Categories: Sports

દ. આફ્રિકાએ કાંગારુંઓનો 5-0થી સફાયો કરી નાખ્યો

કેપટાઉનઃ એક જમાનામાં ક્રિકેટના ત્રણેય ફોર્મેટમાં જે ટીમનો ડંકો વાગતો હતો તે ઓસ્ટ્રેલિયાની ટીમનો દક્ષિણ આફ્રિકાએ વન ડે શ્રેણીમાં કચ્ચરઘાણ કાઢી નાખ્યો છે. ગઈ કાલે શ્રેણીની અંતિમ મેચમાં દક્ષિણ આફ્રિકાએ ઓસ્ટ્રેલિયાને ૩૧ રનથી હરાવી દીધું. આ જીત સાથે જ દ. આફ્રિકાએ શ્રેણી પર ૫-૦થી કબજો જમાવી દીધો. ૩૨૮ રનના લક્ષ્યનો પીછો કરવા ઊતરેલી ઓસ્ટ્રેલિયાની ટીમ તરફથી એકમાત્ર ડેવિડ વોર્નર દક્ષિણ આફ્રિકાના બોલર્સનો સામનો કરી શક્યો હતો. તેણે ૧૩૬ બોલમાં ૨૩ ચોગ્ગા સાથે ૧૭૩ રનની તોફાની ઇનિંગ્સ રમી હતી, આમ છતાં તે પોતાની ટીમને વિજય અપાવી શક્યો નહોતો. વોર્નરને મેન ઓફ ધ મેચ, જ્યારે દક્ષિણ આફ્રિકાના રસૌને મેન ઓફ ધ સિરીઝ જાહેર કરવામાં આવ્યા હતા.

ગઈ કાલ દક્ષિણ આફ્રિકાએ ટોસ જીતીને પહેલી બેટિંગ કરતાં આઠ વિકેટે ૩૨૭ રન બનાવ્યા હતા, જેના જવાબમાં ઓસ્ટ્રેલિયાની ટીમ ૨૯૬ રન જ બનાવી શકી હતો. જોકે દ. આફ્રિકાની શરૂઆત સારી રહી નહોતી. શરૂઆતની ૧૧ ઓવર બાદ દક્ષિણ આફ્રિકાનો સ્કોર ત્રણ વિકેટે ૫૨ રન હતો. ત્યાર બાદ રસૌ અને જે. પી. ડોમિનીએ પોતાની ટીમને સંભાળી હતી અને ૧૭૮ રનની શાનદાર ભાગીદારી નોંધાવી હતી. ઓસ્ટ્રેલિયા સામે ચોથી વિકેટ માટેની આ રેકોર્ડ ભાગીદારી હતી. રસૌને ૧૧૮ બોલમાં ૧૪ ચોગ્ગા અને બે છગ્ગા સાથે ૧૨૨ રન, જ્યારે ડોમિનીએ ૭૫ બોલમાં આઠ ચોગ્ગા સાથે ૭૩ રન ઝૂડી કાઢ્યા હતા, જ્યારે ડેવિડ મિલરે પણ ૨૯ બોલમાં ૩૯ રનની તોફાની ઇનિંગ્સ રમી હતી.

ત્યાર બાદ બેટિંગ કરવા ઊતરેલી ઓસ્ટ્રેલિયાની ઇનિંગ્સને એકમાત્ર ડેવિડ વોર્નરનો જ સહારો મળ્યો હતો. વોર્નરે પોતાની ટીમને ક્લીનસ્વિપથી બચાવવાની ભરપૂર કોશિશ કરી હતી. એક સમયે વોર્નર આમાં સફળ થતો દેખાઈ રહ્યો હતો, પરંતુ તેના રનઆઉટ થવાની સાથે જ ઓસ્ટ્રેલિયાની આશા પર પાણી ફરી વળ્યું હતું. આ શ્રેણીમાં કારમા પરાજય છતાં ઓસ્ટ્રેલિયાની ટીમ આઇસીસી રેન્કિંગમાં હજુ પણ નંબર વનના સ્થાને છે અને દક્ષિણ આફ્રિકાની ટીમ બીજા નંબર પર છે.

દક્ષિણ આફ્રિકાઃ ૫૦ ઓવરમાં ૩૨૭ રન
ઓસ્ટ્રેલિયાઃ
વોર્નર રનઆઉટ ૧૭૩
ફિંચ બો. તાહિર ૧૯
સ્મિથ બો. તાહિર ૦૦
બેઇલી બો. ફેહ્લુક્વાયો ૦૨
એમ. માર્શ બો. રબાડા ૩૫
હેડ કો. ડિ’કોક બો. એબોટ ૩૫
વેડ કો. ડિ’કોક બો. એબોટ ૦૭
મેની કો. મિલર બો. રબાડા ૦૦
ટ્રીમેન રનઆઉટ ૦૦
ઝમ્પા અણનમ ૦૬
બોલાન્ડ રનઆઉટ ૦૪
વધારાના ૧૫
કુલ (૪૮.૨ ઓવરમાં ઓલઆઉટ) ૨૯૬

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

21 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

22 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

22 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

22 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

22 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

22 hours ago