નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો)
અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે કડક પગલાં લેવાનું શરૂ કર્યું છે. આવા નંબર પ્લેટ વગર ફરતા તમામ વાહનોના ડેટા આરટીઓએ હવે મેળવી લીધા છે. આરટીઓને જાણવા મળ્યું છે કે શહેરની સડકો ઉપર આવા ૧૦૦૦થી વધુ વાહનો નંબર પ્લેટ વગર બેફામ સ્પીડે કે કાળી ફિલ્મ લગાવીને બેરોકટોક ફરી રહ્યા છે. આવા વાહનો પર હવે આરટીઓ કડક હાથે કામ લેશે એટલું જ નહીં તેના માટે ડીલરને પણ જવાબદાર ગણશે.

રાજ્ય સરકારે આરટીઓને બદલે શો રૂમ ધારકો વાહનોનાં રજિસ્ટ્રેશન અંગેની કામગીરી અને તે અંગેના કાગળો કે ડોક્યુમેશનની જવાબદારી સોંપી છે. તેમજ તેમને ડિમ્ડ આરટીઓની પણ માન્યતા આપી છે. ત્યારે શો રૂમમાં વાહન ખરીદ્યા પછી તે અંગે નંબર મેળવી નોંધ કરાવવા માટે આરટીઓમાં પ્રત્યક્ષ નહીં આવનાર વાહન માલિકો અંગે અમદાવાદ આરટીઓ દ્વારા ડીલરને જાણ કરીને કાર્યવાહી કરવામાં આવશે, પરંતુ તે પહેલાં વાહન માલિકોને પકડી પાડવા જ્યાં ત્યાં રજિસ્ટર્ડ થયેલા ડીલરોને નોટિસ મોકલવાનું શરૂ કરાયું છે.

આવા વાહનોમાં ટ્રકથી લઈને ટુ વ્હીલર સુધીનાં તમામ પ્રકારનાં વાહનો હોવાનું આરટીઓ એસપી મુનિયાએ જણાવ્યું હતું. વધુમાં તેમણે કહ્યું હતું કે આવા વાહનોને અકસ્માત વીમો મળશે નહીં. આવાં વાહનો ગુનાહિત પ્રવૃત્તિ માટે પણ વપરાઈ શકે તેવી શક્યતા હોવાથી કડક હાથે કામ લેવાશે.

નંબર વગર ફરતાં વાહનોના માલિકો કોઈ પણ પ્રકારના કર વગર બેફામ સ્પીડે વાહન ચલાવતા જોવા મળ્યાની ફરિયાદો અવારનવાર તંત્રને મળતી રહે છે. આવા વાહન માલિકો એપ્લાઈડ ફોર રજિસ્ટ્રેશનનો સાદો કાગળ વાહન પર ચોંટાડીને બ્લેક ફિલ્મ પણ લગાવીને ટ્રાફિકમાં નિયમોનું ઉલ્લંઘન કરતા હોય છે.

પહેલાં આવાં વાહનોના મેન્યુઅલ રેકોર્ડ રાખવામાં આવતા હતા. તેથી તેની માહિતી મેળવવામાં સમય લાગતો હતો. તેથી આવાં વાહનો ગુનાહિત પ્રવૃત્તિઓમાં વપરાતાં હોવાની પણ શંકા હતી. હવે વાહન-૪ સોફ્ટવેરના કારણે વાહન રજિસ્ટ્રેશનના સ્પષ્ટ આંક આરટીઓ પાસે છે. શો રૂમમાંથી વાહન ખરીદ્યા પછી તેનું આરટીઓમાં રજિસ્ટ્રેશન કરાવ્યા વગર વાહન ફરશે તો આરટીઓ તેને ઝડપી લેશે.

divyesh

Recent Posts

મતદારોનાે ફેંસલો EVMમાં કેદ, 26 બેઠક પર શાંતિપૂર્ણ મતદાન

ગુજરાતમાં ત્રીજા તબક્કાની ર૬ લોકસભા બેઠકો અને વિધાનસભાની ૪ બેઠકોની પેટાચૂંટણી માટે સવારના ૭ વાગ્યાથી મતદાન શરૂ થયું છે. રાજ્યનાં…

21 hours ago

આતંકવાદીઓનાં શસ્ત્ર IED કરતાં મતદારોનું વોટર આઈડી વધુ શક્તિશાળી: PM મોદી

શ્રીલંકામાં થયેલા આતંકવાદી હુમલાએ સમગ્ર દુનિયાને હચમચાવી નાખી હોઇ આતંકવાદ જેવી વૈશ્વિક સમસ્યાને વિશ્વની સૌથી મોટા લોકશાહી દેશ ભારતના મતદાન…

21 hours ago

ત્રીજા તબક્કાની 117 બેઠક પર મતદાન : રાહુલ, મુલાયમ, શાહ સહિતના દિગ્ગજોનાંં ભાવિનો ફેંસલો

લોકસભા ચૂંટણીના ત્રીજા તબક્કામાં ૧૩ રાજ્યો અને બે કેન્દ્રશાસિત પ્રદેશની ૧૧૭ બેઠક પર આજે મતદાન થઈ રહ્યું છે. આ તબક્કામાં…

21 hours ago

વારાણસીમાં PM મોદીને સપાનાં મહિલા ઉમેદવાર શાલિની યાદવ ટક્કર આપશે

વડા પ્રધાન નરેન્દ્ર મોદી વિરુદ્ધ સમાજવાદી પાર્ટી (સપા) અને બહુજન સમાજ પાર્ટી (બસપા)ના ગઠબંધને વારાણસી લોકસભાની બેઠક પર પોતાના ઉમેદવારનાં…

22 hours ago

રામપુરમાં ૩૦૦થી વધુ EVM કામ કરી રહ્યાં નથીઃ અબ્દુલ્લા આઝમખાનનો આક્ષેપ

ઉત્તર પ્રદેશમાં આજે ત્રીજા તબક્કાનાં મતદાન દરમિયાન રામપુરમાં સમાજવાદી પાર્ટીના ઉમેદવાર આઝમખાનના પુત્ર અબ્દુલ્લા આઝમખાને એવો આક્ષેપ કર્યો છે કે…

22 hours ago

આતંકના ગઢ અનંતનાગમાં મતદાન: મહેબૂબા મુફ્તી સહિત કુલ ૧૮ ઉમેદવાર મેદાનમાં

જમ્મુ-કાશ્મીરમાં લોકસભાની ચૂંટણી માટે ત્રીજા તબક્કાનાં મતદાન હેઠળ અનંતનાગ સંસદીય બેઠક માટે મતદાન જારી છે. અલગતાવાદીઓ દ્વારા મતદાનનો બહિષ્કાર કરવાનું…

22 hours ago