Categories: Dharm

તમામ સંકટમાંથી ઉગારનાર સંકટ ચતુર્થી

ભગવાન શિવે તો ચાંદનીનું સૌંદર્ય વેરીને સૃષ્ટિને પ્રમુદિત કરનાર ચંદ્રદેવને મસ્તકે સ્થાન આપ્યું. એ ચંદ્રનો અંશ ગણપતિના મસ્તકે પણ શોભે છે, તેથી જ ગણપતિ વ્રતમાં ચંદ્રદર્શનનો મહિમા છે. ગણેશચોથની ચંદ્રરેખાનું દર્શન તો મંગળકારી છે. અધખીલી પુષ્પકળીનું સૌંદર્ય મોહક બની રહે છે, તેમ વક્ર તેજરેખાનું ક્ષણિક દર્શન પણ આંખને ઝળકાવી જાય છે, ગણપતિના ભક્તિ-સૌંદર્યની અનુભૂતિ કરાવી દે છે. ચતુર્થીના અપૂર્ણ ચંદ્રનું દર્શન માણતાં માણતાં પૂર્ણતા તરફ જઇ શકાય, પૂર્ણચંદ્ર-પૂર્ણ પરમાત્માને પામી શકાય. શુક્રવારે વરદા ચતુર્થી નિમિત્તે જાણો તેનું મહત્વ.
ભગવાન શંકર તથા માતા પાર્વતીના પુત્રનું નામ છે ગણેશજી.ગણેશજીનું એક નામ છે વિઘ્નહર્તા. આ ગણપતિ મહારાજ તેમના ભક્તોનાં તમામ પ્રકારનાં દુઃખ દૂર કરે છે. તેમને ચોથ ખૂબ પ્રિય છે. તેમનો પ્રિય વાર છે મંગળવાર. તેમનો પ્રિય માસ છે ભાદરવો. તેમને જાસૂદનું લાલચટ્ટક પુષ્પ તથા સફેદ દૂર્વા ખૂબ પ્રિય છે.
તેમનું વાહન મૂષક છે. તેમનો પ્રિય આહાર કે ભાવતું ભોજન મોદક છે. સુદ તથા વદ ચોથ મહિના દરમિયાન બે વખત આવે છે. સુદ ચોથને વિનાયક ચોથ તથા વદ ચોથને સંકષ્ટી ચોથ કહે છે. મંગળવારને સુદમાં આવતી વિનાયક ચોથને અંગારકી વિનાયક ચતુર્થી
કહે છે. વદમાં મંગળવારે આવતી ચોથને અંગારકી સંકષ્ટી ચતુર્થી કહે છે.
ચોથનો ચંદ્ર ઊગે ત્યારે પ્રાતઃકાળે ઊઠી પ્રાતઃકર્મો પતાવી દેવસેવા, ગણેશસેવા કરી લેવી. ગણેશજીનાં ૨૧ નામનો જાપ ૨૧ વખત કરવો. ગણેશઅથર્વશીર્ષનો પાઠ કરવો. ૐ ગં ગણપતયૈ નમઃ મહામંત્રની ૩, ૫ કે સાત માળા કરવી. તેમને મોદકનો પ્રસાદ ધરાવવો, ગોળ ઘી પણ ધરાવી શકાય. આમ કરવાથી તેઓ પ્રસન્ન થાય છે. જો કોઈ ગણેશ ભક્ત સુદ તથા વદમાં આવતી બંને ચોથ કરે, નિયમિત જીવન જીવે, ભક્તિથી તેમના સ્તવન ગાય તો ગણેશજી જે તે ભક્ત ઉપર ખૂબ પ્રસન્ન રહે છે. તેનાં વિઘ્ન દૂર કરે છે. ગણેશ ભક્તો પર બહુધા સંકટ આવતાં નથી. જો આવે તો ગણેશજી કૃપાથી તે સંકટ ભાગી જાય છે. કારણ કે ગણેશજીનું નામ જ વિઘ્નહર્તા છે. જો કોઈ ગણેશ ભક્ત દરરોજ અથવા પ્રત્યેક ચોથના દિવસે ગણેશજીને લાલ પાકું દાડમ ધરાવે તો ગણેશજી રાજીના રેડ થઈ જાય છે. તેઓ ખૂબ દયાળુ છે. તેમનામાં મા પાર્વતી તથા ભોળા મહાદેવ શિવજીના ગુણ ઠાંસી ઠાંસીને ભરેલા છે. તેથી તેઓ તેમના ભક્તો પર સંકટ આવવા દેતા નથી.
ગણેશજીના બે પુત્ર છે. એકનું નામ છે લાભ તથા બીજાનું નામ છે શુભ. લાભ અને શુભનો જ્યાં નિવાસ હોય ત્યાં દુઃખ આવતાં જ નથી. ગણેશજીનાં બે પત્ની છે. એક છે રિદ્ધિ તો બીજાં છે સિદ્ધિ. આ બે દેવીનો જ્યાં વાસ હોય ત્યાં આધિ, વ્યાધિ, ઉપાધિ આવતાં નથી. આમ ગણેશજી સહિત તેમનો પૂરો પરિવાર ખૂબ સિદ્ધિપ્રદ છે. જો તમને ગરીબી ઉપર નફરત હોય, દરિદ્રતા તમને ગમતી ન હોય તો ગણેશ ઉપાસના શરૂ કરો. ગણેશજી તમારાં તમામ દુઃખ ચપટી વગાડતાં દૂર કરી દેશે.
જો કોઈ ભક્ત ગણેશ ચોથને દિવસે સફેદ દૂર્વાની ૨૧ ૨૧ નંગની ૨૧ ઝૂડી કરી તેમના ઉપર ચડાવે તો તે ભક્ત ઉપર ગણેશજી ખૂબ પ્રસન્ન રહે છે. તેનાં તમામ પ્રકારનાં દુઃખ દૂર કરે છે. જો તમારે અપાર રિદ્ધિ, સિદ્ધિ પ્રાપ્ત કરવાં હોય તો ગણેશજી ઉપાસના કરો. જુઓ તમને ફક્ત છ મહિનામાં અણધાર્યા લાભ દેખાશે.
•શાસ્ત્રી હિમાંશુ  વ્યાસ

divyesh

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

6 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

7 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

7 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

7 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

7 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

9 hours ago