Categories: Gujarat

અેસજી હાઈવે પર રાજનગર ક્લબના જુગારધામમાં દરોડા

અમદાવાદ: શહેરના બોડકદેવ વિસ્તારમાં આવેલ અક્ષત ટાવરમાં કલબના નામે ચાલતા જુગારધામનો પીસીબીએ પર્દાફાશ કર્યો છે. ગત મોડી રાત્રે પીસીબી અને વસ્ત્રાપુર પોલીસે જુગારધામ પર દરોડો પાડી મેનેજર સહિત ૩ર જુગારિયાને ઝડપી લીધા હતા. પોલીસે કલબમાંથી જુગાર રમવાનાં પ્લાસ્ટિકનાં ર૮૩ કોઈન, પત્તાંની કેટ, ૩૦ મોબાઇલ ફોન રોકડા રૂ.ર.૯૧ લાખ, છ ગાડીઓ સહિત ૧૬ વાહન મળી કુલ રૂ.૩૭.૭પ લાખનો મુદ્દામાલ જપ્ત કર્યો હતો. કલબના માલિક ભરતભાઇ પટેલ (રહે. દ્વારકેશ કોમ્પ્લેક્સ, કલાસિક હોટલ પાસે, નવરંગપુરા) ફરાર હોવાનું પોલીસે જણાવ્યું હતું.

શહેર પોલીસ કમિશનર એ.કે. સિંઘના હાથ નીચે કામ કરતી પીસીબી સ્કવોડના ઇન્ચાર્જ ડીવાયએસપી એમ.કે. રાણાને બાતમી મળી હતી કે નવરંગપુરા વિસ્તારમાં રાજનગર કલબ એસોસિઅેશન નામે કલબ ચાલુ હતી. હાલમાં બોડકદેવના અક્ષત ટાવરમાં પાંચમા માળે પાંચ દુકાનમાં કલબના ઓઠા હેઠળ પ્લાસ્ટિકના સિક્કા આપી જુગારધામ ચાલે છે. તેવી બાતમીના આધારે એમ.કે. રાણા અને તેમની ટીમ તેમજ વસ્ત્રાપુર પી.આઇ. એચ.પી. કરેણ સહિતના સ્ટાફે મોડી રાતે અક્ષત ટાવરમાં દરોડો પાડ્યો હતો. પોલીસે દરોડા દરમ્યાન ૩ર જેટલા જુુગારિયાને હાર-જીતના પૈસા, પાનાંનો જુગાર રમતા ઝડપી લીધા હતા.

પોલીસે કલબમાં હાજર વ્યક્તિને પૂછપરછ કરતા દીપક જયંતીલાલ શાહ (રહે. દેસાઇની પોળ, સરસપુર) હોવાનું જણાવ્યું હતું. પોતે કલબના મેનેજર હોવાનું જણાવી આ કલબના માલિક ભરતભાઇ દ્વારકાપ્રસાદ પટેલ હોવાનું જણાવ્યું હતું. કલબમાં જુગાર રમવા આવતા માણસોનાં નામો રજિસ્ટરમાં લખી તેઓ પાસેથી પૈસા લઇ પૈસા મુજબ અલગ અલગ કલરના કોઇન આપવામાં આવતા હતા. અલગ અલગ ટેબલ પર જુગાર રમાડવામાં આવતો હતો. ચાર ટેબલ પર જુગારિયા જુગાર રમી રહ્યા હતા. પોલીસે અલગ અલગ પ્લાસ્ટિકના ર૮૩ કોઈન, રોકડ રૂ.ર.૯૧ લાખ, પત્તાંની કેટનાં બોક્સ, ૩૦ મોબાઇલ ફોન, છ ગાડી સહિત ૧૬ વાહન કબજે કર્યાં હતાં. કલબના માલિક ભરતભાઇ પટેલ હિસાબનાં નાણાં લઇ ગયા હોવાનું કલબના મેનેજર દીપક શાહે પોલીસને જણાવ્યું હતું. ઝડપાયેલા જુગારિયા પૈકી નિશિથ ખત્રી, મોહન રબારી, વસંત ધૂળાભાઇ પટેલ, અનિલ કૌશલ, યોગેશ શૈલી, બળવંત બારોટ, શંભુભાઇ દેસાઇ, રિતેશ પટેલ, દીપક શાહ અને રમેશ ઠાકોર પર જુગારના કેસ થઇ ચૂક્યા છે. હાલ પોલીસે તમામ સામે જુગાર ધારા મુજબ કેસ નોંધી આગળની કાર્યવાહી હાથ ધરી છે.

ઝડપાયેલા જુગારિયા
શંભુભાઇ માધવભાઇ દેસાઇ (રહે.બાપુકૃપા સોસા., ગુુુરુકુળ રોડ, વસ્ત્રાપુર), અમિતસિંહ રમેશસિંહ ચંદેલા (રહે. ડી-ટી-૧, રાજવી કોમ્પ્લેક્સ, ગુરુકુળ રોડ, વસ્ત્રાપુર), જયશીલ વિનોદભાઇ પટેલ (રહે.૧૮ મનીકમલ સોસા., સાલ હોસ્પિટલ પાસે, વસ્ત્રાપુર), અનિલ રતનકુમાર કૌશલ (રહે.એ-૧૦ર, સહજાનંદ હોમ, ન્યૂ રાણીપ), બળવંત રૂઘનાથભાઇ બારોટ (રહે. અરમાન બંગલોઝ, થલતેજ), દિલીપભાઇ જયંતીભાઇ શાહ (રહે. દેસાઇની પોળ, સરસપુર), પ્રકાશ કાંતિલાલ શાહ (અલ્ટીએસ-૩, સિંધુ ભવન, બોડકદેવ), કાંતિલાલ ભુદરભાઇ પટેલ (રહે. પરમયુગ વિલા, મેમનગર), રમેશકુમાર સત્યનારાયણ અગ્રવાલ (રહે.ગાલા લોટસ વિલા, સરખેજ), કિશોર કેદારસિંહ રાજપૂત (રહે. શાસ્ત્રીનગર, નારણપુરા), ધ્રુપલ ભાઇલાલભાઇ પટેલ (રહે. શ્યામ સત્તાધાર સોસા., ઘાટલોડિયા), નિશિત દલપતરામ ખત્રી (રહે. સાંદીપનિ વન, નવરંગપુરા), અલ્લારખાં ગુલામહુસેન શેખ (રહે. પાર્કલેન્ડ, સરખેજ), રણછોડભાઇ નાથાભાઇ પટેલ (રહે. શ્યામ શુકન રેસિ., ગાંધીનગર), ભાવિક રાજેન્દ્રભાઇ પટેલ (રહે. હરિહરાશ્રય બંગલો, થલતેજ), દેવરાજભાઇ નારણભાઇ દેસાઇ (રહે. ચાણક્યપુરી, ઘાટલોડિયા), અતુલભાઇ કાંતિલાલ પટેલ (રહે.હરિપાર્ક સોસા., નારણપુરા), યોગેશ રામસ્વરૂપ શૈલી (રહે. શ્યામપ્રીત રેસી., બોપલ), પંકજ હિંમતલાલ સોની (રહે. ત્રિશલા હોમ, હેબતપુર, સોલા), તુષારસિંહ ખેંગારસિંહ રાજપૂત (રહે. શાયોના બંગલોઝ, ઘાટલોડિયા), વસંત ધૂળાભાઇ પટેલ (રહે. નારાયણ બંગલોઝ, સોલા), અનિલ હરજી પાટીદાર (રહે. અક્ષત ટાવર, બોડકદેવ), રિતેશ એસ. પટેલ (રહે. પટેલવાસ, બોડકદેવ ગામ), મોહનભાઇ હરજીભાઇ રબારી (રહે. રબારીવાસ ગોતા ગામ), મહેશસિંગ રામકરણસિંગ સિંગ (રહે. પર્લ એપાર્ટ. શ્યામલ), ગિરીશભાઇ રતિલાલ ઠક્કર (રહે. રોઝવૂડ ટાવર, આનંદનગર), રમેશ કાનજી ઠાકોર (રહે. નારણપુરા, જૂના ગામ), હેમલ વસંતભાઇ શાહ (રહે. ચોરાવાળી માતાની પોળ, સરખેજ), આશિષ બાબુભાઇ પટેલ (રહે. સેન્ટોસા બંગલોઝ, ભાડજ), જગદીશ પ્રેમજીભાઇ ઝાલેરા (રહે. પટેલ વાસ, જોધપુર ગામ) સુનીલ ઉદેસિંગ ઠાકોર (રહે. નારણપુરા, જૂના ગામ) નો સમાવેશ થાય છે.
http://sambhaavnews.com/

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

7 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

7 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

8 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

8 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

8 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

8 hours ago