ટ્રેન મોડી પડશે નહીંઃ રેલવેએ લીધેલો મોટો નિર્ણય

(એજન્સી)નવી દિલ્હી: હવે ટૂંક સમયમાં રેલવેમાં પ્રવાસ કરતા યાત્રીઓને ટ્રેન મોડી પડવાની મુશ્કેલીનો સામનો કરવો પડશે નહીં. તેનું કારણ એ…

20 hours ago