Categories: Gujarat

સરકારી કર્મીઅો હવે નાગરિકોને ધક્કા ખવડાવી નહીં શકે

અમદાવાદ: ૧ એપ્રિલથી રાજ્યની પ્રજાને ગુજરાત સરકારના તમામ વિભાગોમાં અપાતી સેવા બાબતે કોઇ પણ પ્રકારની ફરિયાદ અન્વયે જવાબ આપવામાં કોઇ પણ અધિકારી વિલંબ કરશે તો દંડાશે. પબ્લિક સર્વિસ એકટ અન્વયે જો સિટીઝન ચાર્ટર કાયદો અમલી બનતાં હવે પ્રજા હિતમાં ઝડપભેર કામ થતાં હોવાની બાંગો મારતા અધિકારીઓએ નિયત સમયમર્યાદામાં ફરિયાદીની ફરિયાદનો નિકાલ કરવો પડશે, એટલું જ નહીં ફરિયાદની પાકી પહોંચ પણ આપવી પડશે, એટલું જ નહીં અરજીનાે કેટલા સમયમાં જવાબ નિકાલ લાવવામાં આવશે તે પણ દર્શાવવું ફરજિયાત બનશે.
ગુજરાત વિધાનસભામાં આ બિલ તા.૧ એપ્રિલ, ર૦૧૩એ પસાર થયું હતું.

જેને રાજ્યપાલે તે જ મહિને મંજૂરી આપી દીધી હતી. જોકે તેના નિયમો બનાવતાં સરકારને બે વર્ષ જેટલો સમય લાગ્યો છે. શિક્ષણના અધિકાર અને માહિતીના અધિકારની જેમ આ એકટ હેઠળ જો કોઇ સરકારી અધિકારી નાગરિક સેવા આપવાની સમયમર્યાદા ચૂકી જાય તો તેણે દંડ ભરવો પડશે અને માેડી સેવા બદલ એટલે કે સેવામાં વિલંબ બદલ નાગરિકને વળતર પણ મળશે. આ એકટ હેઠળ રાજ્યના લોકોને નિયત સમયમર્યાદામાં જુદી જુુદી નાગરિક સેવાઓ પ્રાપ્ત થશે, તેમાં પંચાયત, નાગરિક પુરવઠો, ગૃહ, પોલીસ, નાણાં, વાહનવ્યવહાર, મહેસૂલ, શહેરી વિકાસ, ઉદ્યોગ, આરોગ્ય અને શિક્ષણ વિભાગની કચેરીઓમાં આ યોજનાનો અમલ કરવામાં આવશે. આ કચેરીઓમાં આવતા દરેક લોકોને પોતાના કયા અધિકારો છે? સરકારી તંત્ર તેની અરજી અને રજૂઆતોનો કેટલા સમયમાં નિકાલ કરશે અથવા અરજી સ્વીકારી નથી તો તેનું કારણ અને વિગતો આપવા બંધાયેલ રહેશે. નવા એકટ હેઠળ સ્થાનિક સંસ્થાઓ સહિત જાહેર સેવા બાબતે ચોક્કસ સમયમાં માહિતી આપવી ફરજિયાત બનશે.

સરકારી કામકાજ કે નાગરિકની ફરિયાદ અંગેની અરજી મળ્યાની પાકી પહોંચ સાથે જવાબ નિકાલની તારીખ પણ દર્શાવવી પડશે. જો કોઇ અધિકારી સમયસર નિકાલ કે પ્રક્રિયામાં નિષ્ફળ રહેશે તો તેને રૂ.૧,૦૦૦ સુધી દંડ થશે પણ અધિકારી ઇરાદાપૂર્વક સેવા પૂરી ન પાડે તો રૂ.રપ,૦૦૦ સુધીના દંડની જોગવાઇ કરાઇ છે. દરેક સરકારી કચેરીમાં ફરિયાદ નિવારણ કડી હશે, જે રાજ્યકક્ષાની અપીલ ટ્રિબ્યુનલ સુધી જશે. સરકારે દરેક વિભાગમાં જે તે સેવા આપે છે તે કેટલા સમયમાં આવશે તે નિશ્ચિત કરતું માર્ગદર્શક બોર્ડ ફરજિયાત મૂકવું પડશે અને અરજી નિકાલમાં સમય અને જે તે અધિકારીની જવાબદારી નિશ્ચિત થશે.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

20 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

20 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

20 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

20 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

21 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

21 hours ago