Categories: Gujarat

કોંગ્રેસ સામે રાજનીતિ કરવાના આક્ષેપ બદલ ભાજપ માફી માગેઃ મોઢવાડિયા

ગાંધીનગર : ગુજરાત વિધાનસભામાં વર્ષ ૨૦૦૧થી ૨૦૧૫ સુધીમાં ચાર વખત પસાર કરાવીને ગુજરાતની ભાજપ સરકારના ‘ગુજરાત આતંકવાદી કૃત્ય અને સંગઠીત ગુન્હા નિવારણ વિધેયક-૨૦૧૫” (ગુજસીટોક બિલ)ને રાષ્ટ્રપતિની મંજૂરી માટે મોકલાયું હતું. પરંતુ આ વિધેયકની અમુક જોગવાઈઓ અસંવૈધાનિક તથા ગેરકાનુની હોવાના કારણે ભારત સરકાર અને રાષ્ટ્રપતિએ પરત મોકલ્યું હતું.

તે જ રીતે આજે ૨૦૧૫માં પસાર કરેલ આ જ વિધેયકને કેન્દ્રના ગૃહ મંત્રાલયે પરત મોકલતાં સદરહુ ઘટનાને ‘નરેન્દ્ર મોદીની ગુજરાત સરકારે પસાર કરેલ વિધેયકને નરેન્દ્ર મોદીની ભારત સરકારે અસ્વીકાર કરીને નરેન્દ્ર મોદીની ગુજરાત સરકારને માથે લપડાક લગાવી છે” તેવા વ્યંગ્ય સાથે આ વિધેયક ઉપર સતત ૧૫ વર્ષ સુધી કોંગ્રેસ સામે રાજનીતિ કરવાના આક્ષેપો માટે વડાપ્રધાન અને ભાજપ માફી માંગે તેવી માંગણી ગુજરાત કોંગ્રેસના પૂર્વ પ્રમુખ અર્જુન મોઢવાડિયાએ કરી હતી.

મોઢવાડિયાએ જણાવ્યું હતું કે, ભાજપની સરકારે ૨૬-૧૨-૨૦૦૧માં સદરહુ બિલ ગુજરાત સંગઠીત ગુન્હા નિવારણ વિધેયક-૨૦૦૧ના નામે બિલ પસાર કરાવીને રાષ્ટ્રપતિની મંજૂરી માટે મોકલ્યું હતું. પરંતુ જેતે વખતે ભારત સરકારના ગૃહમંત્રી એલ. કે. અડવાણીના તાબા હેઠળના ગૃહ મંત્રાલયે સદરહુ બિલની, નાગરિકોના ટેલિફોન આંતરવાની, આરોપીઓના પોલીસ અધિકારીઓ સમક્ષના નિવેદનોને કોર્ટ સમક્ષના નિવેદનો ગણવા સહિતની જોગવાઈઓને ગેરબંધારણીય તથા ગેરકાનુની ગણાવી અને સદરહુ વિધેયક પરત કર્યું હતું.

મોઢવાડિયાએ જણાવ્યું હતું કે, વડાપ્રધાન નરેન્દ્ર મોદી, મુખ્યમંત્રી આનંદીબહેન પટેલ તથા અમિત શાહે દેશની પ્રજાની માફી માંગવી જોઈએ. કારણ કે, ત્રણેય મહાનુભાવોએ વિધાનસભામાં  પ્રજાની માફી માંગવી જોઈએ

Navin Sharma

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

12 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

13 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

13 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

13 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

13 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

15 hours ago