Categories: India

વડા પ્રધાન મોદી આજે ત્રણ દેશના પ્રવાસે રવાના થશે

નવી દિલ્હી: બેલ્જિયમના પાટનગર બ્રસેલ્સમાં આતંકવાદી હુમલાના એક સપ્તાહ બાદ વડા પ્રધાન નરેન્દ્ર મોદી તેમના ત્રણ દેશના સત્તાવાર પ્રવાસ માટે આજે બ્રસેલ્સ જવા રવાના થશે. ત્યારબાદ તેઓ વોશિંગ્ટનમાં પરમાણુ સુરક્ષા સંમેલનમાં ભાગ લેશે. તેમજ સાઉદી અરબની પણ મુલાકાત લેશે.

મોદી બ્રસેલ્સમાં ભારત યુરોપીય સંઘની શિખર બેઠકમાં હાજરી આપશે. બેઠકમાં માેદી અને બેલ્જિયમના વડા પ્રધાન ચાર્લ્સ મિચેલ સાથે આતંકવાદનો સામનો કરવાના ઉપાય અંગે ચર્ચા થવાની સંભાવના છે. ભારત યુરોપીય સંઘ શિખરની બેઠકનો હેતુ બંને દેશ વચ્ચેના સંબંધો વધુ ગાઢ બનાવવાનાે છે. એવું માનવામાં આવી રહ્યું છે કે બંને દેશ મુકત વેપાર સમજૂતીને આખરી ઓપ આપવાના ઉપાયો અંગે પણ વિચાર વિમર્શ કરશે. છેલ્લે ૨૦૧૨માં શિખર બેઠક મળી હતી. ભારત અને યુરોપીય સંઘ વચ્ચેના સંબંધોમાં થોડો વિવાદ થતાં ૨૮ દેશોના સમૂહે ગત સાલ અેપ્રિલમાં મોદીના ફ્રાન્સ, જર્મની અને કેનેડાના પ્રવાસ વખતે બ્રસેલ્સના ટૂંકા પ્રવાસ સંબંધી નવી દિલ્હીના પ્રસ્તાવને મંજૂરી આપી ન હતી.

વિદેશ મંત્રાલયના સંયુકત સચિવ (યુરોપ) નંદિની ‌સિંઘલાઅે જણાવ્યું કે મોદીના પ્રવાસ દરમિયાન બ્રસેલ્સમાં આતંકવાદી હુમલો વાતચીતનો મુખ્ય મુદો બની રહેશે. આ બાબત જ વાતચીતનું મુખ્ય કેન્દ્ર બની રહેશે.દરમિયાન મોદી બ્રસેલ્સમાં હીરાના વેપારીઓના પ્રતિનિધિ મંડળ સહિત ઉચ્ચ કારોબારીઓને મળશે. અને ત્યાં તેઓ એનઆઈઆરને સંબોધશે. તેમજ ભારતીય મૂળનાં લોકોનાં પ્રતિનિધિમંડળ અને સાંસદોની અલગ અલગ મુલાકાત લેશે.

મોદી ૩૧ માર્ચે ચોથા પરમાણુ સુરક્ષા શિખર સંમેલનમાં ભાગ લેવા વોશિંગ્ટન જવા રવાના થશે. આ સંમેલનમાં તેઓ પરમાણુ સુરક્ષા અંગે કેટલીક મહત્વની જાહેરાત કરશે. તેમજ ભારત આ સંમેલનમાં પરમાણુ સુરક્ષા અંગે રાષ્ટ્રીય પ્રગતિનો અહેવાલ સોંપશે. દરમિયાન અમેરિકામાં મોદીની પાકિસ્તાનના વડા પ્રધાન નવાઝ શરીફ સાથેની મુલાકાતના સવાલ અંગે વિદેશ મંત્રાલયના પ્રવકતા વિકાસ સ્વરૂપે સીધો જવાબ આપ્યો ન હતો. અમેરિકા બાદ મોદી બીજી એપ્રિલે સાઉદી અરબની બે દિવસીય મુલાકાતે પાટનગર રિયાદ જશે. મોદી સાઉદી અરબના શાહ સલમાન બિન અબ્દુલ અઝીઝ અલ સાઉદનાં આમંત્રણથી રિયાદ જઈ રહ્યા છે.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

1 day ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

1 day ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

1 day ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

1 day ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

1 day ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

1 day ago