Categories: Gujarat

રસાલા ગાર્ડનના હાલ બેહાલ

અમદાવાદ: શહેરના પોશ ગણાતા નવરંગપુરા વિસ્તારમાં આવેલા પ્રસિદ્ધ લો ગાર્ડનની નજીક રસાલા ગાર્ડન નેચર પાર્ક આવ્યો છે. મ્યુનિ. કોર્પોરેશનની પાલિકીના જ લો ગાર્ડન અને રસાલા ગાર્ડન છે, પરંતુ લો ગાર્ડનની તુલનામાં રસાલા ગાર્ડનને જાણે કે તંત્ર સાવ વિસરી જ ગયું છે. ઉનાળા વેકેશનના આ સમયગાળામાં ભૂલકાંઓ માટે રસાલા ગાર્ડનનાં હરણ, વાંદરાં, સસલાં સહિતના નિર્દોષ વન્ય જીવો ભારે આકર્ષણનું કેન્દ્ર બની શકે છે તેમ છતાં સત્તાવાળાઓની ઉપેક્ષાથી રસાલા ગાર્ડન નેચર પાર્કના હાલ બેહાલ થયા છે.

સત્તાધારી ભાજપના શાસકો દ્વારા પશ્ચિમના વિસ્તારનાં બાળકો માટે કાંકરિયા પ્રાણી સંગ્રહાલય દૂર પડે તેમ લાગતું હોઈ રસાલા ગાર્ડન નેચર પાર્કને વિકસિત કરાયું હતું. એક પ્રકારે રસાલા ગાર્ડન સ્થાનિક’મિની પ્રાણી સંગ્રહાલય’ છે, પરંતુ લાંબા સમયથી રસાલા ગાર્ડન હાંસિયામાં ધકેલાયું છે. ભાજપના કોર્પોરેટરો પણ રસાલા ગાર્ડનની સુધ બુધ લેતા નથી. જ્યારે મ્યુનિ. રિક્રિએશન કમિટીના ચેરમેન બીજલ પટેલ નજીકના પાલડી વોર્ડના છે અને રસાલા ગાર્ડન તેમની કમિટી હસ્તક હોવા છતાં આ ગાર્ડન પ્રત્યે અગમ્ય કારણસર ઉદાસીન છે. રસાલા ગાર્ડનની સારસંભાળની જવાબદારી કાંકરિયા પ્રાણી સંગ્રહાલય હસ્તક છે, પરંતુ કાંકરિયા પ્રાણી સંગ્રહાલયના ઉચ્ચ અધિકારીઓ પણ અત્રે ભૂલેચૂકેય પણ ફરકતા નથી !

રસાલા ગાર્ડનમાં ભૂલકાંઓ સાથે હરણ, વાંદરાં, સસલાં વગેરે શાકાહારી વન્ય જીવોનો આનંદ માણવા આવતા પરિવારો માટે બેસવા માટે ભાંગેલા-તૂટેલા, ગંદા ગોબરા બાંકડા છે, સસલાં જેવા રમતિયાળ પ્રાણીના હવાડા ચિતરી ઉપજાવે તેવા બન્યાં છે, નાનકડા બાથટબમાં પાણીનું ટીપુંય નથી. તેના પરના પુલના પાટિયાં જ ગાયબ હોઈ બાળકો માટે જોખમરૂપ બન્યો છે અને ખાસ તો વોટર કૂલરના ખુલ્લા તેમજ જમીન પર પડેલા વાયર રમતા રમતા ત્યાં આવી ચઢનાર કોઈ પણ બાળકનું જીવન છીનવી લે તેવા ઘાતક છે. રસાલા ગાર્ડનના દરવાજા પણ બપોરે બારના ટકોરે બંધ કરી દેવાય છે.  જેના કારણે ઉનાળુ વેકેશનમાં પ્રાણીઓ સાથે મોજ માણવા આવતા ભૂલકાંઓને નિરાશ થવું પડે છે.

આ અંગે કાંકરિયા પ્રાણીસંગ્રાહલયના સુપરિટેન્ડેન્ટ ડો. આર. કે. શાહુને પૂછતાં તેઓ કહે છે, “રસાલા ગાર્ડનની માવજત અમે કરીએ છીએ. પશ્ચિમ ઝોનના ઈજનેર વિભાગને રસાલા ગાર્ડનને સુવ્યવસ્થિત રંગરૂપ આપવા પત્ર પણ લખ્યો છે જે માટે આ વર્ષે રૂ. ૨૦થી ૩૦ લાખનું વિશેષ બજેટ પણ ફાળવાશે. રસાલા ગાર્ડન ઉનાળો હોઈ બપોરના સમયગાળામાં પણ બાળકો માટે ખૂલ્લો રાખવાની સંબંધિત અધિકારીઓને સૂચના અપાશે.”

Navin Sharma

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

3 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

3 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

3 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

3 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

3 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

4 hours ago