Categories: Sports

નિષ્ફળતાએ મને ઘણું બધું શીખવ્યુંઃ શિખર ધવન

દામ્બુલા: શિખર ધવન તેની કારકિર્દીના શ્રેષ્ઠ ફોર્મમાંથી હાલ પસાર થઈ રહ્યો છે, પરંતુ આ ઓપનિંગ બેટ્સમેન તેની નિરાશાઓને ભૂલ્યો નથી, કારણ કે જે કારણે તે ટીમ ઇન્ડિયામાંથી બહાર થઈ ગયો હતો એ નિષ્ફળતાઓએ તેને ઘણા પાઠ શીખવ્યા છે.

ધવનને ગત વર્ષે ન્યૂઝીલેન્ડ સામેની શ્રેણી બાદ નબળા ફોર્મના કારણે ટીમમાંથી પડતો મૂકવામાં આવ્યો હતો અને આ વર્ષે તે આઇસીસી ચેમ્પિયન્સ ટ્રોફી માટે ટીમમાં પાછો ફર્યો હતો. ચેમ્પિયન્સ ટ્રોફી બાદ શિખર ધવનના બેટે એવું તો ગર્જવાનું શરૂ કર્યું છે કે શાંત થવાનું નામ લેતું નથી.

શિખર કહે છે, “આગામી વર્લ્ડ કપને હજી ઘણો સમય છે અને હું ત્યાં સુધી સારો દેખાવ કરતો રહેવા માગું છું. આ મારું લક્ષ્ય છે, કારણ કે હું જો સારો દેખાવ નહીં કરું તો ટીમમાં મારું સ્થાન લેવા અન્ય બેટ્સમેનો હાજર છે.”

ધવને વધુમાં કહ્યું કે, ”નિષ્ફળતા માનવીને ઘણું શીખવે છે અને હું પણ નિષ્ફળતાઓમાંથી ઘણું શીખ્યો છું. સતત સારો દેખાવ કરવા માટે ફિટનેસ બહુ મહત્ત્વની છે. હાલ હું મારી ફિટનેસ અને ફિલ્ડિંગ ઉપર પણ ઘણું ધ્યાન આપી રહ્યો છું.”
ઉલ્લેખનીય છે કે દામ્બુલા ખાતે રમાયેલી પ્રથમ વન ડેમાં ધવને ૭૧ બોલમાં પોતાની સદી પૂરી કરી હતી અને શ્રીલંકા સામે પ્રથમ વાર તથા વન ડે ક્રિકેટમાં છઠ્ઠી વાર મેન ઓફ ધ મેચનો એવોર્ડ જીત્યો હતો.

શ્રીલંકાના વર્તમાન પ્રવાસ દરમિયાન ધવન ગજબનાક ફોર્મમાં રમી રહ્યો છે. વન ડેમાં સદી ફટકારી તે પહેલાં ધવને ગોલ અને પલ્લેકલ ટેસ્ટમાં પણ સદી ફટકારી હતી. તેણે કહ્યું, ”હું ઓસ્ટ્રેલિયા સામે મારી ડેબ્યુ ટેસ્ટમાં સદી ફટકાર્યા બાદ ૨૦૧૩ની ચેમ્પિયન્સ ટ્રોફી દરમિયાન પણ આવા જ ફોર્મમાં હતો. જ્યારે મેં ૨૦૧૩માં ચેમ્પિયન્સ ટ્રોફીમાં વન ડે ટીમમાં વાપસી કરી ત્યારે પણ હું આવી જ રીત રન બનાવી રહ્યો હતો.”

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

1 hour ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

2 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

2 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

2 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

2 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

2 hours ago