Categories: Gujarat

સરસપુર-રખિયાલ મેલેરિયાગ્રસ્તઃ ત્રણ મહિનામાં ૧૩ર સત્તાવાર કેસ

અમદાવાદ: અમદાવાદમાં મચ્છરજન્ય રોગચાળાનો ઉપદ્રવ વધ્યો છે. સામાન્ય રીતે ઉનાળામાં મચ્છરોનો ત્રાસ ઓછો હોય છે તેમ છતાં હજુ સુધી શહેર સ્વચ્છ બન્યું ન હોઇ ધોમધખતા તાપમાં પણ મચ્છર કરડી જાય છે. કોર્પોરેશનના ચોપડે મેલેરિયાના સત્તાવાર કેસની વોર્ડ વાઇઝ વિગત જો તપાસીએ તો ઉત્તર ઝોનના સરસપુર, રખિયાલ વોર્ડમાં મેલેરિયાએ કાળો કેર વર્તાવ્યો છે.

ગત તા.૧ જાન્યુઆરી, ર૦૧૭થી તા.૮ એપ્રિલ, ર૦૧૭ સુધીમાં આ વોર્ડમાં મેલેરિયાના કુલ ૧૩ર સત્તાવાર કેસ નોંધાઇ ચૂક્યા છે. ખાનગી દવાખાનાં અને ખાનગી હોસ્પિટલોના કેસ તંત્રના ચોપડે ચડતા ન હોઇ બિનસત્તાવાર આંક તો સવા બસો જેટલો થાય છે.

તાજેતરમાં અમદાવાદ સહિત સમગ્ર જગતમાં વિશ્વ મેલેરિયા દિવસની ઉજવણી કરાઇ. મેલેરિયાની નાબૂદી માટે કોર્પોરેશનની તિજોરીમાંથી દર વર્ષે કરોડો રૂપિયા ખર્ચાઇ રહ્યા છે. તંત્ર દ્વારા વર્ષોથી ખાસ મેલેરિયા વિભાગનું ગઠન કરાયું છે. તેમ છતાં કડવી વાસ્તવિકતા એ છે કે અમદાવાદમાં બારેમાસ મચ્છરોનો ઉપદ્રવ છે. આના માટે ફોગિંગની ખામી કારણભૂત છે. મચ્છરોને ભગાડવા છંટાતો જંતુનાશક પાઉડર હવે અસરકારક રહ્યો નથી. આની સાથે સાથે શહેરમાં ઠેર ઠેર જોવા મળતી ગંદકીના ઢગલા પણ જવાબદાર છે.

કોર્પોરેશનના ચોપડે ગત તા.૧ જાન્યુ., ર૦૧૭થી તા.૮ એપ્રિલ, ર૦૧૭ સુધીમાં મેલેરિયાના કુલ ૯૮૮ કેસ નોંધાયા છે. આ સમયગાળામાં આટલી મોટી સંખ્યામાં કેસ આઘાતજનક હોઇ ખુદ મ્યુનિસિપલ સત્તાવાળાઓએ ગુજરાત યુનિવર્સિટી ખાતે મચ્છરજન્ય રોગચાળાના સંદર્ભમાં ઓપરેશનલ રિસર્ચ કામગીરી શરૂ કરવા એમઓયુ કર્યા છે. વિશ્વ મેલેરિયા દિવસ નિમિત્તે બાપુનગર, ગોમતીપુર, વિરાટનગર, ઇન્દ્રપુરી, ગોતા, શાહીબાગ, સ્ટેડિયમ વોર્ડમાં જનજાગૃતિ કાર્યક્રમનું પણ કોર્પોરેશન દ્વારા આયોજન કરાયું હતું.

