Categories: Gujarat

રબારી કોલોની પાસે સાળા, બનેવી પર છરીથી હુમલો

અમદાવાદ: શહેરના અમરાઇવાડી વિસ્તારમાં આવેલ રબારી કોલોની પાસે શટલ રિક્ષા ભરવા બાબતે ગઇ કાલે મોડી રાતે રિક્ષા ચાલકો વચ્ચે મામલો બિચક્યો હતો. જોતજોતામાં મામલો એ હદે ગંભીર બન્યો કે બે રિક્ષાચાલકોએ શટલ રિક્ષા ચલાવતા સાળા-બનેવી પર છરી વડે હુમલો કર્યો હતો. કોઇ અનિચ્છનીય બનાવ બને નહીં તે માટે રામોલ પોલીસ મોડી રાતે ઘટનાસ્થળે પહોંચી ગઇ હતી અને છરી વડે ઇજાગ્રસ્ત થયેલા સાળા-બનેવીને સારવાર માટે હોસ્પિટલમાં ખસેડવામાં આવ્યા હતા.

આ અંગેની વિગત એવી છે કે વસ્ત્રાલ ગામમાં આવેલી પંજરી રે‌િસડન્સીમાં રહેતાં રામલખન સત્યભાણસિંગ ભાદોરિયા રિક્ષા ચલાવી પોતાનું ગુજરાન ચલાવે છે. રબારી કોલોની પાસે ગઇ કાલે શટલ રિક્ષા ભરવા બાબતે બાબુ ઉર્ફે ખલીફા તેમજ દીપક નામના યુવક સાથે રામલખનની બબાલ થઇ હતી. મોડી રાતે રામલખન પોતાના ઘર તરફ જઇ રહ્યો હતો ત્યાર બાબુ અને દીપક બન્ને જણા રામલખન જોડે આવ્યા હતા અને તેના પર હુમલો શરૂ કરી દીધો હતો. રામલખનને માર ખાતાં જોઇને તેના બનેવી વિનોદ ભદો‌િરયા છોડાવવા માટે દોડી આવ્યા હતા.

જોતજોતામાં દીપક અને બાબુએ તેની પાસે રહેલ છરી કાઢીને રામલખન તેમજ વિનોદ પર હુમલો શરૂ કરી દીધો હતો. આ ઘટનામાં બન્ને જણા ઘાયલ થતાં તેમને સારવાર માટે હોસ્પિટલમાં ખસેડવામાં આવ્યા હતા. રામોલ પોલીસ આ મામલે મોડી રાતે રબારી કોલોની પાસે ચાંપતો બંદોબસ્ત ગોઠવી દીધો હતો. પોલીસે બે યુવકો વિરુદ્ધમાં ગુનો દાખલ કરીને તપાસ શરૂ કરી છે.
http://sambhaavnews.com/

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

7 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

7 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

7 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

7 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

7 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

8 hours ago