Categories: Business Trending

રૂપિયાના ધોવાણથી પેટ્રો-સોના-ચાંદી સહિત અનેક સેક્ટર પર અસર

અમદાવાદ: રૂપિયામાં તોફાની ઘટાડાની ચાલ જોવા મળી રહી છે. છેલ્લા કેટલાક દિવસમાં ક્રૂડમાં જોવા મળેલા ઉછાળાના પગલે ડોલરના વધતા ખરીદીના આકર્ષણની અસરથી રૂપિયો સતત તૂટી રહ્યો છે. ચાલુ કેલેન્ડર વર્ષમાં રૂપિયો ૫.૬૮ ટકા તૂટી ચૂક્યો છે. ચાલુ વર્ષમાં રૂપિયો એક તબક્કે ૬૮ની સપાટી પણ ક્રોસ કરી દીધી હતી.

બજારના જાણકારોના જણાવ્યા પ્રમાણે ક્રૂડમાં જોવા મળી રહેલા ઉછાળા તથા વિદેશી રોકાણકારો દ્વારા રોકાણ પાછું ખેંચાતા રૂપિયો સતત ધોવાઇ રહ્યો છે અને તેના કારણે કેટલાય સેક્ટરને અસર થશે તેવી ભીતિ સેવાઇ રહી છે.

• પેટ્રોલિયમ સેક્ટરઃ
ડોલર સામે રૂપિયાે પાછલા પાંચ મહિનામાં જે રીતે તૂટ્યો છે તેની સૌથી વધુ અસર પેટ્રોલિયમ સેક્ટર પર જોવા મળી છે. સરકારી ઓઇલ કંપનીઓએ પેટ્રોલ અને ડીઝલના ભાવમાં ઝડપથી વધારો કર્યો છે અને તેના કારણે સામાન્ય લોકોના બજેટ ઉપર પણ તેની અસર જોવા મળી છે. તો બીજી બાજુ પેટ્રોલિયમ કંપનીઓ દેવા-બોજા હેઠળ દબાઇ છે અને તેના કારણે પીએસયુ સહિત અન્ય ઓઇલ કંપનીઓના શેરના ભાવમાં પણ ઘટાડાની ચાલ જોવા મળી છે.

• સોના-ચાંદી બજારઃ
રૂપિયાે જે રીતે ધોવાયો છે તેને જોતાં સોના-ચાંદી બજારમાં પણ તેની અસર થશે. ચાંદીના ભાવમાં ચાલુ કેલેન્ડર વર્ષમાં રૂ. ૧,૫૦૦નો વધારો જોવાઇ ચૂક્યો છે. એ જ પ્રમાણે સોનાના ભાવમાં પણ રૂ. ૧,૭૦૦નો વધારો નોંધાઇ ચૂક્યો છે. રૂપિયામાં ઘટાડાના પગલે સોના-ચાંદીના બજારમાં પણ માગમાં ઘટાડો નોંધાયો હોવાનો મત બજારના જાણકારો દ્વારા વ્યક્ત કરાયો છે.

• ઓટો સેક્ટરઃ
દેશમાં ઓટોમોબાઇલ સેક્ટરનો ગ્રોથ ખૂબ જ ઝડપથી થઇ રહ્યો છે. કેટલાક ઓટો કોમ્પોનન્ટ્સની મોટા પ્રમાણમાં આયાત થાય છે. રૂપિયાની નરમાઈની ચાલના પગલે ઓટો સેક્ટરને સીધી અસર થશે તેવી ભીતિ નિષ્ણાતો દ્વારા વ્યક્ત કરાઇ રહી છે. ખાસ કરીને પેસેન્જર કાર અને હેવી ડ્યૂટી મોટર વિહિકલ મેન્યુફેક્ચરિંગ કંપનીને સીધી અસર થશે. આમ, રૂપિયાની નરમાઇ ઓટો કંપનીઓની મુશ્કેલીઓ વધારશે.

• ટેક્સટાઈલ સેક્ટરઃ
રૂપિયામાં નોંધાયેલા ધોવાણના પગલે કૃત્રિમ યાર્નના ભાવમાં પાંચથી સાત ટકાનો વધારો નોંધાયો છે. તેના કારણે કાપડ સહિત તૈયાર વસ્ત્રોના ભાવ પણ ઝડપથી વધ્યા છે. નિકાસને અસર થવાની દહેશત ટેક્સટાઇલ સેક્ટરના નિષ્ણાતો દ્વારા વ્યક્ત કરાઇ છે.

• પાવર સેક્ટરઃ
પાવર કંપનીઓનો આયાત ખર્ચ વધશે. બીજી બાજુ પાવર કંપનીઓ ગ્રાહકો ઉપર ઝડપથી આર્થિક બોજો લાદી શકતી નથી. પાવર કંપનીઓ મોટા ભાગના પાર્ટ્સની પણ આયાત કરે છે. પાવર સેક્ટરમાં પણ નકારાત્મક અસર જોવાઇ શકે છે.

• રિયલ્ટી સેક્ટરઃ
સરકારે છેલ્લા કેટલાક સમયથી રિયલ્ટી સેક્ટર તેમાં પણ ખાસ કરીને એફોર્ડેબલ હાઉસિંગ સેક્ટરને રાહત મળે તે રીતે પગલાં લીધાં છે, પરંતુ દેવાના બોજા હેઠળ દબાયેલું રિયલ્ટી સેક્ટર રૂપિયાની નરમાઇના કારણે સૌથી વધુ પ્રભાવિત થયું છે. આરબીઆઇએ તાજેતરમાં વધારો કર્યો છે તો બીજી બાજુ માગ પણ નીચી છે. તેથી રિયલ્ટી સેક્ટરમાં પણ અસર જોવાશે.

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

2 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

2 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

2 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

2 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

4 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

4 hours ago