Categories: India

બેંગ્લોર જેલમાં શશિકલા માટે નિયમો મૂકયા નેવે, 31 દિવસમાં 28 લોકોને મળ્યા

બેંગ્લોરઃ AIADMK લિડર વી.કે શશિકલા ગેરકાયદેસર સંપતિના કેસમાં 4 વર્ષની સજા કાપી રહ્યાં છે. ત્યારે 31 દિવસમાં તેઓ 28 લોકોને જેલમાં મળી ચૂક્યાં છે. કર્ણાટક જેલ મેન્યુઅલ અને કર્ણાટક જેલ નિયમ પ્રમાણે જેલમાં 15 દિવસે એક વખત જ કેદીને તેના મિત્રો, સગાસંબધી અને વકિલને  જેલ ઓફિસમાં મળવા દેવામાં આવે છે. પરંતુ કેદીન નંબર 9234 શશિકલા માટે આ નિયમો લાગુ પડતાં નથી.

ફેબ્રુઆરીની 16 તારીખથી 18 માર્ચ સુધીના સમયમાં શશિકલા 28 લોકોને જેલની અંદર મળ્યા છે. જેઓ અંદાજે 40 મિનિટ સુધી મુલાકાતીને મળ્યા હોવાનું રેકોર્ડ છે. અહીં જેલના નિયમને નેવે મૂકીને ખાસ જગ્યા પર શશિકલાને તેના મુલાકાતીઓને મળવા દેવાની છૂટ આપવામાં આવી રહી હોવાનું જેલ સૂત્રો તરફથી જાણવા મળ્યું છે.

જો કે આ મામલે કર્ણાટક જેલના ડી.જી. સત્યનારાયનન રાવે જણાવ્યું  છે કે કોઇ પણ પ્રકારની ખાસ સુવિધા શશિકલાને આપવામાં આવી રહી નથી. શશિકલાને મળનાર મુલાકાતીઓમાં AIADMKના ડેપ્યુટી જનરલ સેક્રેટરી અને ચૈન્નઇના આર.કે નાગર, ટીટીવી દીનાકરન, લોકસભાના ડેપ્યુટી સ્પિકર એમ. થામ્બીદૂરાઇ, પાર્ટીના અન્ય કેટલાક સભ્યો અને આંધ્રપ્રદેશના MLC પણ શશિકલાને મળવા આવ્યા હતા. જેલ રેકોર્ડ પ્રમાણે દીનાકરન શશિકલાને 20 ફેબ્રુઆરી અને 8 માર્ચના રોજ મળવા આવ્યા હતા. જેમણે બંને વખત 45 મિનિટનો સમય લીધો હતો. નિયમ પ્રમાણે કેદી 10 મિનિટથી વધારે પોતાના સગાસંબધી, મિત્ર કે વકિલને મળી શકે નહીં. પરંતુ શશિકલાના ભાણીયા વિવેક જયરામન અને કે. કાર્તિકેયન તેમજ તેમના વકિલ તેમને સરળતાથી મળી શકે છે.

રેકોર્ડ પ્રમાણે એમપી અને તેલુગુ દેશનમ પાર્ટી MLC મુગુનટ્ટા શ્રીનીવાસલ્યુ રેડ્ડી શશિકલાને 1 માર્ચે  મળ્યા હતા. મળતી માહિતી મુજબ તમિલનાડુમાં વ્યવસાય સંદર્ભે વાતચીત માટે તેઓ શશિકલાને જેલની અંદર 20 મિનિટ માટે મળ્યા હતા. આ સિવાય પણ શશિકલાને અનેક સંબંધી, મિત્રો અને વકિલ  જેલની અંદર અનેક વખત મળવા જઇ ચૂક્યા છે. http://sambhaavnews.com/

Navin Sharma

Recent Posts

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

7 mins ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

16 mins ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

19 mins ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

19 mins ago

પત્રકાર મર્ડર કેસમાં આજે રામરહીમને સજા સંભળાવાશે

ચંડીગઢ: પંચકુલાની સીબીઆઈ કોર્ટ આજે પત્રકાર રામચંદ્ર છત્રપતિ મર્ડર કેસમાં ડેરા સચ્ચા સૌદા પ્રમુખ ગુરમિત રામરહીમ સહિત અન્યને સજા સંભળાવશે.…

32 mins ago

34 દિવસ બાદ મેઘાલયની ખાણમાંથી એક મજૂરનો મૃતદેહ મળ્યોઃ ૧૪ માટે સર્ચ જારી

શિલોંગ: મેઘાલયના પૂર્વીય જયંતિયા હિલ્સ જિલ્લામાં આવેલ ગેરકાયદે કોલસાની ખાણમાં ફસાયેલા ૧૫ મજૂરો માટે હાથ ધરાયેલા સર્ચ ઓપરેશનના ૩૪મા દિવસે…

35 mins ago