Categories: Gujarat

દુકાનમાં લૂંટ કરવા ઘૂસેલા ત્રણ યુવકોને પડકારી વેપારીએ એકને ઝડપી લીધો

અમદાવાદ: શહેરમાં દિન પ્રતિદિન ચોરી, લૂંટ, ચેઇન સ્નેચિંગની ઘટનાઓ વધી રહી છે. ગઇ કાલે મોડી રાત્રે નરોડા જીઆઇડીસી વિસ્તારમાં આવેલી એક દુકાનમાં પોલીસ અ‌િધકારીની ઓળખ આપીને ત્રણ યુવકો લૂંટ કરવાના ઇરાદે આવ્યા હતા. જોકે દુકાનદારની સમજદારી અને બહાદુરીથી નકલી પોલીસ ઓફિસર લૂંટ કરવામાં નિષ્ફળ રહ્યા હતા.
નરોડા વિસ્તારમાં આવેલ કમલ ડુપ્લેક્સમાં રહેતા 47 વર્ષિય મૂકેશભાઇ ગૌરીશંકર ઔઝાએ નરોડા પોલીસ સ્ટેશનમાં ત્રણ શખસ વિરુદ્ધમાં ફરિયાદ કરી છે. મૂકેશભાઇની નરોડા જીઆઇડીસી વિસ્તારમાં આવેલ ટેલિફોન એક્સેન્જની બાજુમાં દુકાન આવેલી છે. આસપાસની દુકાનો વહેલી બંધ થઇ ગઇ હતી. મૂકેશભાઇને કોઇ કામ હોવાથી તેમણે દુકાન ચાલુ રાખી હતી. દરમિયાનમાં ત્રણ યુવક મૂકેશભાઇની દુકાન પર આવ્યા હતા અને પોલીસ ઓફિસર તરીકેની ઓળખ આપીને ઓફિસનો દરવાજો ખોલવાનો કહ્યો હતો.

મૂકેશભાઇને ત્રણેય યુવક પોલીસ ઓફિસર નથી તેવી શંકા જતાં તેમણે ઓફિસનો દરવાજો ખોલ્યો નહીં અને તેમને જતા રહેવાનું કહ્યું હતું. ત્રણ યુવકો પૈકી એક યુવકે કાચનો દરવાજો તોડી નાખ્યો હતો. મૂકેશભાઇએ તેને રોકવાની કોશિશ કરતાં બન્ને વચ્ચે મારામારી શરૂ થઇ ગઇ હતી જેમાં બે યુવકો ફરાર થઇ ગયા હતા ત્યારે એક યુવકને મૂકેશભાઇએ પકડી લીધો હતો. નરોડા પોલીસને જાણ કરાતાં પોલીસે યુવકની ધરપકડ કરી હતી.

નરોડા પોલીસના જણાવ્યા અનુસાર ધરપકડ કરાયેલા યુવકનું નામ રીતેશ ભરતભાઇ ગજ્જર (ગામ ધનીપુર, તાલુકો દહેગામ, જિલ્લા ગાંધીનગર) હોવાનું સામે આવ્યું છે. પોલીસે રીતેશ સાથે આવેલા બે યુવકો કોણ હતા તે મામલે પણ પૂછપરછ શરુ કરી છે. આ ઘટનામાં રીતેશે મૂકેશભાઇને મૂઢમાર મારતાં તેમને સામાન્ય ઇજા પહોંચી છે.
http://sambhaavnews.com/

divyesh

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

7 hours ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

8 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

8 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

8 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

8 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

9 hours ago