હવે જો તંત્રના સત્તાવાર રિપોર્ટને વોર્ડ વાઇઝ તપાસીએ તો મચ્છરજન્ય રોગચાળાના પાંચ મુખ્ય વોર્ડમાં સરસપુર-રખિયાલ ૧૩ર કેસ સાથે પ્રથમ ક્રમાંકે, અમરાઇવાડી ૮૪ કેસ સાથે બીજા, વટવા ૮૩ કેસ સાથે ત્રીજા, બાપુનગર ૭૭ કેસ સાથે ચોથા અને ગોમતીપુર ૬પ કેસ સાથે પાંચમા ક્રમે આવે છે, જ્યારે ઝોન વાઇઝ કેસની વિગત જોતાં દક્ષિણ ઝોનમાં સૌથી વધુ ૩૧ર કેસ, પૂર્વ ઝોનમાં ૩૧૦ કેસ અને ઉત્તર ઝોનમાં ર૯૭ કેસ નોંધાયા છે. નવા પશ્ચિમ ઝોનમાં સૌથી ઓછા એટલે કે ફક્ત બે કેસ અને પશ્ચિમ ઝોનમાં ૧૬ કેસ ચોપડે ચડ્યા છે. કોટ વિસ્તારનો સમાવેશ ધરાવતા મધ્ય ઝોનમાં પણ મચ્છરજન્ય રોગચાળાના કેસ ફક્ત પ૧ છે.
http://sambhaavnews.com/

divyesh

Recent Posts

દેશદ્રોહના કેસમાં જેએનયુના કનૈયાકુમાર, ઉમર સહિત નવ વિરુદ્ધ ચાર્જશીટ દાખલ

નવી દિલ્હી: જવાહરલાલ નહેરુ યુનિવર્સિટી (જેએનયુ)માં ૯ ફેબ્રુઆરી, ર૦૧૬ના રોજ લગાવવામાં આવેલા દેશવિરોધી સૂત્રોચ્ચાર અને નારાબાજીના કેસમાં દિલ્હી પોલીસના સ્પેશિયલ…

20 hours ago

મહાનિર્વાણી-અટલ અખાડાના શાહીસ્નાન સાથે બ્રાહ્મમુહૂર્તમાં કુંભમેળાનો ભવ્ય પ્રારંભ

પ્રયાગરાજ: તીર્થરાજ પ્રયાગમાં ૪૯ દિવસ માટે ચાલનારા કુંભમેળાનો આજે સવારે બ્રાહ્મમુહૂર્તમાં ભવ્ય પ્રારંભ થયો છે. ગંગા નદીના સંગમતટ પર શ્રી…

20 hours ago

કર્ણાટક ભાજપના ધારાસભ્યોના ગુરગ્રામમાં ધામા, કોંગ્રેસ-જેડીયુના ૧૩ MLA ગાયબ

બેંગલુરુ: વિધાનસભા ચૂંટણીના લગભગ સાત મહિના બાદ કર્ણાટકમાં ફરી એક વખત સત્તાનું નાટક શરૂ થઈ ગયું છે. રાજ્યમાં સત્તારૂઢ કોંગ્રેસ-જેડીએસ…

20 hours ago

દુબઈના શાસકની ગુમ પુત્રીને સોંપવાના બદલામાં ભારતને મળ્યો મિશેલઃ રિપોર્ટ

લંડન: અગસ્તા વેસ્ટલેન્ડ હેલિકોપ્ટર સોદાના આરોપી ક્રિિશ્ચયન મિશેલના પ્રત્યર્પણની અવેજીમાં ભારતે સંયુક્ત આરબ અમિરાતના શાસકને તેમની ગુમ થયેલી પુત્રી સોંપવી…

20 hours ago

ખોટા રન-વેના કારણે ઈરાનમાં સેનાનું કાર્ગો પ્લેન ક્રેશ થયુંઃ 15નાં મોત

તહેરાન: ઈરાનની રાજધાની તહેરાન પાસે સેનાનું એક કાર્ગો પ્લેન ક્રેશ થઈ ગયું હતું. આ વિમાનમાં લગભગ ૧૦ લોકો સવાર હતા.…

20 hours ago

કમુરતાં પૂરાંઃ આજથી હવે લગ્નની સિઝન પુરબહારમાં

અમદાવાદ: હિંદુ સમુદાયમાં લગ્ન સહિતનાં શુભ કાર્ય માટે વર્જિત ગણવામાં આવતાં કમુરતાં ગઇ કાલે ૧૪ જાન્યુઆરીએ હવે પૂરાં થયાં છે.…

20 hours ago