શ્રાવણમાં અષાઢી મેઘનો માહોલ શહેરમાં સવારથી ધોધમાર વરસાદ

અમદાવાદ: આમ તો અમદાવાદ સહિત ગુજરાતભરમાં લોકો ચાતકડોળે વરસાદની રાહ જોઇ રહ્યા હતા. પરંતુ દર વખતે વરસાદ હાથતાળી દેતો હતો જોકે બંગાળની ખાડીમાં સર્જાયેલાં લો-ડિપ્રેશનથી રાજ્યભરમાં ઓછા વત્તે અંશે વરસાદી મહોલ સર્જાયો છે.

તેમાં પણ અમદાવાદમાં તો પહેલીવાર આજે સવારથી જ અષાઢી મેઘનું વાતાવરણ જામતાં લોકો નોકરી ધંધે થઇ શકાશે કે કેમ તેની ચિંતામાં ગરકાવ થયા હતા. શહેરનો પૂર્વ વિસ્તાર રાબેતા મુજબ જળબંબાકાર થયો હતો.

નેશનલ હાઇવે પરનાં સર્વિસ રોડ પરની સોસાયટીઓમાં વરસાદી પાણી ભરાયાં હતાં. તેમાંય મણિનગર જેવા પોશ વિસ્તારમાં ઘરની અંદર સુધી વરસાદી પાણી ફરી વળતાં નાગરિકો તોબા પોકારી ઊઠ્યા હતા.

દરમિયાન આજના સવારના વરસાદથી શહેરમાં વધુ ૧૫ ઝાડ ધરાશાયી થયાં હતાં તેમજ વરસાદી પાણી ભરાયાંની સ્ટેડિયમ, પાલડી, આંબાવાડી સહિતના વિસ્તારોની કુલ મળીને ૪૦ ફરિયાદ નોંધાઈ હતી.

આ લખાય છે ત્યારે પરિમલ અંડરપાસ, કુબેરનગર અંડરપાસ, અખબારનગર અંડરપાસ અને મીઠાખળી અંડરપાસને ટ્રાફિકની અવરજવર માટે બંધ કરાયા છે જ્યારે આજે સવારના છ વાગ્યાથી ૧૦.૦૦ વાગ્યા સુધીમાં શહેરમાં સરેરાશ ચાર ઈંચ વરસાદ વરસતાં ચાલુ ચોમાસાની સિઝનનો કુલ વરસાદ ૧૨ ઈંચ થયો છે. વેજલપુરમાં સૌથી વધુ પાંચ ઇંચથી વધુ વરસાદ નોંધાયો હતો.

દરમ્યાન સ્થાનિક હવામાન વિભાગ દ્વારા શહેરમાં હજુ ત્રણ દિવસ વરસાદનું જોર રહેશે તેવી આગાહી કરાઇ છે. સામાન્ય રીતે શહેરમાં વરસાદે ક્યારેક અમી છાંટણાં તો ક્યારેક હળવો વરસાદ વરસીને નાગરિકોને ચોમાસાનો ખાસ અનુભવ કરાવ્યો નથી.

ગત ચોમાસાની તુલનામાં આ ચોમાસામાં વરસાદની સરેરાશમાં પચાસ ટકાથી વધુની ઘટ છે. તેમાંય છેલ્લા કેટલાક દિવસથી વરસાદની ઋતુને બદલે ઉનાળો ચાલતો હોય તેમ લોકોને લાગતું હતું. વરસાદ વિલંબમાં મુકાતાં મ્યુનિસિપલ તંત્ર પર મેઘરાજા મહેરબાન થયા છે તેવી પણ નાગરિકોમાં ચર્ચા ઊઠી હતી.

કેમ કે ગત ચોમાસાના પહેલા જ રાઉન્ડના સામાન્ય વરસાદમાં શહેરના રૂ.૪પ૦ કરોડના રોડને ઓછા વત્તા પ્રમાણમાં નુકસાન થતાં રાજ્યભરમાં મ્યુનિસિપલ શાસકોની આબરૂના ધજાગરા ઉડ્યા હતા. પરંતે આ ચોમાસામાં વરસાદનું જોર નહીંવત રહેવાથી શહેરના રસ્તા હજુ સુધી સલામત રહ્યા છે તેમ પણ ચર્ચાયું હતું.

divyesh

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

17 mins ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

49 mins ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

1 hour ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

1 hour ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

1 hour ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

3 hours ago