પત્રકાર મર્ડર કેસમાં આજે રામરહીમને સજા સંભળાવાશે

ચંડીગઢ: પંચકુલાની સીબીઆઈ કોર્ટ આજે પત્રકાર રામચંદ્ર છત્રપતિ મર્ડર કેસમાં ડેરા સચ્ચા સૌદા પ્રમુખ ગુરમિત રામરહીમ સહિત અન્યને સજા સંભળાવશે. ગુરમિત રામરહીમને વીડિયો કોન્ફરન્સિંગના માધ્યમ દ્વારા સજા સંભળાવવામાં આવશે. ગુરમિત રામરહીમ હાલ રોહતકની સુનારિયા જેલમાં બંધ છે. હરિયાણામાં પ્રથમ વખત અપરાધીઓને વીડિયો કોન્ફરન્સિંગ મારફતે સજા સંભળાવવામાં આવશે.

હરિયાણા સરકારની અરજીને માન્ય રાખીને સીબીઆઈ કોર્ટે ૧૧ જાન્યુઆરીના રોજ ગુરમિત રામરહીમને અપરાધી જાહેર કર્યો હતો. ગુરમિત રામરહીમ ઉપરાંત ત્રણ અન્ય શખસને આઈપીસીની કલમ-૩૦૨ અને ૧૨૦- બી હેઠળ અપરાધી જાહેર કરવામાં આવ્યા હતા. અંબાલા જેલમાં બંધ અન્ય અપરાધીઓ કૃષ્ણલાલ, નિર્મલસિંહ અને કુલદીપસિંહને પણ આજે સજા સંભળાવવામાં આવશે.

ગુરમિત રામરહીમને સજા થવાની હોઈ પંચકુલા સહિત હરિયાણાનાં તમામ શહેરમાં કડક સુરક્ષા જાપ્તો ગોઠવવામાં આવ્યો છે કે જ્યાં ડેરા સચ્ચા સૌદાનો પ્રભાવ છે. સિરસામાં પોલીસે કાલે ફ્લેગમાર્ચ યોજી હતી. સિરસામાં બે મહિલા પોલીસદળની કંપની સહિત કુલ ૧૨ કંપની બહારથી મંગાવીને તહેનાત કરવામાં આવી છે. અહીં સીઆરપીએફની બે ટુકડીઓને એલર્ટ જારી કરાયું છે. આ ઉપરાંત પંચકુલા અને ફતેહાબાદમાં પણ કડક સુરક્ષા ગોઠવવામાં આવી છે.

સાધ્વી યૌનશોષણ કેસમાં સજા કાપી રહેલા ગુરમિત રામરહીમને આજે આજીવન કેદ કે મહત્તમ ફાંસીની સજા થઈ શકે છે. આ કેસ ૧૬ વર્ષ જૂનો છે. વર્ષ ૨૦૦૨માં પત્રકાર રામચંદ્ર છત્રપતિની ગોળી મારીને હત્યા કરવામાં આવી હતી. રામચંદ્ર છત્રપતિ સતત પોતાના અખબારમાં ડેરા સચ્ચા સૌદામાં ચાલતી ગેરરીતિઓ અંગે અહેવાલો પ્રસિદ્ધ કરતા હતા.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

12 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

12 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

12 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

12 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

12 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

12 hours ago