Categories: India

સપાના ઝઘડાનો ફાયદો ભાજપનેઃ સીએમ માટે અખિલેશની પસંદગી

નવી દિલ્હી: ઉત્તર પ્રદેશમાં સમાજવાદી પાર્ટી પરિવારમાં થયેલી યાદવાસ્થળીનો સીધો ફાયદો ભાજપને થઈ શકે છે. તાજેતરમાં ન્યૂઝ ચેનલ એબીપી ન્યૂઝ – સિસરો દ્વારા ઉત્તર પ્રદેશમાં હાથ ધરવામાં આવેલા એક સર્વેમાં સમાજવાદી પાર્ટીમાં મુખ્યપ્રધાન અખિલેશ યાદવ અને તેમના કાકા શિવપાલ યાદવ વચ્ચે થયેલ તકરારનો ફાયદો ભાજપને થઈ રહ્યો હોવાનું જણાવાયું છે. જોકે સીએમના ઉમેદવાર તરીકે અખિલેશ યાદવ પ્રથમ પસંદ બનીને બહાર આવ્યા છે.

એબીપી ન્યૂઝ-સિસરો દ્વારા ૨૬-૨૮ ઓક્ટોબર દરમિયાન પાંચ વિધાનસભા બેઠક પર કુલ ૧૫૦૦ લોકોને આવરીને એક સર્વેક્ષણ હાથ ધરવામાં આવ્યું હતું. જ્યારે લોકોને એવું પૂછવામાં આવ્યું કે સપાના આંતરિક વિખવાદનો ફાયદો કોને થશે ? ત્યારે આ પ્રશ્નના જવાબમાં ૩૯ ટકા લોકોએ જણાવ્યું હતું કે તેનો સૌથી મોટો ફાયદો ભાજપને થશે. જ્યારે ૨૯ ટકા લોકોએ સપા પરિવારના ઝઘડાનો ફાયદો માયાવતીના બસપાને થશે એવું જણાવાયું હતું. કોંગ્રેસ માટે ઉત્તર પ્રદેશમાં સ્થિતિ કફોડી હોવાનું બહાર આવ્યું છે. આ સવાલના જવાબમાં માત્ર ૬ ટકા લોકોએ એવું જણાવ્યું હતું સપાના ઝઘડાનો ફાયદો કોંગ્રેસને થશે.

સપામાં આંતરિક વિખવાદ વચ્ચે પણ અખિલેશ યાદવની ઈમેજમાં સુધારો થયો છે. આગામી મુખ્યપ્રધાન કોણ હોવા જોઈએ? એવા પ્રશ્નના જવાબમાં ૩૧ ટકા લોકોએ અખિલેશ પર પસંદગી ઉતારી હતી. જ્યારે ૨૭ ટકા લોકોએ પૂર્વ મુખ્યપ્રધાન માયાવતીને સીએમ તરીકે પસંદ કર્યાં હતાં અને ભાજપના યોગી આદિત્યનાથને ૨૪ ટકા લોકોએ સીએમ તરીકે પસંદ કર્યા હતા.

જ્યારે સર્વેક્ષણ લોકોને એવું પૂછવામાં આવ્યું કે ઉત્તર પ્રદેશના રાજકીય ભૂકંપ માટે આ ઝઘડાનાં મૂળમાં કોણ છે ત્યારે ૪૩ ટકા લોકોએ જણાવ્યું હતું કે આ ઝઘડાનું મૂળ શિવપાલસિંહ યાદવ છે. ૧૫ ટકા લોકોએ આ માટે અમરસિંહને જવાબદાર ગણાવ્યા હતા અને માત્ર ત્રણ ટકા લોકોએ રામગોપાલ યાદવને જવાબદાર ગણાવ્યા છે. સપાના આંતરિક ઝઘડાથી કોની છબીને નુકસાન પહોંચ્યું છે તેવા પ્રશ્નના જવાબમાં ૩૦ ટકા લોકોએ સપાના ઝઘડાના કારણે પક્ષના સુપ્રિમો મુલાયમસિંહ યાદવની છબીને ભારે નુકસાન પહોંચ્યું હોવાનું જણાવ્યું હતું.

divyesh

Recent Posts

વ્યાજની વસૂલાત માટે યુવકને 31 કલાક ગોંધી રાખી ઢોર માર માર્યો

(પ્રતિનિધિ દ્વારા અમદાવાદ: શહેરના માધુપુરા વિસ્તારમાં રૂપિયાની લેતી દેતી મામલે વાહનોની લે વેચ કરતા યુવકનું અપહરણ કર્યા બાદ ૩૧ કલાક…

12 hours ago

1960 પછી ગુજરાતમાં પ્રથમ વાર કોંગ્રેસ વર્કિંગ કમિટીની બેઠક યોજાશે

(અમદાવાદ બ્યૂરો) અમદાવાદ: છેક વર્ષ ૧૯૬૦માં કોંગ્રેસની વર્કિંગ કમિટીનું આયોજન ગુજરાતમાં કરાયું હતું ત્યાર બાદ હવે ઓલ ઈન્ડિયા કોંગ્રેસની વર્કિંગ…

13 hours ago

અમદાવાદમાં AMTS બસથી રોજ એક અકસ્માત

(અમદાવાદ બ્યૂરો) અમદાવાદ: તાજેતરમાં અમદાવાદ મ્યુનિસિપલ ટ્રાન્સપોર્ટ સર્વિસના સત્તાવાળાઓ દ્વારા એએમટીએસ બસમાં પેસેન્જર્સનો વિશ્વાસ વધે અને ખાસ કરીને અકસ્માતની ઘટનાઓનું…

13 hours ago

એસટીના કર્મચારીઓ આજ મધરાતથી હડતાળ પર જશે

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ આજે મધરાતથી હડતાળ પર ઉતરી જશે. જેના કારણે આજે મધરાતથી રાજ્યભરની સાત હજારથી…

13 hours ago

ધો.11ની વિદ્યાર્થિનીને કારમાં આવેલા બુકાનીધારી શખસો ઉઠાવી ગયા

(પ્રતિનિધિ દ્વારા) અમદાવાદ: જુહાપુરામાં રોયલ અકબર ટાવર નજીક ધોરણ ૧૧મા ભણતી વિદ્યાર્થીનીને ગત મોડી રાત્રે ઇકો કારમાં આવેલા ત્રણ અજાણ્યા…

13 hours ago

દિલ્હી-NCRમાં ભૂકંપના ઝટકાઃ 3.9ની તીવ્રતા, UPનું બાગપત હતું કેન્દ્ર

(એજન્સી) નવી દિલ્હી: રાજધાની દિલ્હી સહિત એનસીઆરના ક્ષેત્રમાં બુધવારે સવારે ભૂકંપના ઝટકા અનુભવાયા. રિક્ટર સ્કેલ પર ભૂકંપની તીવ્રતા ૩.૯ હતી.…

13 hours ago