પ્રયાગરાજથી વારાણસીની બોટયાત્રા દ્વારા યુપીમાં પ્રિયંકાનું પ્રચાર અભિયાન શરૂ

(એજન્સી) પ્રયાગરાજ: કોંગ્રેસના મહામંત્રી પ્રિયંકા ગાંધી વાડરાએ આજે ઉત્તર પ્રદેશમાં લોકસભાની ચૂંટણી માટે પ્રચાર અભિયાન શરૂ કરી દીધું છે. પ્રિયંકા ગાંધીએ પ્રયાગરાજથી ચૂંટણી અભિયાનનું રણશિંગું ફૂંકયું હતું. પ્રચાર અભિયાન શરૂ કરતાં પહેલાં પ્રયાગરાજમાં સંગમ તટ પર પ્રિયંકા ગાંધીએ ગંગા પૂજન કર્યું હતું અને સાથે જ તેમણે ગંગા આચમન પણ કર્યું હતું. સંપૂર્ણ વિધિ વિધાન સાથે પૂજન અર્ચન કર્યા બાદ પ્રિયંકાએ ગંગાજીની આરતી પણ ઉતારી હતી.

પ્રિયંકા ગાંધી પ્રયાગરાજથી ગંગા નદીમાં બોટ યાત્રા કરીને વડા પ્રધાન નરેન્દ્ર મોદીના મતક્ષેત્ર વારાણસી જવા રવાના થયાં હતાં. પ્રિયંકાની બોટ પ્રચાર યાત્રા ૧૪૦ કિ.મી.ની હશે. આ યાત્રા દરમિયાન પ્રિયંકા ગાંધી પીએમ મોદીને સીધો જવાબ આપશે. યાત્રા દરમિયાન પ્રિયંકા ગાંધી વિવિધ મંદિરનાં દર્શન પણ કરશે.

કોંગ્રેસના અગ્રણી નેતાઓની હાજરીમાં પ્રયાગરાજથી બોટયાત્રા શરૂ કરતાં પહેલાં પ્રિયંકાએ શરૂઆતમાં સૂતેલા હનુમાન મંદિરમાં પૂજા કરી હતી. મંદિરમાં દર્શન દરમિયાન પ્રિયંકાએ જણાવ્યું હતું કે મેં મારા માટે કંઇ જ માગ્યું નથી. દેશની પ્રગતિ અને શાંતિ થાય તે માટે મેં પ્રાર્થના કરી છે. ત્યાર બાદ પ્રિયંકા ગાંધી ગંગા પૂજન માટે સંગમ જવા રવાના થયાં હતાં.

પ્રિયંકાની આ બે દિવસની યાત્રાને ‘ગંગા-જમુની તહજિબ યાત્રા’ નામ આપ્યું છે. રવિવારે લખનૌથી અલાહાબાદ પહોંચેલાં પ્રિયંકા સૌ પહેલાં સ્વરાજ ભવન ગયાં હતાં અને ત્યાં તેમણે પોતાનાં દાદી ઇન્દિરાજીને યાદ કર્યાં હતાં. પ્રિયંકાની યાત્રાનું સમાપન ર૦ માર્ચે વારાણસીમાં થશે. આવતી કાલે પ્રિયંકા પોતાની યાત્રા દરમિયાન મઢહા ગામ (મીરજાપુર) પહોંચશે. ત્યાર બાદ તેઓ વિંધ્યાચલના દર્શન કરશે. આ કાર્યક્રમ બાદ ચુનાર જવા રવાના થશે.

ચુનારમાં પ્રિયંકા શીતળા માતાનાં દર્શન કરશે. પ્રિયંકા રાત્રી રોકાણ ચુનારમાં કરશે. ર૦ માર્ચના રોજ પ્રિયંકા વારાણસી જવા નીકળશે અને વારાણસીના અસ્સી ઘાટ પર યાત્રાનું સમાપન કરશે. વારાણસીની નજીક દમદમા ખાતે પ્રિયંકા એક સ્વાગત કાર્યક્રમમાં ભાગ લેશે. પ્રિયંકાની આ હાઇપ્રોફાઇલ યાત્રાને પ્રશાસને સતર્કતા દાખવીને રપ શરત સાથે મંજૂરી આપી છે.

divyesh

Recent Posts

કોલંબો એરપોર્ટ નજીકથી છ ફૂટ લાંબો પાઈપ બોમ્બ મળી આવ્યો: એરફોર્સે ડિફ્યૂઝ કર્યો

શ્રીલંકામાં રવિવારે ચર્ચ અને હોટલોમાં, સિરિયલ બ્લાસ્ટ બાદ પોલીસને કોલંબો એરપોર્ટ નજીકથી એક શક્તિશાળી પાઈપ બોમ્બ મળી આવ્યો હતો. છ…

13 hours ago

મારાં બાળકોએ પણ ઓડિશન આપવું પડશેઃ આમિર ખાન

બોલિવૂડ અભિનેતા આમિરખાનનું કહેવું છે કે પોતાનાં બાળકો જુનેદ, ઈરા અને આઝાદની પ્રતિભાનું આકલન કરતાં તે ક્યારેય સંતાન મોહમાં નહીં…

13 hours ago

સેન્ટ્રલ એક્સાઈઝની કોલોનીમાંથી GSTની સંખ્યાબંધ ફાઇલો ચોરાઈ

શહેરના પ્રગતિનગર વિસ્તારમાં આવેલ સેન્ટ્રલ એક્સાઇઝ કોલોનીમાં આવેલ જીએસટીના રેકોર્ડ રૂમથી સંખ્યાબંધ ફાઇલો ચોરી થઈ હોવાનું સામે આવતાં સરકારી વિભાગમાં…

13 hours ago

Ahmedabad: ન્યૂ મણિનગરમાં IPL પર સટ્ટો રમાડતા ત્રણ ઝડપાયા

શહેરના ન્યૂ મણિનગર વિસ્તારમાં આવેલા ત્રિમૂર્તિ સાંનિધ્ય ફ્લેટમાં આઇપીએલ ટી-૨૦ મેચ પર ‌સટ્ટો રમાડતા ત્રણ શખસોની રામોલ પોલીસે ધરપકડ કરી…

14 hours ago

RTE પ્રથમ પ્રવેશયાદી તા.6 મેએ જાહેર કરાશે

રાજ્યભરમાં ગરીબ અને વંચિત જૂથનાં બાળકોને ખાનગી શાળાઓમાં પ્રવેશ માટેનાં ફોર્મ ભરાવવાની ઓનલાઇન પ્રક્રિયા રપ એપ્રિલે પૂરી થયા બાદ હવે…

14 hours ago

રાહુલ ગાંધીનું ઉમેદવારી પત્ર ગેરલાયક ઠરશે? ચુકાદા પર બધાની નજર

કોંગ્રેસ અધ્યક્ષ રાહુલ ગાંધી બે બેઠક પરથી લોકસભા ચૂંટણી લડી રહ્યા છે અને આ બંને સ્થળોએ તેમના ઉમેદવારી પત્ર પર…

14 hours ago