Categories: Sports

રિયોમાં પાકિસ્તાનીઓ પર ખાસ નજર રખાઈ રહી છે

રિયોઃ બ્રાઝિલમાં આગામી પાંચમી ઓગસ્ટે શરૂ થઈ રહેલા ઓલિમ્પિક રમતોત્સવ પર આતંકનું જોખમ મંડરાઈ રહ્યું છે. એક તરફ જ્યાં દુનિયાના સૌથી ખૂંખાર આતંકવાદી સંગઠન આઇએસનું જોખમ છે ત્યારે એવી આશંકા પણ છે કે પાકિસ્તાની મૂળના નાગરિકો આતંકી હુમલાને અંજામ આપી શકે છે. અસલમાં બ્રાઝિલના કાઉન્ટર ટેરરિઝમ ડિરેક્ટર લૂઇસ આલ્બર્ટોએ ગઈ કાલે એ વાતનો ખુલાસો કર્યો કે ઓલિમ્પિક રમતોત્સવ પર આઇએસના હુમલાની વાત સાચી છે.

આ જોખમને નજરમાં રાખીને બ્રિઝાલની રાષ્ટ્રીય જાસૂસી સંસ્થા શંકાસ્પદ ઇસ્લામી ચરમપંથીઓની ગતિવિધિઓ પર નજર રાખી રહી છે, આમાં પાકિસ્તાની નાગરિકો પણ સામેલ છે. અધિકારીઓએ જણાવ્યું કે ઘણા પાકિસ્તાની વર્ષ ૨૦૧૪ના ફિફા વર્લ્ડકપ દરમિયાન બ્રાઝિલમાં આવ્યા હતા, પરંતુ તેઓ પાછા ગયા નથી. આવા પાકિસ્તાનીઓ પર નજર રાખવામાં આવી રહી છે.

બ્રાઝિલની પોલીસે એન્ટી ટેરરિઝમ ઓપરેશન દરમિયાન તાજેતરમાં જ ૩૨ વર્ષના એક પાકિસ્તાની નાગરિકની ધરપકડ કરી છે. આરોપ છે કે તેની યોજના બ્રાઝિલની રાજધાની સ્થિત એરપોર્ટ પર બોમ્બ ધડાકો કરવાની હતી. પોલીસના જણાવ્યા અનુસાર આ પાકિસ્તાની નાગરિક અને તેની પત્નીની પૂછપરછ દરમિયાન પત્નીએ એ વાત કબૂલ કરી લીધી હતી કે તેઓ એરપોર્ટને ઉડાવી દેવા ઇચ્છતા હતા અને નરસંહારને અંજામ આપવા માગતા હતા.

તાજેતરનાં વર્ષોમાં આઇએસના ઘણા ખતરનાક હુમલાઓ સહન કરી રહેલા ફ્રાંસે પણ દાવો કર્યો છે કે બ્રાઝિલમાં ઓલિમ્પિક દરમિયાન તેમના દળને નિશાન બનાવાય તેવી શક્યતા છે. મિલિટરી ઇન્ટેલિજન્સના પ્રમુખે કહ્યું કે, ”પાર્ટનર એજન્સીઓએ એક બ્રાઝિલિયન ઇસ્લામી આતંકવાદી દ્વારા હુમલાનો અંજામ આપવાના કાવતરાનો ખુલાસો કર્યો છે. જોકે એ સ્પષ્ટ નથી કે પાકિસ્તાની નાગરિકની ધરપકડનો સંબંધ ફ્રાંસ દ્વારા વ્યક્ત કરવામાં આવેલી શંકા સાથે છે કે નહીં, પરંતુ બ્રાઝિલ પોલીસ કોઈ પણ જાતનું જોખમ લેવા માગતી નથી.”

divyesh

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

4 hours ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

4 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

4 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

5 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

5 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

5 hours ago