પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર ખાતે યોજેલ એક સંયુકત પત્રકાર પરિષદમાં ‌ચીનાર કોર્પ્સના લેફ. જનરલ કે.એસ.‌ ધિલ્લોને કાશ્મીરના પથ્થરબાજોને ફાઇનલ ચેતવણી આપી હતી કે જો તેઓ આતંકીઓને મદદ કરશે તો માર્યા જશે. તેમણે કાશ્મીરી માતાઓને અપીલ કરી હતી કે તેઓ પોતાનાં બાળકોને આતંકનો માર્ગ છોડી દેવા સમજાવે. જો તેમણે બંદૂક ઉઠાવી કે પથ્થરમારો કર્યો તો તેઓ માર્યા જશે.

સંયુકત પત્રકાર પરિષદમાં ‌લેફ. જનરલ કે.એસ. ધિલ્લોને વધુ માહિતી આપતાં જણાવ્યું હતું કે સુરક્ષાદળોએ માત્ર ૧૦૦ કલાકની અંદર જ પુલવામા હુમલાના માસ્ટર માઇન્ડ રાશીદ અને કામરાનને ફૂંકી માર્યા છે. તેમણે વધુમાં જણાવ્યું હતું કે છેલ્લા કેટલાક દિવસોથી જૈશ-એ-મોહંમદના આતંકીઓ ઉપર અમારી નજર હતી અને કાશ્મીર ખીણમાં ૧૦૦ કલાકની અંદર જૈશની લીડર‌િશપને ખતમ કરી નાખી છે.

જમ્મુ-કાશ્મીરની મહિલાઓને અપીલ કરતાં જણાવ્યું હતું કે તેઓ તેમનાં બાળકોનેે સમજાવે અને તેમને સરેન્ડર કરવા જણાવે. તેમની પાસેે સરેન્ડર નીતિ છે. જો તેઓ સેના વિરુદ્ધ બંદૂક ઉઠાવશે તો માર્યા જશે. અમે ઇચ્છતા નથી કે કોઇ પણ નાગરિક ઘાયલ થાય. તેમણે એમ પણ જણાવ્યું હતું કે પુલવામાના આતંકી હુમલા પાછળ આઇએસઆઇનો હાથ હતો અને તેમની મદદથી જ જૈશના આતંકીઓએ હુમલો કર્યો હતો.

લેફ. જનરલ કે.એસ. ધિલ્લોને જણાવ્યું હતું કે જમ્મુ-કાશ્મીરના પથ્થરબાજોને આ આખરી ચેતવણી છે કે જો તેઓ એન્કાઉન્ટરના સ્થળે હવે આવશે તો કોઇ પણ જાતની ચેતવણી આપ્યા વગર ઠાર કરવામાં આવશે.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

2 weeks ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

2 weeks ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

2 weeks ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

2 weeks ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

2 weeks ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago