Categories: Health & Fitness

આંખોના થાકને કહો બાય-બાય

વર્તમાનમાં કમ્પ્યૂટર-મોબાઈલ વિના કામ કરવાનું લગભગ અશક્ય છે. કલાકો સુધી કમ્પ્યૂટર સામે બેસી રહેવાથી કે મોબાઈલનો સતત ઉપયોગ કરવાથી સૌથી વધુ નુકસાન આંખોને થાય છે. તેનાથી આંખોની સુંદરતા બગડવાની સાથે ચશ્માં આવવાં, ડ્રાયનેસ ફિલ થવું જેવી સમસ્યાઓ સર્જાય છે. આંખોની સુંદરતા જાળવી રાખવા માટે ટિપ્સ આપતા આઈ સ્પેશ્યિાલિસ્ટ ડૉ. ઉર્મિત શાહ કહે કે, “સતત ગેઝેટ્સના વપરાશથી આંખો નબળી પડે છે. કમ્પ્યૂટર પર કામ કરવાથી આંખોને થાક લાગવો, ધૂંધળું દેખાવું, માથાનો દુખાવો અને આંખોની આસપાસ ડાર્ક સર્કલ્સ પણ થાય છે. ડ્રાઈ આઈ સિન્ડ્રોમ પણ થઈ શકે, જેથી આંખોની કાળજી લેવી જરૂરી છે.”

અંધારામાં કામ ન કરો
કમ્પ્યૂટર કે મોબાઈલનાં વપરાશ વખતે અંધારામાં કામ ન કરો. ડીમલાઈટમાં પણ કામ ન કરો. રૂમની લાઈટ કમ્પ્યૂટરમાંથી નીકળતી લાઈટ કરતાં ઓછી ન હોવી જોઈએ. ડીમલાઈટના કારણે કમ્પ્યૂટર કે મોબાઈલમાંથી નીકળતાં કિરણો આંખોને વધુ નુકસાન કરી શકે છે.

કમ્પ્યૂટરથી આંખોનું અંતર
કામ કરતી વખતે ખુરશીની ઊંચાઈને કમ્પ્યૂટર મુજબ ગોઠવો. કમ્પ્યૂટરને તમારી આંખોથી ૩૦ સેમીના અંતરે રાખો.

પાંપણો પટપટાવતાં રહો
કામગીરી દરમિયાન પાંપણો સતત પટપટાવતાં રહો જેનાથી આંખોમાં ભીનાશ જળવાઈ રહેશે અને તે ડ્રાય નહીં થાય. લાંબા સમય સુધી આંખોને સ્થિર રાખવાથી તેમાંથી પાણી નીકળવા લાગે છે.

કામ દરમિયાન બ્રેક લો
જો તમે સતત એટલે કે કલાકો સુધી કમ્પ્યૂટર કે મોબાઈલનો વપરાશ કરી રહ્યા છો તો સમયાંતરે બ્રેક લેવાનું રાખો. દર ૩૦થી ૪૦ મિનિટ બાદ તમારાથી ૨૦ ફૂટ દૂર પડેલી વસ્તુ પર તમારી નજર ઠેરવો. એક કલાક સુધી કામ કર્યા બાદ કમ્પ્યૂટર સ્ક્રીન ૧૦ મિનિટ માટે બંધ કરી દો.

સ્વાસ્થ્યવર્ધક નાસ્તા લો
આંખોની સુંદરતા અને તેજ જાળવી રાખવા ખોરાકમાં વિટામિન એ, ઈ અને સી લો. દૂધ-દૂધની બનાવટો, લીલાં શાકભાજી, ઈંડાં, પપૈયું, ગાજર વગેરે વિટામિનના સ્ત્રોત છે. તેનો ખોરાકમાં ભરપૂર ઉપયોગ કરો. કામ દરમિયાન પણ સ્વસ્થ અને વિટામિનયુક્ત હેલ્ધી નાસ્તા લેતા રહો.

આંખોની કસરત
સતત કામથી આંખોને થાક લાગે છે. કામ દરમિયાન આંખોને વ્યાયામ આપો. હથેળી અને આંગળીઓની મદદથી આંખોને બંધ કરીને તેનાં પર માલિશ કરો. વચ્ચેવચ્ચે આંખોની કીકીને ચારે બાજુ ફેરવો. આંખમાં પાણીનો છંટકાવ પણ કરતા રહો. આંખોની સુંદરતા જાળવી રાખવા પૂરતી ઊંઘ જરૂરી છે. આઠેક કલાકની નિશ્ચિત ઊંઘ લો. બ્યુટી પ્રોડક્ટસનો વપરાશ આંખ માટે કરો ત્યારે ગુણવત્તાયુક્ત પ્રોડક્ટ્સ જ વાપરો. નિયમિત રીતે આંખોની તબીબ પાસે ચકાસણી કરાવો.

સોનલ અનડકટ

Navin Sharma

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

16 mins ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

48 mins ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

1 hour ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

1 hour ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

1 hour ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

3 hours ago