Categories: Gujarat

છ મર્ડરઃ છ મિસ્ટ્રી

અમદાવાદ: મેગાસિટી અમદાવાદમાં દર બીજા કે ત્રીજા દિવસે હત્યાનો બનાવ બને છે. કેટલીક હત્યાના ભેદ ઉકેલવામાં પોલીસને રીતસર અાંખે પાણી અાવી જાય છે. જોકે ૨૦૧૬માં બનેલા હત્યાના છ બનાવ શહેર પોલીસ તેમજ ક્રાઈમ બ્રાંચ માટે ‘મિસ્ટ્રી’ બન્યા છે. લગભગ એક વર્ષ કે તેથી વધુ સમયથી હત્યાના અા બનાવોમાં પોલીસ કોઈ ઠોસ સગડ મેળવી શકી નથી.

સરખેજ વિસ્તારમાં આવેલા ભારતી આશ્રમ નજીક આવેલા રેલવે સ્ટેશન પાસેથી ૨૯ માર્ચ ૨૦૧૬ના રોજ એક કોથળામાં પેક આધેડનું હાડપિંજર મળ્યું હતું. આ કેસની તપાસ પહેલા એમ.ડિવિઝનના એસીપીને સોંપાઇ હતી જેમાં આધેડની હત્યા કેસનો કોઇ ભેદ નહીં ઉકેલાતાં તપાસ ક્રાઇમ બ્રાંચને સોંપવામાં આવી હતી. રાજ્યમાં ગુમ થયેલા આધેડનો ડેટા મંગાવીને તપાસ શરૂ કરી છે.

ઇસનપુર વિસ્તારમાં આવેલી કેનાલમાંથી વર્ષ ૨૦૧૫માં ઇસનપુર પોલીસ સ્ટેશનના કોન્સ્ટેબલ જયદીપસિંહ પરમારની ભેદી સંજોગોમાં લાશ મળી હતી. 17મી ઓગસ્ટ 2016 ના રોજ જયદીપસિંહની હત્યા કરવામાં આવી હોવાનો એફએસએલ રિપોર્ટ આવતા પોલીસે હત્યાનો ગુનો નોંધ્યો હતો. જેની તપાસ ક્રાઇમ બ્રાંચને સોંપવામાં આવી હતી,
ગોમતીપુર વિસ્તારમાં આવેલી શંકરપુરાની ચાલીમાં રહેતા દસ વર્ષિય માસૂમ બાળક વિવેક પરમારની 4 સપ્ટેમ્બર 2016ના રોજ ખોખરા બ્રિજ નજીક આવેલા સલાટનગર પાસે પથ્થર વડે મોં છુંદીને કરપીણ હત્યા કરાઇ હતી. આ કેસમાં ગોમતીપુર પોલીસ હત્યાનો ગુનો નોંધીને તપાસ શરૂ કરી હતી. જોકે વિવેકની હત્યાનો ભેદ નહીં ઉકેલાતા કેસની તપાસ ક્રાઇમ બ્રાંચને સોંપવામાં આવી હતી.

જમાલપુર મ્યુનિ. કવાર્ટર્સ સામે તારીખ 17મી સપ્ટેમ્બર 2016ના રોજ બિલ્ડર હનીફ દાઢી પર બે શાર્પ શૂટરોએ પોઇન્ટ રેન્જ બ્લેન્કથી બે રાઉન્ડ ફાયરિંગ કરીને મોતને ધાટ ઉતારવાના ચકચારી કિસ્સાનો ભેદ હજુ સુધી ઉકેલાયો નથી. ગાયકવાડ હવેલી પોલીસ પાસેથી તપાસ આંચકી લઇને પોલીસ કમિશનરે ક્રાઇમ બ્રાંચને તપાસ સોંપી હતી. 100 કરતાં વધુ વ્યકિતઓની પૂછપરછ ક્રાઇમ બ્રાંચે ધરી છે પરંતુ હજુ સુધી આરોપીઓ કોણ છે તે ક્રાઇમ બ્રાંચ શોધી શકી નથી.
નવરંગપુરા વિસ્તારમાં આવેલી બેન્ક ઓફ ઇન્ડિયા સોસાયટીમાં એકલાં રહેતાં નિર્મલાબહેન નામનાં વૃદ્ધાની તારીખ 18મી સપ્ટેમ્બર 2016ના રોજ હત્યા કરીને સોનાના દાગીનાની લૂંટ ચલાવીને આરોપીઓ ફરાર થઇ ગયા હતા. આ કેસની તપાસ પહેલાં બી ડિવિઝનના એસીપીને સોંપાઇ હતી જોકે એક સપ્તાહ બાદ પોલીસ કમિશનરને કેસની તપાસ એસીપી પાસેથી આંચકી લઇને શહેર ક્રાઇમ બ્રાંચને સોંપી હતી. 13 નવેમ્બર 2016ના રોજ સરખેજ ગામમાં આવેલી બ્રહ્માની પોળમાં એકલવાયું જીવન જીવતા 62 વર્ષિય ચંદ્રિકાબહેન નાયકની લૂંટના ઇરાદે અજાણ્યા ઇસમોએ ચપ્પાના ધા ઝીંકીને હત્યા કરી હતી. આ હત્યા બાબતે પણ હજુ પોલીસ અંધારાંમાં છે. ક્રાઇમ બ્રાન્ચના એસીપી રાજદીપ ઝાલાએ જણાવ્યું છે કે વિવેક તેમજ હનિફ દાઢીની હત્યા કેસની તપાસ ક્રાઇમ બ્રાન્ચ કરી રહી છે જ્યારે અન્ય કેસમાં પણ ક્રાઇમ બ્રાન્ચ તપાસ કરે છે.

