Categories: Gujarat

પ્રદેશ ભાજપના સંગઠનમાં ‘કમૂરતા’ બાદ ફેરફાર કરાશે

અમદાવાદ: તાજેતરમાં બે તબક્કામાં યોજાયેલી સ્થાનિક સ્વરાજની સંસ્થાઓની ચૂંટણી પહેલા ભાજપમાં સંગઠન સ્તરે વ્યાપકપણે ફેરફાર થવાની અટકળોએ વેગ પકડયો હતો જો કે ચૂંટણીના માહોલમાં પણ સંગઠનમાં ફેરફાર સંભવિત ન હતા. પરંતુ હવે જયારે ચૂંટણીના શાંતિપૂર્ણ સંપન્ન થઈને પરિણામ પણ જાહેર થઈ ચુકેલ છે. ત્યારે સંગઠનને લઈને પુનઃ ચર્ચા થવા લાગી છે. ‘કમુરતા’ બાદ સંગઠનમાં ફેરબદલાવ થાય તેવી રાજકીય વર્તુળો માને છે.

ભાજપ પ્રદેશ પાર્લામેન્ટરી બોર્ડની બે દિવસીય બેઠક આગામી તા. ૯ અને ૧૦ ડિસેમ્બરે મળશે. આ બે દિવસીય બેઠકમાં સ્થાનિક સ્વરાજની સંસ્થાઓના પદાધિકારીઓના નામ નક્કી કરાશે. મુખ્યમંત્રી આંનદીબહેનના ગાંધીનગર સ્થિત નિવાસસ્થાને યોજાનારી આ બેઠકમાં ખુદ મુખ્યમંત્રી જે તે પદાધિકારીના નામ પર અંતિમ મહોર મારશે તેમ સૂત્રો જણાવે છે.

સ્થાનિક સ્વરાજની સંસ્થાઓના પદાધિકારીઓની પસંદગી બાદ ભાજપ હાઈકમાંડ પક્ષના માળખાનો મામલો વિચારણા હેઠળ લેશે. જો કે હજુ એકાદ મહિનો સંગઠનમાં બદલાવ કરાશે નહીં ત્યારબાદ શહેર સ્તરેથી પ્રદેશ સ્તર સુધી હોદ્દેદારો બદલવાની કવાયત હાથ ધરાશે.આમ પણ ભાજપમાં અમાવાદ શહેર પ્રમુખથી લઈને પ્રદેશ પ્રમુખ સુધીના હોદ્દેદારોની મુદત પૂર્ણ થઈ ગઈ છે જેના કારણે નવા શહેર પ્રમુખ તેમજ નવા પ્રદેશ પ્રમુખના સંભવિત નામોની પણ ચૂંટણી અગાઉના સમયગાળામાં ચર્ચા ઉઠી હતી.

અલબત્ત હવે ‘કમુરતા’ બાદ એટલે કે તા. ૧૪ જાન્યુઆરી પછી ભાજપમાં મુદતપૂર્ણ થયેલા હોદ્દેદારો કે ચૂંટણીમાં નબળા તેમજ નિષ્ક્રીય પુરવાર થયેલા હોદ્દેદારોને ઘરે બેસાડી દેવાશે તે બાબત ચોક્કસ હોઈ પુનઃ નવા હોદ્દેદારોના નામની ચર્ચા ચગડોળે પડશે. ચૂંટણીમાં પક્ષની જે તે સંસ્થામાં થયેલી હાર-જીતના પડઘા નવી નિમણુંકોમાં જોવા મળશે. સરકારમાં પણ મંત્રીમંડળ સ્તરે કેટલાક મંત્રીઓને પડતા મૂકાશે. બજેટસત્ર પહેલા સરકારમાં ફેરફાર થવાની શકયતા છે.

admin

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

21 hours ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

21 hours ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

21 hours ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

22 hours ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

22 hours ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

22 hours ago