Categories: Gujarat

આડેધડ રોડ બનાવીને સોસાયટી, ઓફિસોને ખાડામાં નાખી દીધી

અમદાવાદ: અમદાવાદ મ્યુનિસિપલ કોર્પોરેશનના સત્તાવાળાઓ દ્વારા રોડનાં કામોમાં લેશમાત્ર ગુણવત્તા જળવાતી નથી તેનાથી સૌ કોઇ પરિચિત છે. તંત્રમાં વ્યાપ્ત ભ્રષ્ટાચારના કારણે શહેરભરના રોડ સામાન્ય વરસાદના મારથી પણ ઊબડખાબડ રસ્તામાં ફેરવાઇ ગયા છે. બીજી તરફ રિસરફે‌િસંગ વખતે બેદરકારીપૂર્વક ડામરના થરના થર ચઢાવી દેવાથી રોડ લેવલ ઊંચાં થઇને આસપાસની સોસાયટીમાં વરસાદી પાણી ઘૂસી જવાથી પણ લોકો પરેશાન થઇ રહ્યા છે. આશ્રમરોડ પરના પાલડી-ભઠ્ઠા વિસ્તારમાં આવી જ ફરિયાદો ઊઠી છે.

શહેરના રાજમાર્ગ તરીકે ઓળખાતા આશ્રમરોડ પર પાલડી-ભઠ્ઠા વિસ્તારના નાગરિકો ચાલુ ચોમાસામાં મુસીબતમાં મુકાઇ ગયા છે. આશ્રમરોડ પર અંજલિ ચાર રસ્તા ફલાય ઓવરબ્રિજ પ્રોજેકટના કારણે લોખંડનાં પતરાંની મોટી મોટી આડશ મૂકીને બે‌િરકેડિંગ કરાયું છે, પરંતુ આશ્રમરોડ સંલગ્ન ફતેહપુરા વિસ્તાર અને વાસણાના ભઠ્ઠા વિસ્તારમાં સહેજ વરસાદ પડતાં લોકોનાં ઘર-ઓફિસમાં વરસાદી પાણી ઘૂસી રહ્યાં છે.

સ્થાનિક રહેવાસીઓ રોષભેર કહે છે મ્યુનિસિપલ કોર્પોરેશન દ્વારા રોડનું લેવલ ઊંચું કરાતાં અમારી ‌નીચાણવાળી સોસાયટી અને કોમ્પ્લેક્સમાં વરસાદી પાણીનાં ઘોડાપૂર આવે છે. વ્રજ કોમ્પ્લેક્સ, સ્વા‌િમનારાયણ કોમ્પ્લેક્સ, ચંદનબાળા કોમ્પ્લેક્સ, દામુભાઇ કોલોની, ઝલક કોમ્પ્લેક્સ વગેરેમાં આ સમસ્યા વધુ વિકટ છે.

આમાં સૌથી વધુ આઘાતજનક બાબત એ છે કે રોડ લેવર ઊંચું થવાની સાથે સાથે વરસાદી ગટરલાઇનના મેનહોલ અને કેચપીટ ડામર નીચે દબાઇ ગયા છે અને હવે પશ્ચિમ ‌ઝોનનો ઇજનેર વિભાગનો સ્ટાફ દબાયેલા મેનહોલ અને કેચપીટને મેટલ ડિટેકટર લઇને શોધી રહ્યો છે. વરસાદમાં ડ્રેનેજનાે નિકાલ ન થતો હોઇ તંત્ર મુંઝવણમાં મુકાયું છે. આ સમસ્યાથી મ્યુનિસિપલ ભાજપના ઉચ્ચ હોદ્દેદારોને પણ વાકેફ કરાયા હોઇ મ્યુનિસિપલ ઉચ્ચ અધિકારીઓ દોડતા થઇ ગયા છે.
http://sambhaavnews.com/

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

5 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

5 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

5 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

5 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

5 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

6 hours ago