પાંચ વર્ષમાં 46 હત્યાના ભેદ ઉકેલવાના બાકી
શહેર પોલીસ કમિશનર કચેરી દ્વારા જારી કરાયેલી ક્રાઇમની આંકડાકીય વિગત પર નજર નાખીએ તો વર્ષ 2011 થી 2015 સુધી 455 હત્યા થઇ છે. જેમાં 46 હત્યા કેસમાં આરોપીઓ હજુ સુધી પકડાયા નથી. સ્થાનિક પોલીસ તેમજ ક્રાઇમ બ્રાંચ આ તમામ હત્યા કેસમાં પણ તપાસ કરે છે.

પાંચ વર્ષમાં કેટલી હત્યા, કેટલા ભેદ ઉકેલાયા?
વર્ષ હત્યા ઉકેલ
2011 95 84
2012 90 81
2013 96 86
2014 82 77
2015 92 81
2016 26 25
એપ્રિલ 2016 સુધીના આંકડા
http://sambhaavnews.com/

divyesh

Recent Posts

દેશદ્રોહના કેસમાં જેએનયુના કનૈયાકુમાર, ઉમર સહિત નવ વિરુદ્ધ ચાર્જશીટ દાખલ

નવી દિલ્હી: જવાહરલાલ નહેરુ યુનિવર્સિટી (જેએનયુ)માં ૯ ફેબ્રુઆરી, ર૦૧૬ના રોજ લગાવવામાં આવેલા દેશવિરોધી સૂત્રોચ્ચાર અને નારાબાજીના કેસમાં દિલ્હી પોલીસના સ્પેશિયલ…

20 hours ago

મહાનિર્વાણી-અટલ અખાડાના શાહીસ્નાન સાથે બ્રાહ્મમુહૂર્તમાં કુંભમેળાનો ભવ્ય પ્રારંભ

પ્રયાગરાજ: તીર્થરાજ પ્રયાગમાં ૪૯ દિવસ માટે ચાલનારા કુંભમેળાનો આજે સવારે બ્રાહ્મમુહૂર્તમાં ભવ્ય પ્રારંભ થયો છે. ગંગા નદીના સંગમતટ પર શ્રી…

20 hours ago

કર્ણાટક ભાજપના ધારાસભ્યોના ગુરગ્રામમાં ધામા, કોંગ્રેસ-જેડીયુના ૧૩ MLA ગાયબ

બેંગલુરુ: વિધાનસભા ચૂંટણીના લગભગ સાત મહિના બાદ કર્ણાટકમાં ફરી એક વખત સત્તાનું નાટક શરૂ થઈ ગયું છે. રાજ્યમાં સત્તારૂઢ કોંગ્રેસ-જેડીએસ…

20 hours ago

દુબઈના શાસકની ગુમ પુત્રીને સોંપવાના બદલામાં ભારતને મળ્યો મિશેલઃ રિપોર્ટ

લંડન: અગસ્તા વેસ્ટલેન્ડ હેલિકોપ્ટર સોદાના આરોપી ક્રિિશ્ચયન મિશેલના પ્રત્યર્પણની અવેજીમાં ભારતે સંયુક્ત આરબ અમિરાતના શાસકને તેમની ગુમ થયેલી પુત્રી સોંપવી…

20 hours ago

ખોટા રન-વેના કારણે ઈરાનમાં સેનાનું કાર્ગો પ્લેન ક્રેશ થયુંઃ 15નાં મોત

તહેરાન: ઈરાનની રાજધાની તહેરાન પાસે સેનાનું એક કાર્ગો પ્લેન ક્રેશ થઈ ગયું હતું. આ વિમાનમાં લગભગ ૧૦ લોકો સવાર હતા.…

20 hours ago

કમુરતાં પૂરાંઃ આજથી હવે લગ્નની સિઝન પુરબહારમાં

અમદાવાદ: હિંદુ સમુદાયમાં લગ્ન સહિતનાં શુભ કાર્ય માટે વર્જિત ગણવામાં આવતાં કમુરતાં ગઇ કાલે ૧૪ જાન્યુઆરીએ હવે પૂરાં થયાં છે.…

20 hours ago